
لترد لمار: ومحتاجينها فى أيه؟
لتقول لمياء وهى تبتسم: أنا عايزاكى تصممى لى أحلى فستان فرح.
لتقول لمار بتعجب: ليه؟ ثم تشهق وتقول: هو نادر اتقدملك؟
لتقول سلمى: تصورى، قال يكسب ثواب ويرحمها من دخول القسم عنده ويحبسها مؤيد فى بيته.
لتقول لمار: والله دا هيدخل الجنه بدون حساب، دا هيرحمنا منها.
لتنظر لها لمياء بغل وتشدها وتقول: تعالى إنت كمان أما اكسب فيكى ثواب. وتبدأ بضربها هي الأخرى بخفه وهن يمرحون.
فى اليوم التالى.
ذهب نادر برفقة والدايه لتقدم لطلب لمياء.
جلس مهدى برفقة صفاء لاستقباله بود وترحيب.
إلى أن قال والد نادر: أحنا نتشرف نطلب ايد بنتك لابننا.
ليرد مهدى باحترام: وأنا يشرفنى طلبكم وتكون بدايه حياه سعيده بينا.
لتقول والدة نادر: آمال فين عروستنا إلى خطفت قلب الاسد؟
لتقف صفاء وتبتسم وتقول: ها روح اجيبها.
بالمطبخ يقفن سلمى ولمار يستهزئان عليه، لتقول لمار: ايه ده؟ وشك أحمر، إنت حطتى علبة الدهان كلها على وشك؟
لترد سلمى: لأ وانت الصادقة، دا من الكسوف.
لتضرب لمار يدها على صدرها وتقول بخضه: مكسوفه؟ ودا من امتى؟
لترد عليهم بغيظ: والله ان ما لميتى نفسك إنت وهى لكون مفقشه رؤسكم فى بعض زى البيض.
ليصحكن عليها، لتدخل صفاء وتقول: واقفة هنا يا كلبة؟ مش قولت لك حبه والاقيكى داخله بالعصير.
لتقول سلمى باستهزاء: مش أما تعرف تمشى؟ دى نسيت المشى.
لتبتسم صفاء وتقول بحب: يلا عقبالكم واخلص منكم. وإنت يا كلبه يلا هاتى العصير وتعالى وارايا. وتتركهم وتذهب.
قالت لمياء: وأنا هشيل الصنيه دى كلها ازاى؟ أنا قادره اشيل نفسى؟
ليصحكن عليها وتقول سلمى: انا هشيلها لحد باب الاوضه وانت كملى الباقى.
لترد لمياء بسخرية: وهى المشكله لباب الاوضه؟ المشكله فى إلى جوه.
لتدفعها لمار وهى تحمل صنيه أخرى عليها بعض الحلويات: يلا ربنا معاكى.
ذهبن الثلاث وأمام الغرفه أخذت لمياء الصنيه وهى ترتجف، لتقول سلمى: خلى بالك لو كوبايه انكسرت صفاء هتحبسك انفرادى.
لتنظر لها بغيظ.
لتدخل لمياء بالصنيه ليقف نادر لها وتبتسم لتبادله الابتسامة.
لتقول صفاء: قدمى العصير لوالدة نادر.
لتذهب وتقدمه لها ثم الموجودين لتنتهي لتشعر بالسلام وتحمد الله وتجلس بين والدايها.
لتدخل لمار بصنيه الحلويات وبعدها تدخل سلمى، ليقول والد نادر: إحنا نقرأ الفاتحة علشان ربنا يفتح علينا بخير. ليتم قراءة الفاتحه والاتفاق على إتمام الزواج خلال شهر بسبب نقله لمكان آخر.
بدأن فى التحضير لفستان الزفاف الذى صممته لمار لها، وكانت من تقوم بتفصيله مدام شكران.
لتذهب لمار برفقة أختها اليها.
ليدخلا الاتلييه الخاص بها لتأتي إليهم مدام شكران مرحبه بهن وتمزح مع لمار المصممة الصغيرة: لما كلمتى أنها عايزانى افصل فستان زفاف من تصميمها لاختها وبسرعه، أنا وافقت فورا.
لتضحك لمار وتشكرها.
لتقول: ومين فيهم العروسة علشان نبدأ بالمقاسات؟ لتشير إلى لمياء.
لتنادى شكران لمساعدينها لأخذ المقاسات.
ليرن هاتف سلمى لتستئذن للرد بالخارج.
لترى دخول تلك الفتاة التي كانت تجلس برفقة عابد بالمطعم وبرفقتها فتاة أخرى تشبه الأخرى التي كانت تبكى بالمطعم أيضا.
لتجد مدام شكران تخرج لاستقبالهن بترحيب وتقول: رحيل الصوان ونورين زهير، نورتوا الاتلييه.
لتشكرها رحيل وتقول بذوق: كنا قريبن قولنا ندخل نسلم عليكى.
لتقول نورين: وكمان علشان خطوبة رحيل قريب قولنا نشوف عندك أذواق حلوه.
لتهنئها شكران وتقول: الإفراج بتجيب أفراح، إحنا شغالين على فستان زفاف يجنن.
لتقول نورين: خلينا نتفرج عليه.
لتقول شكران: اتقضلوا. ليدخلوا إلى الغرفة التي بها لمياء ولمار.
كنت واقفه تسمع حديثهم، بمجرد أن دخلن إلى الغرفه توترت كثيرا لتدخل وارائهن.
لتسمع رحيل تقول: لمار أخيرا قابلتك. وتقول لنورين: دى المصممه إلى كلمتك عليها.
لتبتسم لها بتكلف نورين.
لتنظر رحيل إلى تصميم فستان زفاف فتنبهر منه وتقول: اذا كان بالجمال دا وهو لسه على ورق، آمال أما يتنفذ هيبقى أيه؟ أنا بطلب منك تصميمى لى فستان خطوبتى.
لترد لمار بذوق: انشأ الله.
لتقول شكران بسؤال: هو عابد بيه مش هيتجوز قريب علشان نعمل لنوران فستان زفافها؟
لترد رحيل: لأ، عابد ونوران انفصلوا.




