على السلامه يا دكتور
_الله يسلمك يا اخويا
_ يلا يا حبيبتى علشان ناكل ..اتفضل معانا يا دكتور
_حبيبة مين يا بتاع انت ما تلم لسانك
_اسامه
_ايه مش سمعاه بيقولك ايه
_ هو عيب اقول لخطيبتى يا حبيبتى
_خطيبتك !!!
_ ايه دا يا برى انتى مقولتلهوش ولا ايه
انا كنت مذهوله وساكته وهو باصصلى اول مرة الاقى فى عيونه نظرة رجاء انى اكدب الكلام دا واستغربت ممدوح وكان نفسى اضــ . ـربه بالقلم بس بصراحه خليه يخلص تارى شويه
_مبروك عن اذنكم
سابنا وطلع وانا كنت حاسه بغضــ . ــبه واول ما قفل الباب …
_ انت اټجننت انت بأى حق تقوله كدا هو انت خطيبى
_ اهدى يا ابرار
_اهدا ايه وزفت ايه ليه تقوله كدا
_ لانه بيحبك ومش هيفوق غير كدا
_ ممدوح معاه حق يا ابرار اسامه محتاج يحس انك ضعتى من ايده
_اسامه عمره ما هيحبنى افهموا بقى فات سنتين محسش بيا فيهم هيجى يحس دلوقتى
_ انا راجل واعرف الراجل اللى بيحب واللى بيغير هو بيحبك يا ابرار بس غبى
_متشتموش انت فاهم انا بس اللى اشتمه
_ والله انتى طقه الله يعينه عليكى
_انتوا بتحلموا لكن انا بقى فوقت .. انا داخله البلكونه وهاكل لوحدى
دخلت علشان خلاص ھمــ . ــوت واعيط كمان هشحت حبه كمان والله عال يا سى اسامه انا قولت والله جبله .. فتحت البيتزا وقعدت اكل وانا بعيط عاده زفت والله دخل ممدوح وقعد قصادى
_ تعرفى انك انتى الوحيده اللى شوفتها بتاكل وهى بټعيط
_عادة منيله بعيد عنك
_ معلش يا خالتى ربنا يشفيكى
_خالتك مين هنهزر ولا ايه
_ ابرار انا هساعدك انه يعترف بحبه دا اذا اصلا سابلى فرصه ومخـ,ـطفكيش
_تفتكر كلامك دا صح
_ بكره الايام تثبتلك
عدى يومين ومشيت خالتى وماما نزلت تشترى حاجات وبابا فى السوق وفجأة لقيت الباب بيـ,ـخبط لبست خمارى وفتحت لقيت اسامه
_ازيك يا ابرار هانم
_اذيك يا اسامه بيه
_بتتريقى كمان
ليكى نفس
_وميبقاش ليا نفس ليه ان شاء الله
_ايه خطيبك المبجل سابك وسافر
_اه ليه
_انتى فعلا اتخطبتى ومن غير ما تبلغينى وتعالى هنا دا احنا بينا حساب عسير من سنتين
_دا اللى هو ايه بقى ان شاء الله وتحاسبنى بتاع ايه
_لانى انا انتيمك وليا حق عليكى
يعنى تحاسبنى علشان انتيمى انا اعرف اللى يحاسبنى يبقى بابا او ماما او خطيبى حبيبى
_اخرسى حبك برص
_انتى بتغيرى يا بطه
_بغير فى عينك انا اغير من الديك الشركسى دا
_ليه دا حتى دوحه جنتل مان
_جنتل على دماغك لما اخنقك دلوقتى هيبقى كويس
_انت بقيت عصبى اوى يا اوس
_والله .. لسه فاكره اوس انتى انا مليش لازمه عندك
_زى ما انا عمرى ما كان ليا لازمه عندك
_انتى غبيه مين اللى قالك كدا
_انا عارفه من غير ما حد يقولى
_انتى كل حاجه فى حياتى
_انت قولت ايه
_مقولتش انا ماشى وقفتنا دى غلط اصلا
هرب بس قالى احلى كلمه فى الدنيا قبل ما يهرب هو حاليا بيهرب من نفسه يارب صبرى ميروحش على الفاضى
ايه اللى انا فيه دا انا قولت انى مش بحبها بس طول السنتين مكنتش بفكر الا فيها بنات كتير كانت بتحاول تقرب منى بس مكنتش بقدر اتكلم حتى مع حد ايقنت انى بحبها وان ماما عندها حق .. ورجعت الاجازة دى علشان اتجوزها ونسافر ازاى ارجع الاقيها بقت خطيبة حد تانى انا منمتش من امبارح وبفكر كام مرة قالها بحبك كام مرة اااه حاسس بڼار مش قادر لا لازم يسيبها ابرار بتاعتى انا لوحدى ومش هسمحله ياخدها منى ابدا …
كنت واقف فى البلكونه وسرحان فيها ولقيته نازل من التاكسى انا يا
—
قاټل يا مقتول انهارده
_ الدكتور بذات نفسه بيستقبلنى
_اسمع يا جدع انت ابعد عن ابرار احسنلك
_ ابعد عن خطيبتى ازاى يعنى
_هى مش خطيبتك انا مش عيل مفيش حد منكم ايده فيها دبله وكمان فى مكان شغلك عندك زميلتك اللى بتحبها وبتجهزوا لخطوبتكم بعد شهر
_ احيك بصراحه ابهرتنى بس الشرع محلل اربعه
_ابرار عمرها ما هتوافق طبعا
_ بس هى موافقه
_بقولك ايه صبرى نفد منك حتى لو موافقه ابرار مش هتتجوز غيرى
_ وسيبتها ليه من سنتين
_كنت لازم اسافر
_ كنت غبى وضـ,ـيعتها من ايدك
_كنت زفت وقطران وندمت ورجعت اتجوزها
_ مش لما تشوف رأيها هى الاول