نسرين وبتتلفت حوالين نفسها
انت اتجننت ايه ال بتقوله ده بابا يسمعك
جاسر بغمزه
طب هسكت بس تجيلى الاوضه النهارده لازم نعيد الماضى بزمتك موحشتكيش ده انا وانتى كنا بنسوى الهوايل
نسرين بضحكه مايعه طيب يا جسور
اسكت بقا عشان بابا نازل
عزت
حمدالله على السلامه يا جاسر
الله يسلمك يا عمى
عزت بجديه
اسمع يا جاسر احنا لازم نخلص على زين الفيومى وندمر المجموعه خالص ده وقفلنا فى كل حاجه وواخد السوق كله والناس ال برا مخنوقين جامد وعاوزين يخلصوا الموضوع بسرعه
جاسر بغل
زين ده حبيبى ده انا هوريه ايام سوده
عزت
زين كاتب كتابه على بنت عمه وحاسس انها هتبقى خطر علينا وممكن يلغى جوازه من نسرين بسببابها
رفع جاسر عينه ل نسرين وغمزلها من غير ما عمه ياخد باله
ورجع بص لعمه هيا حلوه لدرجه دى
عزت اخد نفس طويل هى فرسه يا جاسر حاجه كده عمرك ماشوفتها ولا فى مصر ولا بره مصر ياه ليت الشباب يعود يوما
جاسر
لدرجه دى
نسرين بغيظ
فى ايه يا بابا مش لدرجه دى واتغاظت وسبتهم
عزت ل جاسر بصوت هامس
البت تتاكل اكل يا جاسر ونسرين غيرانه من جمالها
جاسر بمكر
خلاص لما نشوف
عزت
فى بكره حفله عملها بمناسبه الصفقه الجديده ال ضيعها علينا وخدها لوحده تجى معانا وهى تبقى فرصه تتعرف عليها والباقى عليك
جاسر بثقه
متقلقش انا مفيش واحده قالتلى لا
عزت
ركز يا جاسر المرحله الجايه صعبه جدا
كله هيبقى تمام متقلقش
فى اوضه لى لى
مى قاعده تقررها على ال حصل
شويه وناديه دخلت وبابتسامه بشوشه
ايه الاخبار طمنينى حصل ايه النهارده
لى لى بكسوف حكتلهم ال حصل بظبط
مى وناديه بيضحكوا
ناديه
مش قولتلكم ابنى مش هياخد غلوه مع لى لى بس اسمعى عوزاكى تجننيه واتقلى عليه بكرا خالص فى الحفله لازم يتجنن ويتعب عشان يوصلك عشان يقدر يحافظ عليكى فهمتنى يا بنتى
لى لى بفرحه وجريت على حضت ناديه
فهمت يا ماما ربنا يخليكى ليا
وشويه و مى ولى لى كلموا نهى ماسنجر
مى
نهى مفيش نقاش هتجى يعنى هتيجى احنا جبنالك فستان معانا وان شاء الله هيطلع مقاسك لان انا وانتى بنلبس نفس المقاس
نهى
والله انا نفسى اجى بس اخاف اسيب ماما ل وحدها
مى
يا بنتى طنط بتاخد الدوا بدرى وبتنام وخلى الشغاله ما تمشيش فى اليوم ده وتقعد معاها لحد ما ترجعى
لى لى
بصى يا مزه الفستان ال اخترنهولك وورتهولها على الاب
نهى
واو ده تحفه اكيد ده زوق لى لى
اكيد المهم متتاخريش بكرا تعالى بدرى الميكب ارتست هتجى بدرى مفهوم
نهى
تمام ان شاء الله و00000
وللحديث بقيه
الفصل الثالث عشر
يوم الحفله الصبح صحى زين مبسوط وفرحان وحس انو قدر يتقدم خطوه مع لى لى لبس ونزل على الفطار وبابتسامه جذابه صباح الخير
الجميع
صباح النور
ناديه بمكر
خير ايه سر الابتسامه دى على الصبح من زمان ماشفتكش بتتسم خالص
زين وهو بيص نحو ليالى
ابدا حاسس ان اليوم النهارده حلو
ناديه
اه قولتلى طيب
زين قاعد يبص على لى لى عشان تبصله ويملى عنيه منها وهيا ولا هنا مش بتبصله خالص بتنفذ تعليم,,ات ناديه ادايق زين وقام من على الفطار
مهاب
انت رايح فين كمل فطارك
زين بضيق ظاهر
شبعت هروح الشركه اخلص شويه شغل وارجع على طول
وخرج من الفيلا متعصب جدا
الكل ضحك لما خرج واتكسفت لى لى وطلعت تجرى على اوضتها ومى طلعت وراها وهيا بتضحك
مهاب
زين اتغير اوى يا ناديه
ناديه
ولسه هيتغير اكتر وحياته تتعدل بقا انا هقوم اشوف ال ورايا مفيش وقت وزين عاوز كل حاجه تمام
بعد شويه وصلت نهى عند مى ولى لى بعد اصرار والدتها انها تروح وتتبسط وتفضل معاهم اليوم من اوله
مى
نهى قلبى جيتى بدرى
نهى
ماما ال اصرت وقالتلى انى مش بخرج ولا بتفسح وصممت افضل طول اليوم معاكم وان الشغاله هتفضل معاها
لى لى
قشطه يلا بنا نرقص شويه
وقاموا البنات ترقص وتهيص وبيتضحكوا
اما مهاب دخل مكتبه يكلم بباه
ايوه يا بابا اخبارك ايه وعامل ايه فى العلاج
ايمن
الحمد الله يا مهاب كله كويس والعلاج بيجيب نتيجه الدكتره طمنونى
المهم طمنى ايه الاخبار عندك
مهاب
كله تمام زين خلاص وقع ولا حد سمى عليه بقى مجنون ب لى لى
ايمن بفرحه
الحمد الله انا كنت متاكد انو هيحبها
مهاب
شكله بقا مهوس بيها بس لسه متكلمش وناديه متقله العيار عليه ومخليه لى لى تجننه قال عشان يحس بقمتها ويحافظ عليها وميعملش ال عمله معاها تانى
ايمن
مراتك جدعه ايوه خليها تربيه
مهاب
انت اتكلمت مع سيف
ايمن
ايوه فهمته كل حاجه هو زعل فى الاول بس انا وضحتله الامور وهو بيسمع كلامى بس قالى لو رجع ولقى اخته رافضه الموضوع وحزينه هينهيه ويخلى زين يطلقها لانه مش هيقبل حد يهين اخته ويزعلها هو نازل كمان يومين
مهاب
ان شاء الله خير بس كنت اكد عليه ما يجبش سيره انك مش هتعمل العمليه قدامها وانو سابك ونزل عشان عنده شغل مهم هنا
