
عاد الجميع أماكنهم بعيون دامعة وقلوب حزينة منهم من يحزن على رياض ومنهم من يدعوا بقلب صادق لـ ورد .
أقترب أحد الضباط من ياسين ليتحرك معه نحو قائدهم تحت نظرات الجميع .
_ نعم يا فندم ؟
الجزء الثاني
_ ياسين أنت عارف أن المنظمة السبب فى كل اللى حصل ده وسهل أنهم يوصلولك .
_ بس يافندم واضح أن هدفهم رياض وكده يبقي أنكشف قصادهم .
_ فعلاً، كده عملية تصفية وبنسبة كبيرة جداً لو عاش رياض مش هيسيبوه، وكمان هيصفوا كل اللى تبعه، وأكيد عندهم علم بمصدر معلومات رياض اللى هو أنت .
_ اللى أعرفه يا فندم إنى كنت كارت محدش يعرفه خالص غير رياض ومنصور وكام راجل من رجالته القريبين، ومنصور خلاص، ورجالته فى إيديكم بعد خناقة الحارة اللى فلت منها رياض وحصله منصور، يعني أحتمال المنظمة تعرفنى ضعيف .
_ عموماً، لازم تاخد حذرك كويس وأحنا مش هنسيبك أن شاء الله.
_ ودلوقت يا فندم إيه اللى هيحصل ؟
_ المفروض بنستنى رياض يفوق للأستجواب بعدها هيتعرض للمسائلة القانونية، وانت عارف أن أقل تهمة متوجه له عقوبتها الأعدام .
_ وورد؟
_ ورد بأنتهاء رياض يبقي كل مشاكلها أنتهت إلا إذا وقف لها حد تانى من أهلها، ودى مشكلتك أنت وهي، أنت المسئول عنها حالياً تقريباً، مش كده ؟
_ أنا هدخل أطمن عليها .
الجزء الثالث
_ تمام .
تحرك ياسين اتجاه غرفة ورد ليدخل بسهولة أثارت دهشة الموجودين، فقد رفض الأمن دخولهم للأطمئنان عليها أو على رياض ومع ذلك دخل ياسين دون أى منع .
وقف أمامها حزيناً على وضعها الحالي، يرق قلبه إليها.
ف كانت ملامحها الرقيقة مليئة بالكدمات والخدوش، مسح على جبينها برفق ثم أنخفض ليقبلها فيه، داعياً أن تصبح بخير، كم يرغب فى مشاكستها حالاً ليطمئن عليها .
ثم خرج بهدوء مثلما دخل ليجلس بجوار يزيد سانداً رأسه على الحائط ليتحدث يزيد بصوت منخفض .
_ عايزك بره .
أشار ياسين برأسه موافقاً ثم خرج الأثنان تاركين سارة وريحان وباقى الموجودين .
نظر يزيد إلى ياسين ثم سأله بحرص.
_ ياسين، هو إيه الحكاية بالتحديد؟ اللى بيحصل ده أكبر من أن ابن عمها عايز يتجوزها غصب علشان ثروتها، ثم أنت رجعت الخدمة ولا إيه ؟
نظر له ياسين بتفكير ثم قرر أن يخبره بكل شيء .
_ من يوم ما خرجت من الخدمة بسبب أصابتى أشتغلت عند مصطفى داوود والد ورد كحارس شخصى، كنت شايف أحلامى كلها أتدمرت بسبب خروجى من الخدمة لكن مصطفى باشا شاف فيا حاجة أكبر من الحارس …
الجزء الرابع
الشخصى صاحب القوى الجسمانية، شاف فيا سند له وأمان لبنته وده بعد أختبارات ومواقف كتير بينى وبينه، بدأ يستأمنى على أدق أسراره، رياض كان عارف كده وحاسس بثقة عمه فيا، وكان متورط مع منظمة عالمية زى المافيا كده كان هدفه يوصل لورق معين مع عمه ومش عارف الطريق له، فطلب منى مقابلته بعدها طلب منى الأوراق دى .
_ أوراق إيه دى؟
سأله يزيد مستفسراً ليرد ياسين بإجابة مبهمة .
_ مينفعش أقولك علشان مايكونش فى خطر عليك، المهم .. بعد طلبه مكونتش عارف هعمل إيه، أول حاجة فكرت فيها هى القائد مهاب العشرى، كلمته بموبايلى القديم علشان مفيش عليه مراقبة ومحدش يعرف بوجوده منهم، لما قابلته قالى كمل معاه وشوفه عايز إيه بس مكنتش عارف الورق ده إيه ومحدش عارف غير مصطفى ورياض، حتى مهاب باشا مكانش عارف غير لما قدرت أوصل لأول الخيط، ساعتها فهمنا ايه الورق ده، لما جينا نسافر قبلها بيوم طلبنى رياض علشان يقولى أن السواق اللى هينتظرنا بره المطار هناك تبعه وكل اللى عليا أنى أسهله مهمته وأديه اول الاوراق المطلوبة وبعدها هو هيخلص من مصطفى بمعرفته وهيبين اللى حصل دــ,,ـــــادثه، عملت نفسى موافق بعلم مهاب باشا سافرت وبعد ما ركبنا العربية السواق خرج مسدس بهدوء علشان يكمل مهمته وقبل ما يلف يضــ,,ـــــرب فيه كنت أنا منعته لكن الطلقة خرجت فى مكان فى العربية ف فقدنا التوازن وانقلبت بينا أحنا الثلاثة، كان المطلوب منى أحمى مصطفى باشا وأخلص من السواق وتبان أنها دــ,,ـــــادثة لكن مقدرتش أسيطر على كل ده …. وراح مصطفى باشا لكن قدرت أحمى الورق، بعد ماجالى مهاب باشا وعرف محتوى الورق قالى كمل فى المهمة مع رياض .
الجزء الخامس
الورق اللى معايا ساعتها قالى هتكمل فى المهمة وبعدها عرفت ايه هيحصل لورد ف طلبت منك ومن يامن وعاصم تخطفوها من الفرح بعد تسهيلات مع أمن الفيلا تحت عين مهاب باشا برضو، ولما رجعت عرفت أن … أن … سمر كانت على علاقة برياض .
نظر إليه يزيد ب لوم وعتاب فأكمل ياسين .
_ بالله عليك مش ناقص، أنا فيا اللى مكفينى ومكانش ينفع أخد أى رد فعل لأى حاجة لأن كل خطوة كانت بحساب، المهم، بدأ التهديد يزيد من ناحية رياض بأهلى وعيلتى ساعتها الحمد لله مهاب باشا قدر يحميهم تماماً لكن قدر رياض يوصل ل ورد، الله أعلم إزاى لكن انت عارف باقى اللى حصل .
نظر إليه يزيد بحزن على حاله وحال رفيقه ثم أردف .
_ سمر اللى بلغته بمكان ورد .
نظر إليه ياسين بصدمة ليكمل يزيد .
_ وأنا طلقتها .
كاد ياسين أن يتحدث ولكنه سمع صريخ من أحد الموجودين ف تحرك مسرعاً نحو مصدر الصوت .
_ إيه اللى حصل؟
سأل ياسين الطبيب ليجيبه بعملية.
_ مع الأسف رياض بيه البقاء لله .
كانت نيرمين تبكى بحــ,,ـــــرقة أم أنفطر قلبها على صغيرها، فلا يهم هل هو خائن، قاتل، أم شيطان .
ف تظل الأم أم فى كل الأحوال .
أقترب منذر من غرفة ورد صارخاً.
_ هي السبب، ورد هي السبب، والله لأجيب حق ابنى منها.
:
أنا بتهمها أنها .ت ابني .
أقترب ياسين من منذر بهدوء متحدثاً .
_أولاً أنا مقدر الظرف اللى أنت فيه، بس أنت عارف كويس ابنك عمل ايه وكان ناوى على إيه، أدعيله بالرحمة علشان اللى كان هيحصل له بعد ما يخرج من هنا أكبر كتير من المــ,,ـــــوت.
_أنت أتجننت، أنت بتكلمنى كده ليه؟


