بعد ما ركبت مع سواق الاوبر وانا بعيط وبعدها وانا بقيت حامل
وقبل ما نبدا الحكايه اعرفكم بنفسي انا شيماء
متجوزه وقافله شقتي وعايشه مع حماتي وفي يوم دخلت حماتي وقالت
الحما
ما تقومي يا ارض البور انتي اي هتفضلي نايمه
لحد الظهر ولا اي مش ورانا حاجات كتير عايزين
نعملها ولا اي وانا فتحت عيني وقولت ليها
شيماء
هو انتي اي يا حماتي انا مش يصعب عليكي
خالص كده بطلي تقوليلي يا ارض البور دي
بقي
الحما
والنبي بدل ما تزعلي مني ان كل شويه بقولهالك ازعلي من نفسك انك مش عارفه تجيبي حته عيل لابني
شيماء
هو انتي ليه مش راضيه تصدقي ان كل حاجه بايد ربنا وانا مليش ذنب في الكلام اللي انتي بتقوليه ده خالص هو ليه حكمه في كده انا مليش دعوه
الحما
طيب هو احنا هنفضل نرغي مع بعض كتير كده ولا ايه قومي يلا يا حبيبتي شوفي اللي
وراكي في حاجات كتير في الشقه عايزه تخلص
امال
شيماء
حاضر ماشي وبعدها خرجت ولقيت اسماء
اخت جوزي وافقه في المطبخ
شيماء
مالك يا اسماء واقفه كده ليه وايه الهدوم دي كلها مطلعاها ليه
اسماء
ما فيش مسافره انا وجوزي مصيف اسبوع وعايزه اغسل الهدوم كلها قبل ما امشي وبشغل الغساله دلوقتي لقيتها بايظه بقولك ايه ما تخليكي جدعه واقعدي اغسليهم
على ايدك
شيماء
يا خبر ابيض انتي عايزاني نغسل كل ده على ايدي ده الجو ساقعه قوي يا بنتي وانا مش هقدر اعمل كده
اسماء
خلاص سيبيهم بقى اخلي ماما هي تدخل تغسلهم يعني اصل انا ورايا حاجات كثير وانتي مش عارفه زن العيال عامل ازاي صحيح هتعرفي ازاي منين
شيماء
خلاص يا اسماء روحي على اوضتك وانا هقعد اغسلهملك اللي انتي عايزاه بس حضر الفطار لماما الاول
اسماء
بس انا جوزي بيحب الغسيل يبقى ابيض ومزهزه كده ادعكيه كويس الله يخليكي
شيماء
عيني وبعدها خرجت اسماء
الام
فين يا بنت صاحبتك اللي انتي قولتي عليها عايزه اوريها لاخوكي بقى يمكن تعجبه
شيماء
تاني يا ماما هنتكلم في الحوار ده ما احنا قولنا كذا مره مش هنلاقي واحده زي شيماء
تخدمنا
الام
وانتي كل اللي يهمك خدامه بس تخدمك هنشوف اي واحده تشوف طلباتك بس انا عايزه اشوف اخوكي فرحان
اسماء
هو انت ايه يا ماما بتكدبي الكذبه وتصدقيها ولا ايه ما انت عارفه ان العيب
من اخويا هشام
الام
يا بنت وطي صوتك انا مش عايزه البنت اللي جوه دي تسمعنا هي اللي عتبتها نحس وانا حاسه ان اخوك لو اتجوز غيرها هيخلف
اسماء
بقولك ايه براحتي بقى انا داخله اشوف العيال اللي بيزنوا دول وبعدها دخلت ولقيت اختي
اميره بترن عليا
اميره
ازيك يا شيماء عامله ايه معلش يا حبيبتي هو انتي ما ينفعش تجيلي شويه عندي دور برد جامد وفي حاجات كثيره في الشقه عايزه تتعمل
شيماء
الف مليون سلامه عليكي يا حبيبتي حاضر بس هخلص الشغل اللي ورايا وهاجيلك على
طول
اميره
انا مش عايزه منك حاجه خلاص يا شيماء هو انا كل ما اكلمك تقولي الشغل اللي وراكي هو انتي ايه شقتك دي مش بتنضف ابدا ولا ايه
اشحال ما كنتوا اتنين انتي وجوزك بس ولا عندك عيل يبهدل ولا حاجه
شيماء
الله يسامحك يا اميره حتى انتي كمان بتقولي كده يا حبيبتي انا عند حماتي وانتي عارفه ان انا على طول بخدمها
اميره
طب ما عندها بنتها تشوف طلباتها ده انا اول مره اطلب منك حاجه وتعملي فيا كده شكرا يا ستي يلا مع السلامه وبعدها قفلت السكه
شيماء
اعمل اي بس لا ربي انا مش بحب ازعل حد مني
خالص وبعدها كلمت هشام
هشام
خير يا شيماء في ايه اكيد هتشتكي لي وتقوليلي امي عملت فيكي
شيماء
ابدا يا حبيبي ما فيش حاجه بس كنت عايزه اقولك ان اميره اختي تعبانه شويه وكنت عايزه اروح اطمن عليها بعد اذنك يعني
هشام
انتي عارفه ان انا في الشغل مش فاضي للكلام ده خالص ما عندك ماما روحي استاذنيها
شيماء
يا حبيبي انا متجوزاك انت مش متجوزه مامتك
وبعدين انا هروح ومش هتاخر
هشام
مافيش مشكله روحي بس بعد ما تخلصي
شغل البيت انا مش عايز اي خناق من ماما
خالص
وفعلا بعد ما خلصت روحت شقه اختي اللي كانت مبهدله اوي وفتحت ليا
شيماء
ازيك يا اميره عامله ايه ايه ده يا بنتي ريحه الشقه عامله كده ليه يا خبر ابيض ايه المنظر اللي انتي عايشه فيه ده
اميره
ما انتي لو عندك توام مش هتقولي الكلام اللي انتي بتقوليه ده انا نفسي انام مش عارفه انام خالص منهم
شيماء
خلاص يا حبيبتي مش عايزاكي تشيلي هم انا همسكلك الشقه كلها واروقهالك حاضر
اميره
بقولك ايه انا ما صدقت ان هم يناموا شويه انا داخله الاوضه بالله عليكي ما تشغليش المكنسه حتى اكنوسي بالمقشه بصراحه نفسي انام اوي
شيماء
عنيا يا حبيبتي ادخلي انتي بس ومش عايزكي
تشيلي هم خالص وبعدها دخلت وخلصت شغل
البيت كله وعملت الاكل وبعدها سمعت صوت جودي دخلت
شيماء
اشششش بس ماما تعبانه حرام نصحيها تعالي
يا حبيبتي وبعدها خرجت وفضلت قاعده بيها
وخرجت اميره
اميره
هو انتي بتعملي اي بالظبط ازاي تخدي البنت
من جمبي من غير ما تقولي ليا
شيماء
وطي صوتك حرام عليكي البنت نايمه تصحى وبعدين هي كانت صاحيه من شويه وانا خوفت صاحيه اختها علشان كده اخدتها
اميره
وطبعا نازله فيها بوس بقي وهتجيبي ليها
مرض هو انا ناقصه يا شيخه انتي مش عارفه
الادويه دلوقتي عامله كام حرام عليكي
شيماء
فيه اي يا اميره من أمتي وانتي بتتكلمي معايا
بالطريقه دي وبعدين البنت اهي كويسه
مش فيها حاجه يعني
اميره
اوعي كده هاتي وبعدها البنت صحيت
عجبك كده حرام عليكي البنت عامله تعيط
الله يسامحك وبعدها دخل احمد
احمد
في ايه يا اميره حرام عليكي صوتك عادي قوي ليه كده ايه ده شيماء عندنا ازيك يا شوشو عامله ايه يا حبيبتي مالك واقفه كده ليه
اميره
الهانم دخلت اخدت البنت من جنبي وانا نايمه وصحيت لقيتها عماله تبوس فيها
احمد
ايوه يعني مش فاهم فين المشكله وايه يعني لما خليتها تعمل معايا كده وبعدين ايه اللي انتي فيها دي بقى اختك جايه تقعد معاكي سايباها وداخله تنامي
اميره
دي مكانتش جايه تقعد معايا دي كانت جايه تروقلي الشقه
شيماء
بعد اذنكم يا جماعه انا لازم امشي دلوقتي علشان متاخره على البيت قوي وبعدها نزلت
احمد
بجد انا مش فاهم انتي كده ازاي معقوله اختك جايه تساعدك في الشقه وأنتي بتتكلمي معايا بالطريقه ان انتي بتتكلمي بيها دي
ده انا اول مره في حياتي يا شيخه اشوف شقتي متروقه
اميره
بطل كلام كثير وادخل على المطبخ اطفي البوتاجاز اللي هي سابته شغال ده
احمد
بجد والله انا لولا بناتي الاتنين كان هيكون ليا تصرف ثاني معاكي باللي انتي بتعمليه ده
انا مش فاهم انتي طايقه نفسك كده ازاي
يا شيخه
اميره
بقولك اي مش ناقصه كلام كتير اخلص
يلا وحط لنفسك الاكل عقبال ما انيم البنت
وبعدها روحت ل ناهد صاحبتي
ناهد
شيماء والله العظيم انتي بنت حلال انا كنت لسه هتصل بيكي علشان خاطر تيجي تقعدي معايا شويه
شيماء
انا مخنوقه قوي والله وملقيتش اي مكان اروح فيه غير ان انا اجي اقعد معاكي وبعدها دخلت
واقعد واتكلمت مع ناهد
ناهد
ما تزعليش مني يا شيماء بس اختك دي طول عمرها معندهاش مش كفايه انك سايبه شقتك بتاعه امك ليها لوحدها وانتي اصلا ليكي نصيب فيها
شيماء
والله يا بنتي انا عمري ما فكرتك كده علشان خاطر جوزها جوزها كويس جدا وهو ظروفه صعبه جدا ما كانش قادر يجيب شقه ساعتها
ناهد
المهم احنا هنتغدى سوا النهارده خدي البنت خليها معاكي عقبال ما اخرج من المطبخ
شيماء
معلش يا ناهد خليها تنام في سريرها احسن
ناهد
اخص عليكي يا شيماء هو انتي فاكره ان انا ممكن اعمل زي ما اختك ما عملت يا بنتي انتي اختي وانا عمري ما اعمل كده معاكي خدي يا حبيبتي وفي البيت روح هشام وأمه قالت
الام
كويس ان سبع البرمبه جالي اهو مراتك فين لحد دلوقتي يا بيه بتصل بيها تلفونها مقفول
هشام
طيب يا ماما قولي ازيك عامل ايه قولي اي حاجه اول ما تشوفيني كده على طول وبعدين هي
مش قالت ليكي أنها رايحه لأختها ولا خرجت
من وراكي
الام
قالت يا حبيبي بس معقول كل ده هتكون
عند اختها
هشام
انا هتصل بيها يا ماما اشوفها فين خلاص بقى مش عايز كلام الله يخليكي وبعدها اتصل ب اميره
اميره
ازيك يا هشام عامل ايه عارفه انت متصل ليه بقى ان شاء الله بس المفروض تسمع مني انا كمان
هشام
اسمع ايه بس هي اختك فين لحد دلوقتي لسه ما رجعتش البيت
اميره
يا خبر ابيض معقوله ده نازله من عندي من بدري قوي هكون راحت فين دي
هشام
ايه وكمان تليفوني مقفول طيب اقفلي واول لما اعرف عنها حاجه بتصل اقولك وبعدها قفلت
احمد
حرام عليكي يا شيخه اختك لسه نازله من شويه
هو انتي عايزه جوزها يعمل معاها مشكله لما انتي قولتي ليه الكلام ده
اميره
كان لازم اسبق طبعا علشان خاطر متروحش تقوله ويجي يتخانق معايا ويقول عايز نصبب مراتي
احمد
بجد هو ده اللي فارق معاكي مش فارق اختك
اللي نزلت من هنا زعلانه والله يا اميره انتي
ما عندك دم
اميره
بقولك ايه يا احمد كل وانت ساكت ومش عايزه اسمعلك صوت انت فاهم ولا لا وبعدها
روحت البيت