قصص وروايات

تشابك الأقدار “هى للعشق عنوان

أشرقت شمس يوم جديد دخل عليها أطفال أختها الغرفه ليجدوها مازالت نائمه على بطنها لتنام الصغيره على ظهرها وتضحك لتصحو مبتسمه لهم وتقول صباح الخير ليرد بيجاد ويمنى صباح النور ليقول بيجاد إنت لسه نايمه دا أحنا صحينا من بدرى وطنط منال فطرتنا لتقول لهم أصلى نمت متأخر شويه وبعدين إلى نايمه على ظهرى دى مش تبعدوها علشان أقوم لترد يمنى هى كانت بتعمل كده مع ماما وبابا هو إلى كان بيبعدها لتنزل الصغيرة من علي ظهرها تحتضن رقبتها وتقبلها وتقول لها ماما لتعلم أن عليها فعل أي شئ لأجلها وأن تضحيتها قليله أمام محبة تلك الصغيرة.

بعد قليل نزلت بأبناء أختها لتدخل إلى غرفة الضيوف التى يجلس بها برفقة ماهر ووالدته لتسمع سالم يقول أنا هاخد رأيها وأرد على طلبكم لتفتح الجده يديها لاولاد إبنها لاحتضانهم وهى تبتسم ليذهبوا إليها وتجلس برفقتهم قليلا وسط نظرات الغضب من ماهر لها لتقول الجده أنا كنت عايزه جهاد فى كلمه بينى وبينها لتقول باحترام وأنا تحت أمرك اتفضلى معايا لتذهب معها إلى غرفتها لتقول الجده لها أنا عايزه اشكرك على اهتمامك وتفضيلك لولاد إبنى على حساب نفسك

لترد عليها جهاد دول ولاد أختى إلى كانت مكانة أمى وربتنى ووجهتنى وقت ما كنت محتاجه إلى يعرفنى الصح من الغلط وأكيد ولادها زى ولادى بالظبط وأنا حتى بحس إنى لو خلفت مش هحب ولادى قد ما بحبهم لتقبلها الجده من رأسها وتقول لها وأنا كان أختياري صح من الأول لما وافقت أجور ابتهال من باهر رغم انى مكنتش أعرفها كويس وظنى ما خبش أنها من بيت أصول.

بعد قليل كانت تعود إليهم برفقة الجده مره أخرى لتقول الجده أنا بشكركم على حسن ضيافتكم لينا وبتمنى أن مشكله حصلت بنا تتحل إحنا قبل أى شى أهل ليرد سالم بترحاب وإحنا بيتنا مفتوح ليكم فى أى وقت ليذهب معها لتوصيلهم إلى سيارتهم بعد أن ودعت أطفال إبنها لتقول الجده له أتمنى ترد علينا فى طلبنا بسرعه ليرد سالم باختصار ربنا يوفق للى فيه الخير للجميع ليبتسم لماهر ليسير.

عاد مره أخرى إلى غرفة الضيوف ليجد جهاد تجلس بمفردها ليقول لها الولاد فين لترد عليه دخلوا اوضتهم يلعبوا ليقول أنا فى حاجه حصلت ولازم تعرفيها لترد عليه وايه هى ليرد سالم الست همت طلبت إيدك لماهر لتتعجب وتقول لمين ليبتسم ويقول لماهر وماهر بنفسه أكد طلبها لتقول بتعجب كمان أكد طلبها

ليقول سالم وطالب الرد بسرعه لتقول له طبعا انت عارف سبب الطلب ليقول سالم أكيد ضغط من والدته علشان الولاد لتقول بسؤال وإنت إيه رأيك ليرد عليها إلى إنت هتختاريه أنا هساندك فيه لتقول له سيبنى أفكر وأرد عليك ليقول لها براحتك أنا نازل القاهره كمان ساعه وهرجع بكره بعد الظهر تدينى رأيك لتقول له أنا كنت عايزه اقولك أنى هاجى معاك علشان عبير كانت عايزانى فى موضوع ليرد باستفسار وايه هو الموضوع لتقول له معرفش هى قالت لي مش هينفع على التليفون ليرد سالم تمام تعالى معايا.

قام ماهر بتوصيل والدته إلى المنزل ليغا بعدها فورا متجها بالذهاب إلى الشركه لمتابعة سير العمل دخلت همت إلى الداخل لتستقبلها ابنتها الصغري زهر بأشواق وتقول لها حمد الله على السلامه قولى لى استقبلوكم ازاى لتجلس همت وتقول لها هرتاح حبه وأقولك بعد قليل حكت همت لابنتها ما حدث

لتوافقها على ما قالت بشأن ضم ميراثهما إلى ميراث أولاد باهر وتقول أحسن أنك قولتى له كده علشان يفوق من عصبيته وكمان من يفوق من روميساء وامها الاتنين لافين حواليه زى التعابين وأتمنى إن جهاد توافق تتجوزه لأنها أكتر واحده أتمناها تكون شريكة حياته لتأمن أمها على دعائها.

أما ماهر فذهب إلى تلك الحيه وابنتها لتفتح له مجيده وتستقبله بترحاب ليسأل عن روميساء لترد عليه بتمثيل من وقت ما اتصلت عليها الصبح وهى حابسه نفسها فى أوضتها ومش بترد عليا لتغمز له بعينها وتقول أنا عندى ميعاد هروحه وإنت إدخل شوف مالها وصالحها

لتتركه وهى تبتسم ليدخل إلى غرفتها فيجدها نائمه على فراشها ترتدى منامه خفيفة جداً ليقترب منها ويقبل وجنتها لتقول له بغضب أيه إلى جابك ما فضلتش ليه عند العروسة إلى مامتك أختارتها ليرد عليها إنت عارفه السبب فى موافقتى إنى اتجوزها لتقول به لأ مش دا السبب انا عارفه إن طنط همت مش بتحبنى علشان جواز ماما من باباك ليرد عليها وهو يفتح أزرار قميصه وينظر اليها بشوق بس إنت عارفه إنى مش بحب غيرك وجوازى من أخت مرات باهر علشان المصلحه مش أكتر لأنى معنديش أى مشاعر اتجاها ليميل عليها ويقبلها ولتسحبه معها فى دوامه مشاعر.

وصلت جهاد وسالم إلى منزلهم بالقاهره لتتركه وتذهب إلى الشقه التى تقطن فيها برفقة صديقة طفولتها عبير دخلت الشقه لم تجدها فذهبت إلى المطبخ لتناول المياه لتفتح الثلاجة لتجدها مليئه ببعض الاطعمه المجهزه لتستغرب فعبير لا تحب الأطعمة المجمدة لتشرب وتخرج من المطبخ لتجد من تخضها و تقول بخ حرامى لتنظر لها بغضب وتقول لها إنت مش هتكبرى عقل الأطفال أكبر من عقلك وبعدين حرامى أيه إلى يقدر يدخل الشقه وأنا موجودة لتقول عبير والله عندك حق دا كان يطلع على الإنعاش دا ان طلع عايش أصلا لتحضنا بعضهن بحب وشوق لتقول جهاد والله إنت وحشتيني لترد عبير إنت أكتر أنا لو مكنتيش جيتى النهاردة كنت هتلاقينى عندك قريب لتقول جهاد كدابه إنت بقالك اكتر من حداشر سنه منزلتيش البلد إلا كم مره يتعدوا على الأيد لتقول لها لأ والله كنت هجى علشان فى حاجه هتطرنى

لتقول لها وايه هى لترد عبير هقولك بعدين بس قولى لى إنت أيه ألى حصل فى موضوع ولاد ابتهال لتسرد لها ما حدث حتى طلب جدة الأولاد تزويجها لابنها لتنصدم عبير وتقول يعنى هما عرضوا إنك تتجوزى ماهر وهو بنفسه وافق لترد جهاد وتقول لها تصوري لتقول عبير وانت رأيك أيه فى حبيب القلب الى طلب يتجوزك لترد عليها بس أنا متأكده إنه مجبر وإن لو بمزاجه عمره ما كان فكر يتقدملى لتقول عبير يعنى هترفضيه لتقول جهاد بالعكس أنا هوافق وهشوف أخره أيه لترد عبير بابتسامة أخره خير أن شاء الله وهو هيقدر على المقاومه معاكى دا أنا خايفه لتأسريه لتضحك جهاد وتقول دايما تفكيرك غلط

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى