قصص وروايات

اسراء هانى ٢

لتكملها في جوفه بعد أن انقض على شفتيها يطفئ نار جسده وقلبه بعد أن قالت كلمة تمنى منذ أن رآها أن تنطقها، بعد وقت ليس بقصير. تركها تأخذ نفسها ووضع جبهته على جبهتها ينهج بشدة من تأثير كلمتها وطعم شفتيها.

خالد: إنتي بتلعبي بالنار يا مريم.

مريم بصوت بالكاد يسمع: إنت قليل الأدب.

خالد: حد يشوفك وما يكونش قليل الأدب؟ ده نفسي في كل حاجة فيكي يا مريم.

مريم: عربة ايسكريم، ايس كريم.

خالد: حجبلك من عنيا.

مريم: حجيب أنا، قالتها مريم وهي تنزل مسرعة، ليركض خالد بأقصى سرعته يبعدها عن دراجة نارية كانت مسرعة، ويدفعها ليصطدم بها وتقذفه لأبعد مكان.

مريم: خااااااااالد!

ركضت إليه بأقصى سرعة كادت تفقد وعيها من شدة خوفها، ارتمت على ركبتيها وأخذته في حضنها تمسح أثر وجهه وجسده يرتعش بشدة.

خالد بضعف: إنتي كويسة؟

هزت رأسها بالإيجاب ليغمض عينيه فاقدًا وعيه. مكث في المستشفى أسبوعين كاملين كادت بهما تقدم على تصرف خطر من شدة خوفها.

مريم بدموع: ليه عملت كدة يا خالد؟

خالد بحب: عشان لو إنتي اللي تصابتي كنت حاتوجع أضعاف اللي أنا فيه.

ركضت إليه تحتضنه بقوة.

خالد وهو ينهج بشدة: أنا عايز أتجوزك يا مريم، الامتحانات تخلصيها وإنتي في بيتي، مش مستحمل يوم تاني بعاد.

هزت رأسها بالموافقة ليلتهم شفتيها بقبلة متمكنة للغاية أذابتها بين يديه.

بااااااك

خالد: أنا حجيب المأذون بكرة، يا توافقوا يا أنشر الصور، بعد ما أخفي وجهي طبعًا.

تركهم وألقى قبلة لهم في الهواء، أدارت جميلة وجهها لابنتها لتشتمها، وجدتها فاقدة وعيها كقطعة ثلج أثر صدمتها.

/////

خالد: أيوة يا ابني، رن رن رن، في إيه؟

سيف: تعالا عالاسم بتاعك بسرعة، محمد اتمسك هناك.

خالد: محمد؟ ليه؟ في إيه؟

سيف بضحك: فعل فاضح في الطريق العام.

خالد: طيب اقفل، أنا جاي.

محمد وهو يضمها من كتفها: بس بقى يا حبيبتي، كفاية بكا، دلوقتي يجي خالد صاحبي ويخرجنا.

إسراء: ازاي نيجي هنا بتهمة زي دي؟ احنا عملنا إيه لكل ده؟

دخل خالد مسرعًا للمكتب.

الشرطي علاء: خالد باشا، ازيك، تفضل.

خالد: أهلًا يا علاء، بس محمد جاي هنا ليه؟

علاء: كان بيقبل في الشارع يا باشا.

خالد: أكيد إنت فهمت غلط، اللي معاه دي مراته، وسوء فهم، ياريت تخرجهم على مسؤوليتي.

علاء: حاضر يا باشا، إنت تؤمرنا.

سيف وهو يضحك: العيش والحلاوة يا محمد.

محمد بغيظ: ما تخلنيش أضربك يا سيف.

خالد: طيب قولي إنك بتاع كدة، كنت دبرتلك شقة.

محمد بزعيق: مش زي ما إنت فاهم، إسراء مراتي، كتبت كتابي عليها النهاردة.

فتح الاثنان فمهما من الذهول غير مصدقين ما يحصل.

خالد: طيب وسعاد؟

إسراء: سعاد مين؟

سيف بتوتر: دي بنت عمته اللي كان أبوه عايز يجوزوا إياها.

خالد: إيه؟ آه آه صح، كان عايز يجوزوا إياها، أنا مش فاهم حاجة.

محمد وهو يتنفس بارتياح ويغمز لخالد لأنه نوى دفنه: إيه يا خالد؟ مش حنمشي؟

خالد: آه حنمشي، تفضلوا.

مشى محمد وفي يده إسراء، اقترب منه خالد وهمس في أذنه: تصدق تستاهل.

محمد: مش كدة قولتلك؟ صاحبك ما يوقعش إلا واقف.

سيف: والفرح امتى يا باشا؟

محمد: لسة ما قررتش، بس ياريت يكون امبارح، أنا على أخري.

إسراء بخجل: محمد بس…

محمد بهمس: يا دين النبي، حاكل شفايفك إن قولتي اسمي تاني، وحتحبس المرة دي.

محمد لسيف: عملت إيه؟

سيف: ما تقلقش يا باشا، كله تمام، صالحتها.

خالد بعدم تصديق: هيا مين دي؟

محمد: اسكت، مش صاحبك وقع؟

خالد بصدمة: سيف؟

محمد: أيوة.

خالد: احلف.

محمد: آه والنبي.

أخرج خالد من جيبه نقودًا وأعطاها للعسكري.

خالد: حاجة سقعة للاسم كله وللمساجين كمان، ده حصل معجزة النهاردة.

سيف بغيظ: تصدقوا إنكوا عايزين الدبح؟ لا، فعلًا ستر وغطا، وإنتو فضايحية.

إسراء بابتسامة: هو إنت كنت معقد؟

محمد: معقد وبس؟ ده كان حتى أمه يكرهها من كرهه بالستات، حبقى أحكيلك.

لكم سيف محمد بوجهه جعلهم يضحكون بقوة.

أوصل محمد إسراء للبيت وهو يود أن ترجع معه حتى لو سيعيش بكوخ، المهم أنها في حضنه.

/////

رجع سيف البيت ليجد عمه ينتظره برفقة المأذون.

سيف بصدمة: إيه؟ في إيه؟

عمه محمود: تأخرت ليه؟ احنا مستنيينك من بدري.

أم سيف: النهاردة كتب كتابك يا ابني.

سيف: مين قال إني عايز أتجوز؟

محمود: يعني إيه؟ كنت بتلعب في بنتي؟ إنت مش قاري فاتحتها؟

سيف بعصبية: قاري فاتحتها وأنا عيل في الابتدائية، ما عرفش حاجة، أما دلوقتي كبرت.

نور: سيف، أنا بحبك.

سيف: وأنا ما بحبكيش، أنا ما بحبكيش، إنتي زي أختي وبس، مش حاتجوزك يا نور.

أم سيف: لا، مش أختك، وحتتجوزها.

سيف: وديني يا أمي، إن أجبرتيني أتجوزها لاسبلك البلد كلها.

محمود: وأنا ما بادللش على بنتي يا سيف، من النهاردة أخويا وولاده ماتوا.

خرج محمود وفي يده نور تبكي بقوة.

أم سيف بدموع: ليه كدة يا ابني بعد اللي حصل؟

سيف: ما حصلش، والله ما حصل، والله ما لمستها، ما بحبهاش يا أمي.

أم سيف: أنا نفسي أفرح فيك يا سيف.

سيف: حتفرحي يا أمي، قريب أوي.

أمسك هاتفه ليتصل بها بعد أن اشتاقها بشدة.

منى بخجل: ألو؟

سيف: واحشتيني.

منى بخجل: احم، لحقت؟

سيف: شايفة عملتي إيه بقى؟ خلتيني أستنى الجامعة بعد ما كنت بروحها بالعافية.

منى: أنا ما عملتش حاجة.

سيف: متأكدة؟ أما أشوفك حقولك عملتي إيه. اللي صحيح، إنتي ازاي جبتي علامة كاملة في مادتي؟ صراحة استغربت.

منى: ليه؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى