عام

رهف

وكان شريف لسه جاى من الشغل لقى والده ووالدته قاعدين فى الريسبشن ورحبوا بيه وسلم على والدته وباس رأسها وسلم على والده .

والده … كنا عاوزينك يا شريف يا ابنى فى موضوع كده.!!!!!!!!!

شريف ….. خير يا حاج فى ايه ؟؟

الاب… والله يا ابنى مش عارف اقولك ايه بس كل اللى اقدر اقوله أن رهف مرات اخوك الله يرحمه ونعم البنات .

بنت اصول فعلا ومتربيه ومحترمه والأهم من ده بقى عندها حسام الصغير اللى ربنا عوضنا بيه بعد المرحوم.

شريف …. مش فاهم يا حاج قاصدك ايه؟

الاب… بص للام واتنهد وقاله اتجوز رهف يا ابنى وعوضها اللى أتحرمت منه بعد موت اخوك حسام الله يرحمه وربى حسام الصغير انت وهى بدل ما يجى حد تانى ويطلبها للجواز و تبعد عننا هى وابنها وساعدتها مش هانقدر نقولها حاجه لأنه من حقها هى لسه صغيرة وجميله والف مين يتمناها.

شريف …حط أيده على وشه وفضل ساكت شويه وبعدها قاله سيبها بظروفها يا حاج وسيبنى افكر شويه.

يا ترى شريف هايقول رأيه ايه وهايقول لابوه ايه

تواقعتكم ايه؟؟؟؟؟؟

الحلقه 🌹 21 🌹

فى يوم من الايام جه شريف من شغله وكان الكل نايم فى الفيلا بس كان سامع صوت حسام وهو بيعيط جامد فطلع على فوق بسرعه وخبط على الباب بس محدش رد ورجع وخبط تانى محدش برضوا رد ففتح الباب ودخل لقى حسام نايم على السرير وعمال يعيط جامد فشاله وفضل يهزه شويه لحد ما سكت وفضل باصص عليه شريف وعرف هو اد ايه جميل ويشبه حسام اخوه الله يرحمه. وفجاه.!!!!!

طلعت رهف من الحمام وكانت لافه فوطه على جسمها وكان شعرها مبلول ونازل على وشها واكتر جسمها باين من الفوطه وفجاه بص عليها شريف وعرف هى اد ايه .

جميله بس فى ثوانى رهف مدت ايديها لوشها علشان تشيل شعرها من على عيونها وبتبص لقت شريف قصدها وشايل حسام واتصدمت من الموقف اللى هى اتحتط فيه وبسرعه شريف ساب حسام على السرير وخرج من الاوضه فى ثوانى وقفل الباب وراه.

بس رهف هنا كانت دقات قلبها بدق بسرعه رهيبه من المنظر اللى شافها شريف عليه ده وهى ملفوفه بالفوطه واكتر جسمها وشعرها باينين وحاولت تنيم حسام وتغطيه عقبال لما تكمل لبسها.

وفى الاوضه عند شريف غير هدومه ونام على سريره وافتكر منظر رهف وهى خارجه من الحمام وافتكرها كمان لما شافها اول مرة فى الكافيه .

واد ايه كانت عجباه وكان نفسها يكلمها.

وتانى يوم الصبح اتجمعوا على الفطار وقعد الاب والام وكان نازل شريف من اوضته وفى نفس الوقت كانت رهف نازله وراح ناحيتها واعتذر على اللى حصل امبارح وفسر لها ده أنه لما سمع صوت حسام بيعيط دخل وسكته وفجاه انتى خرجتى من الحمام بالمنظر ده.

رهف كان وشها جاب ميت لون وما كانتش عارفه تقوله ايه .

قرب شريف وشال عنها حسام الصغنن وباسه وقاله ايه ياعم حسام عامل دوشه لماما ليه .

وضحكوا ونزلوا هما الاتنين على الفطار والاب والام اول لما شافوهم نازلين هما الاتنين مع بعض وشافوا شريف شايل حسام ففرحوا من جواهم أنه بدأ يقرب منهم .

وبعد الفطار راح على شغله والاب راح على الشركه وفضلت الام هى ورهف مع بعض .

الحلقه 22

وفى يوم من الايام كانت رهف لوحدها هى وحامتها فى الفيلا وصحيت من النوم على عياط حسام بس قربت منه لقيته سخن جدا ومعرفتش تتصرف وجريت على حماتها وقالت لها فاجريت الأم بسرعه واتصلت بالدكتور فارس اللى جه على طول بعد ربع ساعه وكشف على حسام وفعلا لقى حرارته عاليه وكتبله على بعض الادويه وفهم رهف على مواعيدها وشكرته رهف وشكرته الام .

فارس …. بتشكرونى على ايه بس ده ابن الغالى الله يرحمه اللى كان اخويا وصاحبى وعشرة عمرى .

وخدوا بعضهم ونزلوا على تحت بعد ما اطمنوا على حسام.

وقعد فارس وقعدت رهف واستاذنت الام انها تقوم تصلى .

فارس … عامله ايه رهف.؟

رهف… الحمد لله يا دكتور فارس

فارس ..دكتور ايه بس يا دكتورة رهف ياللى ختى شهاتك وماشتغلتيش بيها وانشغلتى بالجواز وبالاستاذ حسام الصغير.

رهف… اعمل ايه بس انا كنت متفقه انا وحسام الله يرحمه على كده.

وهما بيتكلموا دخل شريف اللى كان راجع من شغله واتفاجأ بوجود فارس ورهف مع بعض فغصب عنه وشه قلب ميت لون من الغيرة عليها وأنها سمحت له أنهم يقعدوا مع بعض كده لوحدهم

وقرب من فارس وسلم عليه .

بس رهف حست انه زعلان من حاجه.

وبعد شويه استأذن فارس ومشى واللى راح وصله شريف لحد الباب .

ويادوبك قفل الباب ورجع لرهف وبدأ يكلمها بزعيق وبصوت عالى وانها سمحت لفارس أنه يقعد معاها كده بالمنظر ده.

رهف … بدأت تعيط وما كانتش عارفه تعمل ايه غير أنها تعيط.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى