عام

طفلتي الهاربه ندى احمد

بارت 16
قدر رجعت مع اخوها فراس للواحة و بدأت تعيش فى جو أسرى جميل و فات شهور العدة و لم يظهر ادهم ولا حتى شغله و قدم على إجازة
و لكن صحاب ادهم فضلوا يقنعه يرجع الشغل لحد فعلا ما رجع الموقع و انعزل تانى و بدأ يشتغل
لحد ما فى يوم كان فى فرح فى الواحة و شيخ القبيلة وزع اكل على كل العمال و عزم المهندسين على الفرح و كان من ضمنهم ادهم
الرواية حصرى لمدونة دار الرواية المصرية
و كان الفرح مفصول يعنى رجالة لوحدهم و الستات فى حتة لوحدهم علشان ياخدوا راحتهم
قدر كان مع الستات و هى مش متعودة على الجو و العيشة فى الصحراء و بعدت شوية تشم هوا فى هدوء بعيدا عن الاغانى و الدوشة لحد ما راحت قعدت على صخرة كبيرة و هى قاعدة سمعت صوت حركة حد بيقرب
جت تمشى لقيته مسكها من ايديها و لف وشها له
ادهم : قدر انتى هنا ازاى
قدر اتسعت عينها لما لقيت ادهم قدامها
قدر : ادهم أنا
الرواية حصرى لمدونة دار الرواية المصرية
وفى اللحظة ديه نده فراس عليها و لكن ادهم مكنش ظاهر و فراس مشافوش
و للحظة ظن ادهم أن قدر اتجوزت فراس
و قدر راحت لفراس و كان نفسها توقف تتكلم مع ادهم
ادهم مشى قعد فى الخيمة بتاعته و هو مش مصدق ازاى قدر اتجوزت فراس و أنه كان بيحبها
عند قدر فضلت طول الليل تفكر فى ادهم و كان نفسها تكلمه و لكن وجود اخوها فى ذلك الوقت ضيع عليها الفرصة ديه
فى الفجر قدر فضلت تمشى لحد ما قدر وصلت لحد خيم العمال و فضلت تدور على خيمة ادهم و لقيته صاحى
ادهم بجدية : انتى بتعملى هنا ايه
طفلتى الهاربة بقلم ندى احمد
قدر : أنا كنت عايزة اتكلم معاك
ادهم : اظن مفيش كلام ارجعيله يلا
قدر : انت بتكلمنى كده ليه
ادهم : بكلمك ازاى يعنى حضرتك ست متجوزة و جاية خيمتى الفجر افهم ايه
قدر افتكرته بيتكلم متجوزة ديه على احمد يعنى و اتحرجت و لسه هتمشى
ادهم مسك ايديها
ادهم بغضب كامن : عايز اسالك سؤال واحد بس
ادهم : ليه سيبتينى و روحتى اتجوزتيه
قدر بعدم فهم : اتجوزت مين
ادهم : فراااااس
قدر فهمته اللى حصل و أن فراس اخوها
ادهم ساب ايديها و قدر خرجت من خيمته بحزن
فى الصباح
فراس : فى عريس متقدملك و يوم الخميس الفرح
قدر بصدمة لأنها عارفة أنهم بيتجوزوا من القبيلة و ممنوع العروسة تشوف العريس
قدر : ….
يتبع

بارت 17

فى الصباح

فراس : فى عريس متقدملك و يوم الخميس الفرح

قدر بصدمة لأنها عارفة أنهم بيتجوزوا من القبيلة و ممنوع العروسة تشوف العريس

قدر : أنا مش موافقة

فراس : مش موافقة ايه مفيش عندنا الكلام ده يا بنت ابوى اجهزى علشان مفضلش على فرحك الا يومين

قدر : ارجوك يا فراس مش عايزة اتجوز

فراس : اللهم طولك يا روح يا قدر ده حد كويس جدا و بيحبك

قدر : أنا مش بحب حد ولا عايزة اتجوز

الرواية حصرى لمدونة دار الرواية المصرية

فراس : كفاية دلع بنات بقى

قدر فضلت قاعدة فى الخيمة تعيط لحد ما جيه وقت الغروب و عرفت تروح لادهم لان ده وقت رجعوه من شغله

و لكن قدر اتفجات أنه سافر الصبح القاهرة و قدم على إجازة مفتوحة

قدر حست أن ادهم خلاص اتخلى عنها و أنه ممكن صحيح بيحبها بس مش عايز يتجوز واحدة مطلقة

قدر رجعت الواحة منتظرة يوم الفرح و هى لتانى مرة بتتجوز و ميكونش اختيارها و لا زى ما كانت بتحلم

و  البنات جهزوها للفرح و كانت شكلها عروس فاتنة كأنها حورية و لكن كانت  حزينة و بدأ الاحتفال و الافراح فى الواحة  و جيه وقت الزفة و حطوا وشاح  ابيض على وشها  قدر مكنتش شايفة منه حاجة و البنات كانت بتمشيها لحد ما  ركبت على حصان و اخوها اخدها لحد العريس

و العريس مسك ايد قدر لحد  ما وصلوا خيمتهم قدر استغلت أن العريس بره الخيمة بياخد التهاني و  التبريكات و لسه هتهرب من الخيمة لقيت العريس بيمسك ايديها

العريس : لسه برده عايزة تهربى مش كفاية كل المرات اللى فاتت

الرواية حصرى لمدونة دار الرواية المصرية

قدر اتسعت عينيها لما سمعت صوته أيوة الصوت ده تعرفه كويس اوى ده ادهم

وقف  قدر مكانها متسمرة ادهم قرب اكتر و شال الوشاح من على وشها ليجد قدر  بملامحها التى سحرته و شعرها الأشقر الغجرى مسترسل و يصل إلى مقدمة فخذها و  القليل من المكيب رغم بساطته و لكن كانت فاتنة جدا ادهم فضل واقف يتأملها و  مش مصدق و لا هى كمان

قدر بعدت ايديها و رجعت الوشاح تانى ليخبئ شعرها و بتتحرك تنام على ركنة بجانب السرير

طفلتى الهاربة بقلم ندى احمد

ادهم : بتعملى ايه

قدر : هنام

ادهم : طيب نامى على السرير

قدر : لاء

ادهم : قدر فى ايه مالك انهاردة فرحنا

قدر : أيوة عارفة

ادهم : طيب كويس انك عارفة مالك بقى فى ايه يا ست البنات

قدر : أنا محدش اخد رأى فى الجوازة ديه

ادهم : ليه حضرتك كان ليكى رأى تانى

قدر بتلقائية : لاء طبعا

ادهم بصلها بفرحة

قدر : بس أنا اللى كنت عايزة اختار و أوفق مش يحصل كل حاجة و كانى اطرش فى الزفة و زعلت انك سافرت و سيبتينى

ادهم : أنا سافرت علشان اجهز شقتنا اللى هنعيش فيها يا قلبى و حقك عليا يا قمرى و جيه يقترب يضمها

قدر بعدت بخوف منه و بدأت ترتعش

ادهم : أهدى يا قدر أنا بس هضمك ديه كان بنسبالى حلم

قدر لسه هنتكلم قطع ذلك رنين هاتف ادهم و كانت مكالمة باسم (شروق قلبى )

قدر بصت لادهم بصدمة

ادهم : لحظة والله هفهمك

يتبع …..

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى