وصلت الفلاشة وفتحتها. ماكانش فيها غير ملف فيديو واحد. ضغطت تشغيل. ظهر عمر قدام الكاميرا وهو بكامل صحته. قال بصوت ثابت لو إنتي بتشوفي الفيديو ده يبقى أنا غالبًا في غيبوبة أو يمكن حصلي حاجة أسوأ. اسمي عمر السيوفي ولو وصلتي للفيديو ده يبقى أعرفي إن حياتك بقت في خطر من اللحظة دي. نورا شهقت وهي مركزة مع كل كلمة. كمل عمر ابن عمي شريف عمره ما كان بيدور على مصلحة العيلة. هو عايز الشركة بأي تمن. ولو أنا اختفيت هيبقى هو صاحب كل حاجة.
وفجأة الفيديو وقف. نورا حاولت تشغله تاني. لكن الشاشة ظهر عليها رسالة. “أدخل كلمة السر.” ضــ,,ـــــربت بإيدها على المكتب وهي متضايقة. كان باقي الحقيقة على بعد خطوة منها. وفي اللحظة دي سمعت صوت باب المكتب بيتفتح ببطء. قفلت اللابتوب بسرعة وخبت الفلاشة في جيبها. رفعت عينيها ناحية الباب. اتفاجئت بالحاجة فريدة واقفة قدامها. بصتلها للحظات من غير كلام. وبعدين قالت بهدوء غريب أنا كنت مستنية اليوم اللي تفتحي فيه الفلاشة دي.
نورا اتسعت عينيها من الصدمة. وقالت حضرتك… كنتي عارفة؟ الحاجة فريدة هزت راسها وقالت أنا اللي خبيتها لعمر قبل الدــ,,ـــــادث… وهو وصاني إنها ماتوصلش غير للبنت اللي هتبقى مراته. نورا حسّت إن الدنيا بتلف بيها. لكن قبل ما تسأل أي سؤال… سمعوا فجأة صوت جهاز الإنذار الطبي جاي من أوضة عمر. الستات والخدم جريوا ناحية الأوضة. ولما نورا دخلت مع الحاجة فريدة اتجمدت مكانها… السر,,ـــــير كان فاضي… وعمر اختفى من غير ما حد يعرف خرج إزاي أو راح فين.
نورا جريت على أوضة عمر وهي قلبها هيقف من الرعب. السر,,ـــــير كان فاضي فعلًا. الدكاترة والممرضين قلبوا القصر كله. الحاجة فريدة كانت واقفة ساكتة لكن ملامحها كانت بتقول إنها عارفة حفيدها أكتر من أي حد. بعد أقل من عشر دقايق سمعوا صوت عربية خارج القصر. كلهم جريوا ناحية الجنينة. اتفاجئوا بعمر واقف مستند على العربية وهو تعبان جدًا لكن واقف على رجليه. أول ما شاف نورا ابتسم لأول مرة. وشريف أول ما لمح عمر وشه اصفر.
قال وهو بيرجع لورا إنت… مستحيل. عمر قرب منه وقال بهدوء مستغرب إني عايش؟ الحاجة فريدة جريت حــ,,ـــــضنته وهي بتعيط. أما نورا فكانت واقفة مش مصدقة. عمر بص لها وقال أنا كنت صاحي من ساعتين. خرجت من القصر عشان أتأكد إن اللي كنت شاكك فيه هو الحقيقة. لف ناحية شريف وقال والحقيقة طلعت أسوأ مما توقعت. شريف حاول يضحك وقال إنت لسه تعبان ومش عارف بتقول إيه. لكن عمر طلع موبايله وشغل تسجيل صوت.
كان صوت شريف وهو بيتفق مع واحد على إنه يبدل علاج عمر ويخليه يفضل في الغيبوبة لحد ما ينقل الشركة باسمه. وبعدين ظهر فيديو من كاميرات المراقبة وهو داخل أوضة عمر بالليل أكتر من مرة. وشريف انهار. حاول يجري. لكن الأمن مسكه. في اللحظة دي وصلت الشرطة بعد ما عمر بلغهم قبل ما يرجع القصر. واتقبــ,,ـــــض على شريف بتهمة الشروع في ال. والتلاعب في أموال الشركة والتزوير.بعد التحقيقات اعترف بكل حاجة.
واعترف كمان إنه هو اللي استغل ديون عبد الحميد أبو نورا وأقنعه يوافق على الجوازة عشان يضمن إن عمر يفضل مجرد اسم على الورق وهو اللي يحكم الشركة. عبد الحميد وقع على الأرض من كتر الندم. راح لبنته وهو بيبكي وقال سامحيني يا بنتي… أنا كنت فاكر إني بنقذك لكن أنا دمرتك. نورا بصت له وقالت أنا هسامحك لأنك أبويا… لكن عمري ما هنسى اللي حصل. بعد شهور اتعافى عمر بالكامل.
رجع يدير الشركة بنفسه. وأول قرار أخده إنه سدد كل ديون العمال اللي كانوا مهددين بالطرد وفتح مؤسسة خيرية باسم والدته. أما نورا فطلبت منه الطلاق. ابتسم وقال لو ده قرارك هحترمه. سكتت ثواني وقالت بس قبل أي قرار… إحنا عمرنا ما عرفنا بعض بجد. ضحك لأول مرة من قلبه وقال يبقى نبدأ من الأول… من غير صفقات ولا إجبار. بدأوا يخرجوا سوا ويتكلموا ويتعرفوا على بعض بعيد عن القصر والمشاكل.
ولأول مرة نورا شافت عمر الإنسان مش رجل الأعمال. وبعد سنة كاملة اتجوزوا من جديد. المرة دي في فرح بسيط وسط أهلهم وأصحابهم. ولما المأذون سأله موافق؟ بص لعيني نورا وقال بابتسامة موافق… من كل قلبي. ولما سألها قالت وهي بتضحك وسط دموعها موافقة… المرة دي بإرادتي. وانتهت القصة بعد ما اتقفل ملف الخيانة والطمع واتحول جواز بدأ كصفقة لإنقاذ الديون إلى قصة حب حقيقية أثبتت إن الحقيقة ممكن تتأخر لكنها في الآخر دايمًا بتنتصر.
