
وقف هشام سريعًا وهو يسحب مفاتيح سيارته التي وضعها علي مكتب صديقه رامي: زي ما اتفقنا، أوظف زهرة في الوظيفة.. أرجوك.
فتنهد رامي بيأس وهو يخبره: حاضر يا هشام.. مع إنك عارف أني مش بحب الوسايط.. بس عشان خاطرك أنت يا صديقي.
وكاد أن يكمل رامي بحديثه ليعرف منه كم يومًا سيقضيه هنا.. قبل رجوعه إلي شرم الشيخ.
ولكن انصراف هشام السريع.. جعله يجلس علي كرسي مكتبه ثانية.
أما هشام فأخذ يسير في رواق الشركة يلتف حوله.. وهو يطالع وجه كل فتاة أمامه… إلي أن خرج من شركة صديقه يتنهد بيأس: روحتي فين يا زهرة؟
أغمض عينيه وهو يحفر ملامحها في قلبه.. فقد عاد إليه الحنين الذي حاول أتعبه…
جلست علي فراشها بتعب وهي تتأمل ملامح صديقتها.
ليه شوفته النهارده يا ريم.. ليه منستهوش؟
نظرت إليها ريم وهي تستنكر ذلك المسمى بهشام: عشان هشام ده إنسان غير جدير بالثقة وغير محترم.. ما كنا صدقنا إنك نستيه.
لتضحك زهرة بيأس وهي تتذكر أن اليوم سوف تذهب مع والدتها وخطيبها الغامض الذي يعتبر عريس لقطة بالنسبة لوالدتها: بعد اللي حصل النهارده مفتكرش إني نسيته يا ريم.. للأسف لسه بحبه.
لتسقط تلك الكلمة علي مسمع والدتها وهي تدلف إلي حجرة ابنتها قائلة بغضب: لسه بتحبي مين يا ست زهرة..
تنهض ريم وهي تري والدة صديقتها.. متأملة وجه زهرة الشاحب: يا طنط.. زهرة متقصدش حاجة.
جلست نعمة بضيق وهي تتأمل ابنتها: مش واحد شوفتيه في رحلة واتعرفتي عليه مرة ولا اتنين وبعدين اتكلمتوا شويه علي الموقع اللي اسمه فيس.. تقومي تحبهولي؟
فأخذت الصديقتان يتأملان ملامح بعضهما… فوالدتها لا تعلم إلا نصف الحكاية.
وتابعت والدتها حديثها وهي تنهض: الحاجة مني اتصلت ولغت الميعاد بتاع النهارده.. عشان أخو خطيبك جه فجأة ليهم.
وخرجت والدتها وهي تستنكر غباء ابنتها…
لتحتضنها صديقتها بعجز: معلش يا زهرة.. طنط لما بتتعصب بتنسي نفسها..
دمعت عين زهرة وهي تندم على ضعفها منذ عام عندما قصت علي والدتها نصف حكاية حبها لهشام.. ظنًا منها أنه سوف يأتي لخطبتها كما كان يخبرها…
ونطقت بألم: يارتني ما كنت ضعفت وحكيت ليها.
جلست مني بجانب أولادها الاثنين وهي تضحك من قلبها: لو تعرفوا أنا فرحانه النهارده ازاي يا ولاد… قلبي هيطير من الفرحة وأنا شيفاكم جنبي.
لتركض نحوهم نسرين.. كي تجلس علي أقدام أحدهما.
فيضحك هشام: انتي مالك بتتصرفي كده ليه..
ليبتسم شريف لمزحة أخيه وهو يتأمل ملامح أخته الغاضبة: مش أنا لوحدي اللي قولت كده.. عشان تعرفي إنك بقيتي شبه الباندا.
فوقفت هي بتذمر وهي تطالع والدتها: شايفه يا ماما، ولادك بيتريقوا عليا إزاي؟
تأملتهم مني وهي تضحك بحنان: بيهزروا معاكي يا بسيطة.
فيدلف ممدوح إليهم وهو يهتف بغضب مصطنع: بتزعلوا مراتي ليه.. وتابع بحديثه: شايفه؟ مش بقولك نسافر الإمارات ونعيش هناك.. وانتي تقوليلي لأ.
لتتغير ملامحها سريعًا… وهي
تتأمل زوج ابنتها بصدمة: تسافر فين يا ممدوح؟ أنت وعدتني إن بنتي مش هتبعد عني.. مش كفاية أخواتها كل واحد فيهم شاف حياته ونسيني.
ونهضت من جانب أولادها… وهي تتذكر زوجها الراحل قائلة: ياريتك كنت عايش لحد دلوقتي يا محمود.
فنهض شريف خلفها بأسف: يا ماما يا حبيبتي.. محدش هيبعد عنك ويسيبك.
ليرمق هشام ملامح ممدوح بضيق: ضيعت القاعدة اه علينا.. وزعلت مرات عمك.. قوم صالحها.
وما كان من ممدوح سوي أن استجاب لطلبه دون أن يتفوه بكلمة.. فهو يعشق زوجة عمه التي يعتبرها أمًا ثانية له.
وأحتضن هشام.. نسرين الواقفة تتابع كل ما يحدث بصمت، لها بحب: احكيلي بقي يا نونو.. خطيبة شريف حلوة ولا؟ أخوكي أدبس.
………..
نظرت إلي شقيقتها بسعادة رغم حزنها.. لتتأمل فرحتها هي وحازم بعدما وجدوا شقة من أجل إتمام قصة حبهم.
لتقترب جميلة منها بغمز: عقبالك يا زهرة لما تتجوزي انتي وشريف.
اخفضت زهرة رأسها سريعًا وهي تستمع لأختها.. وثم وجدت عينين والدتها تحدق بها بقسوة.
حتي اقترب حازم من خالته هاتفًا بخبث: مالك يا خالتي بتبصي للبت زهرة كده ليه؟ وبدأ يضع دعابته في حديثه: اوعي تكوني عملتي حاجة يا زهرة تزعل الجميل ده مننا.
فرمقته خالته بنظرة غاضبة.. إلي أن ضحك منصور متمتمًا بفكاهة: خالتك ديه شكلها قلبت عليّ ريّا لما كبرت.
وضم زهرة إليه وهو يهمس في أذنها: حاسس فيكي حاجة يا بنتي..
وعندما وجدت نعمة دموع ابنتها أوشكت علي الهبوط.. غادرت المكان: تعالي يا جميلة نحضر العشا.
فلمعت عين زهرة وهي لا تصدق بأن والدتها نفذت تهديدها لها.. عندما طلبت منها أن لا تكمل في تلك الخطبة التي لا تشعر بها.. ولكن ردها كان:




