-نادر انت لسه بتحبني صح ؟!
قولتها وانا عيوني مدمعة …بصلي وقال:
– هي الحالة اشتغلت ولا ايه يا شروق
-بجد يا نادر انت لسه بتحبني …مبتفكرش تتجوز عليا عشان اتأخرنا في الخلفة سنتين
ابتسم وقال:
-طبعا بحبك يا شروق …انا ليا غيرك …وبكرة هنخلف وتبقي احلي مامي…يالا روحي جهزي الغدا
قومت وانا مبتسمة وقولت :
-عينيا يا حبيبي
-تسلم عينيكي
روحت احضرله الغدا وانا مبتسمة…نادر هو حب حياتي …حب الاعدادي والثانوي والجامعة …اتخطبنا في تانية جامعة واتجوزنا بعد التخرج ….عشنا اجمل ايام حياتنا مع بعض بس الخلفة اتأخرت وده اللي خلانا نقلق…روحنا الدكتور واكتشفنا اني عندي مشـ,ــ,ـكلة (تكيس ) ومن هنا ابتدت فترة العلاج اللي طولت بشكل غريب …والخـ,ـوف من ان نادر يمل ويسيبني او يسمع لكلام أهله ويتجوز…وده أثر علي حياتي معاه ….بقيت شكاكة زيادة عن اللزوم وده خنقه مني ……
بعد ما اكلنا قربت منه وقولت :
– نادر ايه رايك يا حبيبي نخرج النهاردة انا وانت نغير جو …نروح مطعم او سينما اي حتة
-معلش يا حبيبتي اجليها
قالها وهو باصص في التليفون …دموعي نزلت وقعدت ابكي وقولت :
– نادر لو عايز تطلقني طلقني …انا مش حابة اكون عبأ عليك
-انا عملت ايه دلوقتي
-مبقتش مهتم بيا
-يا حبيبتي انا ورايا شغل عشان كده صعب النهاردة ….عن اذنك انا خارج دلوقتي
وخرج بسرعة …دمـ,ـوعي نزلت وانا بقول :
-اكيد بيخـ,ـوني….اكيد
اتصلت بزينب بنت خالتي وصاحبتي وطلبت منها تيجي
بعد نص ساعة كنت جمبها وانا ببكي
-يا شروق يا حبيبتي كفاية صداع …احنا لسه متأكدناش
-لا يا زينب انا متأكدة هو اكيد متجوز عليا
-شروق متجـ,ـننيش يعني بيخوني ولا اتجوز عليكي ارسيلك علي حاجة !!!
مسحت دمـ,ـوعي وانا بقول :
– نادر بطل يحبني يا زينب …كل حياته شغل شغل…تخيلي النهاردة رفض نطلع سوا ….يبقي اكيد بيـ,ـخوني
-يخربيت امك يا شروق الراجل عشان مطحون في الشغل طلعتيه خـ,ـاين
