عام

لست حبيبتي ل نرمين عادل همام ٢

عاصم قعد بكل ثبات وقال: “دي مش تلاعب.. دي استثمارات رسمية وأوراقها سليمة، وفريدة كانت مستثمرة بحقها.”

عم توفيق ضحك بتهكم: “أنت فاكرنا هنصدق الكلام ده؟!”

عاصم شغل الشاشة الكبيرة وعرض العقود والتقارير المالية، وقال بصوت حاد: “فيه حد هنا في العيلة حاول يستغل اسم فريدة ويسرب أوراق ناقصة عشان يلعب بأسهم الشركة!”

وش عم توفيق اتغير، وعاصم كمل بصرامة: “الأوراق كلها عند النيابة العامة.. واللي حاول يسب بمراتي السابقة مش هسيبه.”

عم توفيق صرخ: “عاصم! أنت هتقف ضد عيلتك عشان واحدة مطلقة؟!”

وقف عاصم وبص له بنظرة حادة زي الموت: “هي مش مراتي دلوقتي.. بس محدش في البلد دي له حق يمس سمعتها، والمرة دي مش هسيبها تدافع عن نفسها لوحدها!”

وبعد ثلاثة أيام.. طارق المساعد جاب الدليل القاطع: التسريبات طالعة من شركة إعلامية يملكها قريب هالة (مديرة أعمال ياسمين، واللي دفع الفلوس للحملة دي كان عم عاصم نفسه!

عاصم بعت الأوراق للمحامين عشان يرفعوا قضايا، وطلب ياسمين للمكتب. دخلت ياسمين وهي خايفة ومتوترة، ولما شافت عاصم واقف ورا المكتب ووشه صلب زي الصخر، اتجمدت مكانها: “عاصم…”

ياسمين وقفت قدامه وهي بترتعش: “عاصم.. أنت مش هترد عليا؟” عاصم بص لها بنظرة حادة زي السيف وقال: “أنا مستني المحامي يبدأ الإجراءات القانونية ضد عيلتك وضد الشركة اللي هربت البيانات.”

ياسمين اتصدمت ودموعها نزلت بانهيار: “أنت هترفع عليا قضية يا عاصم؟! عشان فريدة؟!” رد عاصم بصلابة وقسوة: “عشان الحق يا ياسمين.. فريدة ما غلطتش في حق حد، والمرة دي محدش هيظلمها ويمشي عادي.”

خرجت ياسمين وهي بتصرخ وتعيط، وعاصم قعد على كرسيه وغمض عينيه بإنهاك.

وفي نفس الوقت في البيت القديم.. الجدة كانت قاعدة مع عاصم على العشا، وقالت له بهدوء: “هي مش عايزة تتكلم معاك يا عاصم.. هتفضل مستني لحد إمتى؟” عاصم بص للطبق بتاعه وابتسم ابتسامة مكسورة: “أنا خليتها تستناني ثلاث سنين كاملين يا تيتة.. حقي دلوقتي إني أستنى، وده أضعف الإيمان.”

الجدة حطت إيدها على إيده وقالت بحنان وقسوة في نفس الوقت: “بس افتكر يا عاصم.. لو بتحب فريدة بجد، لازم تتقبل إنها ممكن ما ترجعش خالص، وتكون مبسوطة في حياتها بعيد عنك.” عاصم هز رأسه ببطء وصوته بح: “عارف.. وفاهم ده كويس.”

الشهر السابع في الحمل كان صعي أوي عليا. رجلي كانت بتتورم ومش قادرة أمشي، فإيلينا خففت عني الشغل في الشركة، وأمجد كان دايماً معايا وبياخدني للدكتورة في كل كشف.

في يوم وأنا في نص اجتماع أونلاين، حسيت بفجأة بوجع جامد ومغص غريب في بطني. افتكرت في الأول إنه مجرد تعب عادي، بس الوجع زاد وبدأ يشد عليا أوي. اتصلت بأمجد فوراً، وجيه أخدني وجري بيا على المستشفى.

بعد الكشف، الدكتور قال إن فيه أعراض ولادة مبكرة ولازم أتحجز تحت الملاحظة. كنت نايمة على السرير ومتمسكة بالغطا بإيدي الاتنين والرعب ماليني.. أنا مش خايفة من الوجع ولا التعب، أنا خايفة بس على بنتي يجري لها حاجة!

أمجد كان واقف جنبي وبيحاول يهديني: “اهدي يا فريدة.. الدكتور متابع كل حاجة والوضع تحت السيطرة.” دموعي نزلت بانهيار: “أمجد.. لو جرى لها حاجة أنا مش هتحمل!” مسك إيدي بصرامة وحنان: “مش هيجرى حاجة.. اسمعي كلام الدكتور واهدي عشانها.”

الخبر وصل لعاصم تاني يوم الصبح في مصر.. طارق دخل المكتب وبص له بأسى: “عاصم بيه.. الهانم اتحجزت في المستشفى في زيورخ، فيه خطر ولادة مبكرة.”

عاصم القلم وقع من إيده، وقام واقف بلهفة: “احجز لي أول طيارة!” مشي بضع خطوات ناحية الباب، بس فجأة اتسمر مكانه.. افتكر أخر كلمة قالتها له: ما تجيش هنا تاني يا عاصم.

غمض عينيه وجسمه بيتفاض، وبعد لحظات قال للمساعد بتاعه: “اتصل بأمجد.. استأذنه الأول لو ينفع أجي.”

بعد يومين.. وصل عاصم زيورخ وجيه المستشفى، بس المرة دي ما دخلش الأوضة على طول.. فضل واقف في الممر برة مستني ومحتار. خرج له أمجد ولما شافه ما اتفاجئش، فسأله عاصم بلهفة وصوت مبحوح: “هي عاملة إيه؟ والبيبي؟” أمجد رد بهدوء: “الوضع استقر والبيبي تحت الملاحظة.”

عاصم اتنفس براحة وسأله برجاء: “ينفع أشوفها؟” أمجد بص له كام ثانية وبعدين دخل الأوضة، وخرج تاني وقال: “هي وافقت.. بس عشر دقائق بس، وما تضغطش عليها.”….يتبع للجزء الثالث والاخير

 

6 من 6التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى