عام

عشق الرجال ٥

أنا آسف بس هى كانت وحشانى اوووى

ليهز الجد نعمان رأسه بنعم ليقترب تمام ويجلس أمامه ثم قال

– أنا جاى علشان أخد مراتى لكن كمان جاى علشان أعتذر من ورد ومن حماتى كمان عن تصرف أمى وغلطها فى حقهم

– يا ابنى أنا مقدره الحاله إللى هى فيها الله يكون فى عونها

اجابته نعمات التى دلفت من الباب منذ قليل واستمعت إلى حديثه

وقف سريعاً احتراماً لها و اقترب ليقبل أعلى رأسها وقال

– أنا مش عارف أقول لحضرتك أيه

لتربت على كتفه وهى تقول

– متقولش حاجه يا ابنى الموضوع مش مستاهل

لينظر إلى مالكة قلبه وروحه وقال

– أنتِ وحشتى بيتك اوووى وكمان أمى بتقولك أنها عايزه تتغدا من إيدك النهارده

لتبتسم ورد بسعاده وهى تهز رأسها بنعم وقالت

– هلم حاجتى وجايه على طول

وبعد عدة دقائق كانت تجلس بجانبه فى السيارة حين نظر إليها نظره مشاغبه وقال

– ورد هو أنتِ متعرفيش فين عابيتى الرمادى

لتظهر علامات التوتر على ملامحها ليضحك بصوت عالى وهو يقول

– هى معاكى صح

لتخفض رأسها أرضا ليمد يده وباصبعه يرفع وجهها ويقول

– متبصيش فى الأرض بصى فى عينى وقوليلى كنت و خداها معاكى ليه ها كنتى خايفه اوحشك ولا لأنك بتحسى معايا بالأمان

ظلت صامته ليمد يده يمسك يدها يقبلها بحب وسعاده وقال

– مش مهم تجاوبى أى إجابه من الاتنين تسعدنى جداً وتفرحنى جداً جداً وتخلينى أسعد راجل فى الدنيا

ظلت تنظر إليه بسعاده مخلوطة بخجل وهى تتمنى من داخلها أن تقول له أحلى الكلمات وأن تصف كل ما تشعر به داخل قلبها نحوه ولكنها تخجل ولا تستطيع أنها لا تستطيع نطق اسمه تشعر بالخجل الشديد فكيف تعبر عما تشعر به نحوه اكتفت برفع يده إلى شفاهها تقبلها بحب وتقديس لامس قلبه بشده

••••••••••••••••••••••••••••••••••••••••••••••••

استيقظت من النوم تشعر بارهاق وتعب شديد خاصه بعد ما حدث أمس بينها وبين سليمان الذى جعلها تقوم بكل أعمال المنزل دون راحه وحين حل المساء وحان وقت النوم أخبرها بكل برود

– نامى فى الاوضه التانيه ولما أحتاجك هقولك تجيلى

نظرت إليه باندهاش ليبتسم بجانب شفتيه وهو يقول

– أيه مفهمتيش أفهمك أنا …. زمان السلطان كان له جناح خاص بيه ووقت ما يحتاج جاريه من جواريه يبعت يجيبها يتبسط معاها وبعدين ترجع جناح الجوارى لأن الجوارى مينفعش تنام جمب السلطان … فهمتى

وتركها يرتسم على وجهها معالم الصدمه و دلف إلى وأغلق الباب

وها هى فى صباح اليوم التالى لا تعلم كيف تتصرف لم تتصور ولو لمره أن تصل الأمور بينها وبين سليمان إلى هذا أبداً

خرجت من الغرفه تبحث عنه فى أرجاء البيت لم تجده و باب غرفه النوم مفتوح تأكدت أنه قد غادر المنزل ولكن وجدت ورقه كبيره مكتوب بها

(( متتكررش تانى أنى أصحى قبل منك وانى أنزل من غير فطار واستعدى لما أرجع لعقاب شديد لأهمالك فى حق وطلبات سيدك))

لتشعر بالخوف حقاً ظلت تنظر حولها وهى تفكر ثم ركضت إلى الغرفه وأبدلت ملابسها وخرجت وقد قررت أن تحتمى بوالدها وجدها

••••••••••••••••••••••••••••••••••••••••••••••••

اطمئنت عليه أن حرارته انخفضت فذهبت سريعاً إلى المطبخ لتحضر له الطعام وبعد أن أنتهت عادت إلى الغرفه لتجده مستيقظ اقتربت منه وقالت والدموع تتجمع فى عينيها

– عامل أيه دلوقتى ….. ليه نمت فى الجنينه هو أنا عارفه أنى زعلتك اوووى منى وغلطت غلط كبير بس مش لدرجة تنام فى الجنينه أنا أسفه

كان ينظر إليها باندهاش ورفع يده ليسكت سيل كلماتها وقال بصوت مرهق

– أهدى يا نجاة أهدى علشان أنا مش قادر أتكلم

وضعت يدها على فمها و هزت رأسها بنعم ليضحك هو بارهاق وقال

– أنا كنت قاعد بره بفكر فى كام حاجه قبل ما أدخل البيت و غلبنى النوم مش علشان زعلان منك

لتزوم وهى تشير له بحاجبيها ليقطب جبينه بعدم فهم لتبعد يدها عن فمها قليلاً وقالت بصوت ضعيف

– ممكن أقول حاجه

ليبتسم وهو يفكر كم هى لذيذه حين تتعامل بطبيعتها و من غير تكلف أو عقد هز رأسه بنعم لتقول هى

– بس أنا غلطت فى حقك ولازم أعتذر

وصمتت لثوانى ثم قالت بشىء من العصبية

– بس أنت برضوا غلطان أنت كذبت عليا ولازم تعتذر لى

ليضحك بصوت عالى لدقيقة كامله ثم قال

– حاضر أخف بس واعتذرلك وتعتذريلى وكل إللى أنتِ عايزاه

كانت تشعر بسخريه فى حديثه ولكنها لم تهتم يكفى القلق التى عاشت فيه طوال ليله أمس وقفت على قدميها وقالت

– هروح أجبلك الأكل علشان تاخد الدوا

وتحركت فى إتجاه الباب ثم نظرت إليه وقالت

– وياريت تخف بسرعه علشان فى كلام كتير لازم نقوله

وخرجت من الغرفه ….. ظل هو ينظر إلى مكان وقوفها وهو يتذكر كل ما حدث فى ذلك اليوم ورؤيته لمها أغمض عينيه وأخذ نفس عميق وأخرجه ببطىء وهو يشعر أن القادم مؤكد سىء ولكنه لا يريد أن يخسر نجاة لقد بدء قلبه ينبض لها

7 من 7التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى