قصص وروايات

عهد الاسود

ضرغام قال وهو طالع: طبعا هنروح… الشغل بعيد عن اي شئ… خدها قاعده.. تصبح على خير.

ضرغام طلع واسد اتنهد ودخل اوضتو وقعد على السرير ومسك علبه الاسعافات وبقى يحط على وشو مطهر، وجات عيونه على صوره على الكمود.

الصوره كانت مقطوعه نصين، والنص الي في البرواز لست جميله جدا وتشبه اسد في شعرها البني وعيونها الخضر، واقف قدامها طفل في عمر ال٥سنين نصو مع صوره الست ونصو مقطوع مع الجزء المفقود.

اسد بص للصوره واتنهد وقال: وحشتيني يا ماما… وحشتيني قوي.. ونزلت دمعه من عيونه وقال: شوفتي.. شوفتي اخوكي وحبيب قلبك عمل فيا ايه.. نسي اني ابنك.. ويمكن نسيكي انتي كمان.

عند اسامه رجع البيت ونادى على الجارد بتاعو وقال: اسمع.. الشباب الي جم معايا هديلك عنوان تروح تاخدهم وتوديهم المستشفى وتدفع الحساب، وقولهم اسامه بيه بيقولكم عاش… والمكافأت بتاعتهم جاهزه.

الجارد قال امرك يا باشا وخرج…. واسامه اتصل على شخص وقال: خليكم جاهزين بكره، التسليم مش عايز غلطه… وقفل معاه وابتسم بغضب وقال: بكره معادنا يا ضرغام… الصباح رباح يا ابن ابويا.

اسامه لسه هيطلع تليفونه رن.

بص للرقم بضيق وفتح وقال: ايوه يا بابا.

في مكان تاني على البحر قاعد راجل في سن الستين، ده عبد الرحمن الثابت والد اسامه، قال بضيق: ايوه يا اسامه، ايه الاخبار؟

اسامه قال على طول: انا مليش اي دخل، الرجاله الاغبيه الي معايا اشتبكو مع اسد… وانا طردتهم على فكره.. بس لو عايز تسألهم ابعتهملك لو مش مصدقني يعني.

عبد الرحمن اتمهد بضيق وقال: انا مش محتاج اسألهم يا اسامه.. كمان مش محتاج ارجع احذرك..

اسامه قل: اكيد… ريح نفسك يا بابا، انا مش هاجي جمبو.. ضرغام ده اخويا واسد ابن اختي.. مهما كان.

عبد الرحمن اتنهد وقال: ربنا يهديك يا اسامه ويكون كلامك ده حقيقي… هحاول اصدقك.

اسامه قال: هتصدقني وبكره هثبتلك انا قد ايه بحبهم با بابا.

بقلم… زهرة الربيع

اسامه قفل معاه وطلع على اوضتو وهو ناوي على شئ خطير.

عند ضرغام طلع بتعب وضيق ودخل اوضتو واتفاجأ بعهد قاعده على السجاده وبتصلي ومش حاسه بدخولو.

ضرغام قفل الباب براحه ودخل وفضل مستنيها تكمل صلاتها.

عهد خلصت وبقت تدعي بدموع وبدون صوت ووقفت بتطوي السجاده… بس وقعت من ايدها لما شافت ضرغام قاعد على السرير وبيبصلها بسخريه.

ضرغام وقف وقال: حرما يا شيخه عهد… انا عايز اسأل سؤال من باب الفضول… عند عزام في شقه الدعاره.. بتصلي كمان ولا مبيبقاش عندك وقت؟

عهد بلعت ريقها بخوف وقالت ببراه: ب.. بصلي.

ضرغام قال بتريقه: امممم بتصلي.. ويا… ولا طاهر اخو عبد الظاهر؟

عهد قالت بخوف منو: طا… طا… طاهر… مين؟

ضرغام ضحك بخفه على برأتها وبقى… ماشي انا هعتبر انك بالبرأه الي انتي رسماها قدامي… دي حاجه بينك وبين ربك.. وانت حره.

عهد قالت بهدوء: هو.. هو انت.. انت بت.. بتصلي؟

ضرغام اتفاجأ بسؤالها وقال بحرج من غير ما يبصها: احم.. وانت مالك؟

عهد ابتسمت ابتسامه بسيطه وقالت: تبقى.. مش.. بتصلي؟

ضرغام بصلها بغضب ومسكها من دراعها وقال بغضب: وانت مالك اصلا بتدخلي في الي ملكيش فيه ليه؟ اسمعي.. انتي هنا علشان تبسطيني وبس… احنا مش في جامع يا اختي وبلاش الشويتين دول، سامعه؟

عهد رجعت لورا بقلق وخافت جدا وقالت: اس.. اسفه.

ضرغام قرب عليها وقال بلهجه اهدى: ايوه كده.. خليكي حلوه معايا.. وهبقي حلو معاكي.. تمام.. سيلا فتحت الباب وهيه بتقول: ضرغام انا جيت وووووو.

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى