اسكريبت
_لو سمحت عمو محمد موجود.
_اسمه محمد بيه يابنت.
اتوترت طب انا بنت اخوه قوله بنت اخوك موجوده برا
لقيته بصلي كدة نظرة تقيم وقال طيب انا داخل اقوله بس متأكدة انك بنت اخوه.
_ايوة صدقني حضرتك هو اصلا عارف اني جاية النهارده.
افف بقا والله ما كنت عاوزة اجي بس لولا اني امي كانت قيلالي لما تتوفي اروحله مكنتش جيت أصلا
_بنت اخويا.
وه هو ده عمي!
لقيته حضڼي و ضحك وقال _دمك خفيف طالعالي ابوكي وامك كانوا نكد .
اخدني ودخلنا البيت بتاعه ههه بهزر معاكم ده قصر الرياسه ده مش بيت ابداا
._اللاه بس انت يا عمي حلو اووي ومز كده في نفسك.
_ياحيااتشي ماانتي طالعالي يا حبيبتي.
_يعني انا حلوة كدة ماتيجي تتجوزني يا عمي .
_طب ما اتجوزك انا
_ده ابني يوسف ياايمان.
بصيت علي الصوت لقيت شاب حلو كدة ههه بهزر معاكم ده كتلة حلاوة إذا كان أبوه كده امال هو أي الحقوووني من الناس الحلوة دي.
_انتي
_هو انت تعرفني.
لقيته بص عليا وقال _متأكده انك مش فكراني .
استغربت وقولت _لا مش فكراك انا لسه عارفه انك ابن عمي المز.
_ها
_لا ولا كأنك سمعت حاجه.
_انت تعرفها منين يا يوسف .
ها لا يا بابا مفيش .
كنت قاعدة مستغرباه وهو قاعد با صصلي مش عارفه ليه
هي ازاي مش عرفاني دي البنت اللي شوفتها عند البحر كانت بټعيط اللي من وقتها منسيتهاش ذات الفستان الاحمر هي ازاي نسيتني
_هي جميلة لطيفه كانت قاعده بتهزر مع بابا ضحكتها حلوة خطفت قلبي حاسس اني غيران انها قاعده مع ابويا وانا لأ دي مش عطياني وش حتي
_طب وانتي في كلية اي يايمان.
اول ما قال إيمان قلبي دق اي يا جماعه الجمال ده بس
_انا في كلية تجارة انجلش.
لقيته ضحك واللي ينشك ضحكته حلوة وقال
هي العيلة كلها تجارة انجلش بقاا .
فضلنا نتكلم شوية مع بعض وعمي حلف عليا ابات عندهم في البيت مع اني مكنتش عاوزة كده عشان بكرة مراته جاية نسيت اقولكم اصل ام يوسف متوفــ . ــيه وعمي متجوز واحدة تاني دخلت انام
بعد ما دخلت نامت وانا دخلت اوضتي انام دخلت اخد دوش لبست طلعت ببص في البلكونه لقيت ضلها طالعه من باب البيت استغربت نزلت ع طول وراها مشيت وراها فضلت ماشي وراها لغاية ما وصلت للبحر وقعدت علي الأرض وكانت لابسه الفستان الاحمر اللي كانت لبساه اول مرة شوفتها فيه كانت بټعيط عند البحر اضطريت أتدخل قولت.
_ايمان
لقيتها بتقولي ومش مستغربة اني موجود وقالت.
_مات هنا
_اي هو مين
_حبيبي.
_اااي!!!! .
حبيبك.
لقيتها بصتلي كده وقالت
كان مسافر في السفر الغير شرعي كان بيدور
.
علي شغل قولتله متسافرش متسبنيش لوحدي بس نفض كلامي وراح قبل ما يمشي كنت لابسه الفستان ده كان بيحبه اوي قالي وانا جاي تعالي استنيني هنا عدي شهر عدي اتنين سنة اتصل بيا قال أنا جاي روحت استنيته ولبست الفستان ده مجاش روحت تاني يوم مجاش أسبوع مجاش لغاية ما عرفت ان المركب ڠرقت بيه هو واللي معاه من وقتها وانا باجي بلليل استناه هنا والبس الفستان اللي هو بيحبه.
كنت بسمعها وانا مضايق مش عارف عليها ولا منها
طب يعني فكراني انا اللي شوفتك اول مرة هنا.
لقيتها ضحكت وقالت ايوة فكراك معلش بس مرضيتش اقول قدام عمي لا يقول كنتي بتعملي أي عند البحر ف مش عاوزة حد يعرف بالحكاية دي ممكن.
اكيد ممكن.
يلا نروح البيت
أيوة يلا.
كل واحد دخل اوضته بس لقيت الباب بيخبط فتحت لقيتها هي وبتقولي .
_شكرا
_علي اي
لقيتها شبكت صوابعها حسيتها متوترة وقالت.
_شكرا انك سمعتني شكرا ليك اوي تعرف انا بقالي سنه بروح البحر والبس كده عشان كان هو الوحيد اللي بيسمعني وراح سابني وراح.