
سلمى تقول: انا بحبك قوى يابابا، أنت سندى إلى مبخفش من الدنيا طالما موجود.
لتدمع عين صفاء.
لتخرج لمياء من الغرفة وتقول بمرح: انت واخدها على رجلك وسايبنى؟
ليفتح مهدى لها ذراعه الآخر لتذهب إليه، ليفتح باب المنزل وتدخل لمار تنظر إليهم ليضحك مهدى ويقول: دا إنت إلى فى القلب.
لتمسك صفاء يد سلمى ويد لمياء وتسحبهما وتقول بمرح: قوموا هتفطسوا الراجل. ثم تسحب لمار.
لتقول لمار: أنا مش عارفه إنت مستحمل الست دى ازاى؟ دى مفتريه.
ليجذبها مهدى ويقول: دى حبيبتى، أحن قلب فى الدنيا.
لتخجل صفاء من فعلته وسط نظرات بناتها.
لتقول لمياء بمرح: شايفين بعنا علشان خاطر المفتريه وعامله نفسها مكسوفه.
ليقول بحماية: أنا بحبكم كلكم ومقدرش استغنى عن واحده فيكم.
لتحمد الله على السعاده والألفة بين عائلتها، فالحياة تبنى بالحب والمودة والتآلف لا بالأرصدة في البنوك.
عادت نوران من رحلتها لتذهب للقاء عابد بذلك المطعم، عندما دخلت وجدته يدخن سيجارته ليقف ويسلم عليها ويسحب لها المقعد لتجلس عليه.
تحدثت نوران معه عن رحلتها ومدى استمتعها بها.
لتقول له: أنا نفسى نروح هناك شهر العسل هناك فى فينسيا، دى تجنن وبيقولوا عليها مدينه العشاق.
ليزفر عابد دخان سيجارته ويقول بهدوء: أنا كنت عايز اتكلم معاكى بخصوص الموضوع دا.
لتقول نوران بتسرع وفرح: يعنى هنحدد ميعاد لجوازنا؟
ليتنهد عابد ويقول بهدوء: لأ، لأننا مش هنجوز.
لتدعى الصدمة وتقول: قصدك أيه؟
ليزفر دخان سيجارته مرة أخرى ويتحدث بنفس الهدوء: أنا النهاردة عزمتك على العشا علشان ابلغك أنى قررت أنهى خطوبتنا.
لتبكى بحرقة وتسأله السبب.
ليرد عابد: مفيش سبب، بس أنا عندى إحساس أن زوجنا هيكون فاشل وإنت هتكونى خسرانه منه.
لتقول بدموع واستجداء: انت عارف أنى بحبك وممكن اقدر أخلى جوازنا ينجح.
ليرد عابد برود: إنت تقدرى، لكن أنا مش هقدر أتحمل.
لتقول بدموعها: ليه مش هتقدر؟
ليقول بهدوء: الجواز مبنى على اتنين متفاهمين وقابلين يواجهوا الحياه مع بعض بمصاعبها، وإحنا مفيش بينا أى تفاهم أو على الأقل من ناحيتى، وأنا مش عايز اظلمك معايا.
لتقول له بسؤال: تظلمنى ليه؟
ليقول بصدمة لها بصراحه: أنا فى واحده دخلت حياتى واتأكدت أنها هى إلى هقدر أكمل معاها حياتى.
لتشعر نوران بهزيمتها وتقول بدموع التماسيح: وأنا أتمنى لك السعاده. وتقف وتمد يدها له وتقول بكذب: أنا مقدرش افرض نفسي عليك اكتر من كده، بس عندى طلب وهو انك تسيب لى شبكتك كذكرى. ولو عايز أنا ممكن أدفع تمنها. وتتركه وتغادر.
ليشعر بالتعجب من موقفها، فهو توقع أن ترفض إنهاء الارتباط بهذه السهولة.
ويقف مذهولا غافلا عن تلك العين التى رأته للتتأكد من أنه ليس سوى مخادع كاذب.
بعد أيام قام مهدى بتسجيل المصنع بإسمه بمشاركة أخته.
لتقترح سلمى بعض التوسعات به لزيادة معدل إنتاجه، ليتم الاتفاق على طلب قرض من أحد البنوك الاستثمارية، لتذهب برفقة هادى إلى ذالك البنك لمقابلة مديره.
وقفت برفقة هادى عند سكرتيرة مدير البنك انتظارا حتى يسمح لهم بالدخول.
لتخرج السكرتيره وتخبرهم بانتظاره بالداخل لهم.
ليدخلا لتجده يجلس برفقة عابد التي انصدمت من وجوده.
ليبتسم لها رغم شعوره بالغيرة من وقوف هادى بجوارها.
ليقف ويسلم على مدير البنك قائلا: أنا همشى يا وجيه، ونبقى نتكلم فى الموضوع دا مرة تانيه علشان معطلكش عن العملاء. ويمد يده له حتى تري أنها أصبحت فارغة من تلك الدبله.
لينظر لها ويومئ برأسه دون أن يتحدث، لتتجاهله.
بعد قليل بعد أن غادر طلب منهم وجيه الجلوس للاستفسار عن طلبهم.
لتقول بدبلوماسيه: إحنا اشترينا مصنع للسجاد من قريب.
ليقول وجيه: مبروك.
لترد عليه وتقول: شكرا، بس أكيد أنا مش جايه البنك علشان تباركلى، أنا طالبه خدمه.
ليقول بسعة رحب: وأنا تحت أمرك، اقدر اخدمك بايه؟
لترد: أنا عايزه أأقدم على قرض من البنك علشان ناويه على توسيعات للمصنع.
ليقول: وحضره قد إيه قيمه القرض إلى مطلوب؟



