
_ أيوه يا فندم محتاجة إيه ؟
إلتفتت إليها سمر تنظر إليها بتمعن وتعالى وترد بغرور.
_محتاجة اللى مشغلاكى .
ردت ورد ببلاهة وتعجب :
_مشغلانى ؟
همست سارة ل ورد :
_ أهدى يا ورد، أفندم يا سمر يلزم خدمة؟
_أنتى شغلتى حد فى المحل أمتى؟ عامله نفسك مهمه وليكي صبيان .
هنا بدأت ورد تفهم إهانه سمر المتعمدة لها ول لسارة .
_ مين دى يا سارة ؟
_ ملكيش دخل بيها يا سمر، أنتى جايه ليه ؟
أقتربت منها سمر متخطية ورد بتجاهل لتهمس بالقرب من وجهها بتحدى .
_جوزى، إياك تقربيله ولو فكرتى تسحبيه ليكي تانى …
نظرت إلى صورة مالك فى المحل ثم أكملت مهددة .
_ مش هتشوفى ابنك تانى.
قالتها مبتسمة بسخرية لتستشيط ورد غضباً بعدما سمعت حديثها .
_مين دى يا سارة ؟
_ أنا سمر شاهين ابقى الزوجة الأولى للباشمهندس يزيد، اللى الهانم عايزه تخطفه منها.
نظرت إلى سارة بنفس التكبر والغرور لتكمل بسخرية .
_ اللى الجاهلة عايزه تساوى رأسها بيها، اللى كنت مديرة علاقات عامة لشركة من أكبر شركات مصر .
أستشاطت الأخرى غضباً من حديث سمر لتجذبها من شعرها ضاربة بأمانها وتخفيها وسبل الهدوء النفسي عرض الحائط .
صرخت سمر من فعلة ورد التى رمتها على الحائط بعد أن أبعدتها سارة عن سمر بصعوبة لتصرخ ورد معلنة عن نفسها أمامها .
_ وأنا بنت أكبر رجل أعمال فى مصر بل تقدرى تقولى الشرق الأوسط كله، بنت مصطفى داوود اللى شركتك اللى فرحانه بيها مهما كانت متجيش نقطة فى بحر شركاته وشركاتى والجاهلة اللى بتتكلمى عنها دى أنضف منك مليون مرة ومن أهلك كلهم، فلما تنوى تتنططى أعرفى مين واقف قصادك الأول يا حلوة .
ب عيون مصدومة متسعة سمعت سمر كل تلك المعلومات عن ورد، لتلملم حقيبتها وتهرب نحو الخارج خائفة بل مرتعبة مما سمعتها ومن ثورة الغاضبة التى أمامها .
_ أنتى أتجننتى ؟ إزاى تقولى كده وقدام دى ؟
قالتها سارة صارخة لترد ورد بصريخ مماثل .
_ أنتى مش حاسة بحجم الإهانه اللى أهانتها ليكي؟
_ ولو، أنتى كده بتضحى بنفسك دى أخت سعيد وصدقينى لو سعيد تِعبان ف ميجيش فى بحر أخته حاجة، دى ممكن تبلغ ابن عمك عنك .
عادت سمر إلى منزلها مسرعة لا تدرى ماذا تفعل، شعرت لوهلة أن حياتها ستنهار بعد أن حلت تلك المصيبة على رأسها، تصول وتجول فى غرفتها لتبحث عن حل لمعضلتها لتجد صوت رسالة نصية على هاتفها من نفس الرقم المجهول صاحب الصورة ” قوليلي بناتك دول مين أبوهم ؟ ”
لتتسع عيناها بصدمة جلية فتلك مصيبة أخرى حلت على رأسها لم تحسب لها حساب، حاولت الأتصال بالرقم لكنه مغلق، بحثت عن اسم صاحبه ولكن لم تجد شيء، أمتلئت بالخوف إلى أن أستقر عقله على فكرة فأبتسمت بشر بعد أن تذكرت خبر اختفاء ورد مؤخراً على مواقع التواصل الأجتماعى، فهى تعلم حق المعرفة بعائلة داوود ونفوذهم، ومن أكثر منها يعرف وقد كانت تعمل فى إحدى شركاتهم يوماً … وحملت داخلها جزءًا منهم يوماً.
حل الليل سريعاً بعد يومٍ طويل، صعد إليها مسرعاً بعد أن علم ماحدث منها وكشفها لهويتها أمام سمر.
لمحها تجلس فى مكان على السطح مغطاه منكثة رأسها فى الأرض عاقدة ذراعيها على رأسها، ذهب إليها معنــ,,ـــــفاً إياها بغضب .
_ أنتى أتجننتى، أزاى تعملى اللى عملتيه ده ؟
لم تستجب له وظلت على حالها فقام بجذبها لتقف أمامه، كم يرغب فى صفعها الآن لكن رؤيته لها فى تلك الحالة جعل قلبه يشفق عليها، تبكى بصمت والحزن يكسو ملامحها، أنفها الأحمر الصغير عيناها المنتفختان من أثر البكاء نظرتها الضعيفة الهزيلة التى كشفت كم تلك الواقفة لا حول لها ولا قوة.
تركها متألماً ليردد بهدوء عكس عاصفته السابقة .
_ ليه؟ عملتى كده ليه ؟
رفعت عينيها لترد بهدوء مماثل .
_ علشان دى حقيقتى ودى أنا، أنا زهقت وعايزه أكمل حياتى، وإمبراطورية بابا اللى شقى سنين لغاية ما بناها أخواته قاعدين ينهبوا فيها و أحنا مرمين هنا، ياريتنى سمعت كلامه وكان إيدى بإيده مكانش ده كله حصل .
أكملت جملتها ببكاء مرير بصوت عال .
_ أنتى مش عارفه أن دى فترة مؤقته بس لغاية ما كل شيء يتحل أن شاء الله.
نظرت إليه بعينين غاصبتين صارخة .
_ وده هيتحل أمتى هه ؟ ومين هيحله أن شاء الله ؟
حاول السيطرة على غضبه لعلمه بجهلها بما يفعله ولسرية المعلومات قرر أن يظل صامتاً . ف
وكزته فى كتفه

