عام

واحترق العشق سعاد محمد

بينما تجاهل وجود سميرة وهو يسمع لفضول يمنى:
فين المفاجأة يا بابي.

تبسم عماد وقبل وجنتها قائلًا:
المفاجأة فوق يلا خلينا نشوفها سوا.

أومأت ببسمه وأشارت لـ عايدة وسميرة قائله:
تعالي يا ناناه نشوف مفاجأة بابي،وإنتِ كمان يا مامي.

بمضض وافقت سميرة ربما لديها فضول هى الأخري معرفة تلك المفاجأة صعدت خلفهم حتى دخلت لتلك الغرفة تفاجىت وشعرت بسعادة مثل تلك الصغيرة التى لمعت عينيها بسعادة وهى ترا غرفة خاصه بطفلة صغيرة ملونه بألوان زاهيه ورسومات من فتيات الكارتون التى تشاهدهُ عبر التلفاز، كذالك ركن خاص به سلة ألعاب بها الكثير من الألعاب التى تناسبها كطفلة،سريعًا ارادت أن يضعها أرضًا،ذهبت نحو تلك السله الخاصه بالالعاب وبدات فى إمساكها لعبه خلف أخري تقول:
تعالي يا ناناه شوفي لعبي الجديده اللى بابي جابها لى،الأوضه دى حلوة أوي يا بابي،هنام فيها أنا ومامي.

تبسم وهو يقترب منها وجــ,,ـثي على ساقيه امامها قائلًا:
يمنى كبرت والمفروض تتعود تنام فى أوضه لوحدها.

أومأت ببسمة موافقه وهي ترفع يدها بتسأول بعقل طفلة:
أه انا مش هخاف نام وحدي بالاوضة بس مامي تنام فين.

رفع عماد وجهه ونظر نحو سميرة التى تلمع عينيها بسعادة،لكن احادت النظر له، عاد بنظره الى يمنى قائلًا:
مامي هتنام فى الأوضه اللى جنب الأوضه دي، كمان ناناه فى الأوضة اللى جنبك، كمان ناناه حسنية لما ترجع هتنام فى الاوضه اللى قصادك، يعني كلنا هنبقى جنب يمنى الوردة الجميلة.

تبسمت يمنى وحضتنه وقبلت وجنتيه قائله:
أنا بحبك أوي يا بابي وسامحتك عشان إنت كنت مزعل مامي وهي عيط لـ ناناه.

غص قلب عماد وتنهد بندم، زالت الغشاوة عن عينيه حين كاد يشعر بفقدان سميرة، هو غير قادر على ذلك يكفي حدث هذا مره وعاش بمرارة لم يشعر بزهو أي نجاح وصل له فى حياته، رغم انها كانت جواره، عاد عقله يستوعب أن ربما كان للقدر شآن لابد من حدوثه، كان من الممكن أن يتبدل القدر ويظل يشعر بإحتراق وسميرة تعيش بعيدة عنه، او حتى كانا تزوجا ولم يتفقا وعاني معها أكثر، عليه تقبُل أن ما حدث بالماضي كان قدرًا مرسوم.

لمعت عينية بسعادة وهو يرا إنشغال يمنى مع عايدة التى تبتسم وهى تراها سعيدة بتلك الالعاب التى كان لديها بالشقة ألعابًا مُشابهه لها لكن بطفولتها مُقتنعه أن هذه الأفضل، بعد قليل من اللهو مالت يمنى الى النوم، تبسمت عايدة قائله:
هنام مع يمنى الليله هنا فى الأوضة، عشان بس المكان جديد عليها.

كادت سميرة أن تعترض وتقترح أن تظل هي كالعادة مع يمنى، لكن عماد تصرف بجرآة وجذب سميرة قائلًا:
تمام براحتك يا طنط الڤيلا كلها تحت أمرك، يلا لو فضلنا هنا يمنى مش هتنام للصبح.

شعرت سميرة بالحرج بينما تبسمت عايدة قائله:
تسلم يا عماد، تصبحوا على خير.

أومأ لها ببسمه وجذب سميرة معه سارت معه حرجًا من والدتها التى تومئ لـ عماد ببسمة كآنه عاد مثلما كان سابقًا لديه مكانه كبيرة عندها.

لكن بمجرد أن خرجا من الغرفة نفضت سميرة يده عنها بعنف قائله بغضب:
عايز توصل لأيه يا عماد،أنا مش هتراجع عن اللى طلبته منك قبل كده فى الاوتيل.

زفر عماد نفسه وحاول الهدوء حتى لا يُثير إشتعال غضبه هو مازال غاضب من إختفائها،لكن جذبها وفتح باب الغرفة وأشار لها بالدخول،دخلت،ثم إستدارت تنظر له بعد أن أغلق باب الغرفه عليهما،ثم قالت بتمثيل:
الصبح هاخد ماما ونسافر البلد.

كز على أسنانه يحاول تهدئة غضبه كى لا يتعصب، وخلع نظارتة وفرك عينية يشعر بحرــ,,ـقان بهما بسبب عدم نومه كذالك يشعر بإرهاق بدني، لم يرد عليها وذهب يضع النظارى فوق تلك الطاولة المجاوره للفراش، تحدث وهو يُعطيها ظهره:
أنا خليت الشغاله تفصي ليك جزء كبير من الدولاب، بكره إبقى حطي هدومك فيه.

تنهدت قائله بعند:
شكرًا مش محتاجه أنا الصبح….

قبل أن تُكمل عِنادها المقصود، قبــ,,ـض على عضديها وجذبها عليه وبلا إنتظار قبلها بإشتياق يود الشعور أنها عادت، كادت سميرة أن تمتثل ويتحكم قلبها، لكن تذكرت بعد نصائح عِفت كذالك فداء التى أخبرتها أن هاني أخطأ وأخبرها عن سوء حالة عماد فى غيابها عليها أن تستغل ذلك وتلعب على وتر الإشتياق لها، بالفعل دفعته بيديها كى يبتعد عنها، إمتثل غصبً، لكن تلك القبله أطفأت الكثير من ذاك الاحتراق الذى كان يشتعل به قبل ساعات وهى غاىبة لا يعلم مكانها، نظرت له بإدعاء إستهجان قائله:
أنا قولت كفاية خلاص قصتنا إنتهت و…

قاطعها بغضب قائلًا بتحذير:
سميرة أنا مش ناقص إرهاق بقالي كم يوم مبنمش ساعتين فى اليوم خلي الليلة تعدي وكفاية أنا ماسك نفسي بالغصب، المدام إختفت وكانت بايته فين.

أجابته ببرود:
ويفرق معاك فى إيه أبات فى اي مكان من إمتي كنت بتهتم.

تنهد بندم قائلًا:
من النهارده ههتم ومش هتباتي غير فى المكان اللى أكون فيه… هجيبلك بيجامة من عندي تنامي فيها.

كادت تعترض بعناد، لكن شعرت ببوادر غثيان دوخه اغمضت عينيها وفتحتها تقاوم لكن لوهله كاد أن يختل توازنها، لاحظ عماد ذلك سندها سريعًا وجذبها للسير معه الى أن أجلسها على الفراش، جلس على ساقيه أمامها يضع يديها بين كفيه،يُربت عليها، ينظر لها بحنان قائلًا:
طبعًا زي عادتك آخر حاجه تفكرى فيها، إنك تاكلي، هنزل أجيبلك عشا خفيف.

إستغربت سميرة ذاك اللُطف من عماد، حين نهض تمسكت بيده قائله:
أنا مش جعانه يا عماد، هاخد شاور هفوق.

تبسم لها قائلًا:
تمام براحتك قدامك الدولاب خدي لك بيجامة من عندي بس بلاش تاخدي بيجامة كبيرة أوي.

غصبً تبسمت وهى مازالت تمسك بيده حتى نهضت واقفه، تركت يده وتوجهت نحو خزانة الثياب إلتقطت منامه من عنده وذهبت نحو الحمام، وقفت قليلًا تحاول السيطرة على تلك المشاعر الثائرة بقلبها، تبسمت وهى تتذكر فرحة يمنى بتلك الغرفه رغم بساطتها كذالك والدتها التى تعلم أنها لا تود أن تكون سببً بقلة سعادتها وأنها ثُقلًا عليها…
بينما عماد كعادته يعلم ان والدته لا تهوا السهر لكن يأمل أن ترد على مهاتفته لها،لكن كالعادة رنين ولا رد،زفر نفسه وحسم أمره يكفى لابد أن يجتمع شمل عائلته الصغيرة…
بعد قليل خرجت من الحمام،كان عماد قد أبدل ثيابه الى منامه منزليه،نظرت نحوه،كذالك هو تبسم لها بتلقائيه،لكن سميرة ظلت جامده بلا رد فعل،نظرت نحو الفراش تشعر حقًا بالارهاق،كذالك حملها يُضعفها،إبتلع عماد عبوسها وإقترب منها قائلًا:
بقيتي أفضل أن طلبت من الشغاله تجيب لك عشا خفيف.

نظرت نحو الفراش قائله:
سبق وقولتلك مش جعانه، أنا محتاجه أنام، هنام فين.

تبسم عماد بقبول قائلًا:
هتنامي فين يعني عالسرير طبعًا.

نظرت سميرة نحو الفراش قائله:
وإنت هتنام فين؟.

أجابها ببساطه:
عالسرير، السرير واسع جدًا.

تهكمت بقصد منها قالت:
بس إنت مش بتحب حد ينام جنبك بتضايق.

تننهد وهو يقترب منها قائلًا:
اعتقد إني نمت جنبك عالسرير قبل كده ومكنتش ببقى مضايق،وبلاش رغي كتير فى الفاضي،أنا مُرهق ومحتاج أنام عندى سفر بكرة.

بفضول سائلته:
ومسافر فين بقى؟.

تبسم وهو يقبــ,,ـض على يدها ويسحبها نحو الفراش قائلًا:
الصبح هقولك،إنما دلوقتي إحنا محتاجين للراحه.

كادت أن تسحب يدها من قبــ,,ـضته لكن إستسلمت بسبب الارهاق،صعدت على الفراش كذالك عماد صعد على الطرف الآخر وتمدد ينظر نحوها مُبتسمًا مد يده يمسد على وجنتها أغمضت سميرة عينيها لوهله لكن فتحتهما بإتساع حين شعرت بانفاسه وتلك القُبله،رفعت يدها وضعتها على كتفه تدفعه قائله بتحذير:
عماد.

رفع وجهه ونظر لها مُبتسمًا يقول:
تصبحي على خير يا سميرة.

لم ترد عليهم أغمضت عينيها سُرعان ما ذهبت بغفوة،ظل عماد مُستيقظًا لوقت مُتكئًا يتآملها،ثم قبل وجنتها مره أخري وإعتدل نائمًا بالفراش،سرعان ما ذهب الى غفوة مُطمئن.
❈-❈-❈
ظهيرة اليوم التالى بمنزل حسنيه بالبلده فتحت باب المنزل لم تندهش حين رأت عماد امامها يبتسم، رغم فرحة قلبها وإشتياقها له لكن رسمت الجمود قائله:
خير إيه اللى جابك.

ألقي بنفسه يحتضنها بإشتياق قائلًا برجاء:
وحشتيني يا ماما، كفايه بقى تعاقبيني،انا مكنش قصدي إنى هتجوز غير سميرة،كمان سميرة ويمنى فى الڤيلا زي رغبتك،ماما أنا حاسس إنى ماليش سند من غيرك.

قلبها يشتاق له لكن لابد من تعليمه درسًا مهمت كان قاسيًا،هى علمت من عايدة ما حدث وانها هى وسميرة ويمنى أصبحن بالڤيلا كما أردت لكن رسمت الجمود قائله:
ومن إمتى كنت بتسمع كلامي.

عاد براسه للخلف ونظر لها قائلًا برجاء:
ماما إنت عارفه مكانتك عندي كفاية بقي عشان خاطري،يمكن كنت غلطان.

قاطعته قائله بتاكيد:
أيوا كنت غلطان وياما حذرتك بس عندك غباء وراثي وارثه من…

قاطعها وهو ينحني يُقبل يديها الإثنين،حن قلبها له قائله:
ليا شرط لازم تنفذه قبل ما ارجع معاك القاهرة.

رفع راسه وتبسم بقبول قائلًا:
موافق مهما كان طلبك.

تبسمت له وتقبلت إحتضانه لها تضمه بأمومه.
❈-❈-❈
مساءً
بمنزل هاني
لم يتفاجئ حين وجد والدته تجلس مع فداء تتسامران،نهضت إنصاف مُبتسمة تقول:
يعني انا جايه عشان أشوفك وإنت تفضل فى الشغل للوقت ده،انا لما حسنية كلمتني وقالتلى عماد هناك فى البلد قولت لها قلبي متاخد من ناحية فداء كانت متغيرة الايام اللى فاتت وعاوزه أطمن عليها،قولت أجي مكالمات الموبايل مش بطمن،وإنت أكيد عماد قالك ومع ذلك معبرتش ولسه جاي،الغربه قست قلبك.

نظر نحو فداء التى أحادت بصرها عنه ونظرت لـ إنصاف قائله بإبحاء :
معليشي يا طنط إنتِ عارفه مشاغل هاني كتير ربنا يكون فى عونه.

تبسمت إنصاف قائله:
ولو الشغل مش هيطير لازم يهتم بمراته شويه، أنا إتبسطت أوي لما إتأكدت من شكي إنك حامل مكنش داخل عليا شكلك وإتبسطت لما الدكتورة اكدت لينا، ربنا يرزقها بالخير سميرة هى اللى وصلتنا للدكتورة، تتابعي معاها الحمل، أنا حبيتها أوي، دي أكتر فرحة دخلت قلبي فى عمري كله، ربنا يكملك وتقومى بالسلامه يارب مجبورة الخاطر، وإنت يا هاني ياما إشتغلت، إهتم بمراتك شويه، اللى يشوفك يقول مش مبسوط إن مراتك حامل.

رسم بسمه وهو يضم إنصاف، ينظر نحو فداء غص قلبه من تجاهلها له.

بعد قليل
نهضت إنصاف قائله:
هقوم انام انا مش قد السهر كمان راجعه البلد تانى بكرة، بسنت بتحتاج ليا، ولو فضلت مع حامد هيفرجوا على بعض البلد الإتنين ناقر ونقير.

تبسم هاني قائلًا:
والله الكل بيستجار من حامد.

تبسمت إنصاف له تومئ رأسها بموافقة قائله:
تصبحوا على خير.

-وإنتِ من اهله.

قالها هانى وفداء بنفس الوقت… غادرت إنصاف لم تنتظر فداء بعدها وذهبت الى غرفة النوم، بدلت ثيابها بأخري وتسطحت فوق الفراش، ظل هاني قليلًا قبل ان يذهب الى الغرفه دخل نظر نحو الفراش، شعر بالغيظ من تجاهل فداء المتعمد منها، ذهب نحو حمام الغرفه، وصفعه بقصد منه، ضحكت فداء على ذلك، وعادت تغمض عينيها غير مهتمه به… ذهبت لغفوه قبل ان يخرج من الحمام، نظر نحوها وزفر نفسه بغيظ قائلًا:
صدق اللى قال عليكِ فتاااء، تمدد على الناحيه الأخري للفراش، وضع يده فوق رأسه ينظر نحوها، رغم إرهاقه لكن لا يعلم لما حين أخبرته أنها حاملاً شعر بالارتباك، وجملة واحده سمعها من زوج والدته، قبل أيام حين تمنت إنصاف أن يُرزق بأطفال قال تلك الجمله بتعسف وغلول
“إبن الشيبة يتيم” وانه قد إقترب من الحاديه والأربعون، تلك الجمله هى ما صدمته بالحقيقة، وأفسدت عليه زهوة ذاك الخبر، لما وقتها تحكمت البلاهه برأسه، هل احد يعلم المستقبل ماذا يُخفي فى طياته، لو أخبره أحدًا ان ذاك الصبي اليتيم الذي كان بلا أي أهميه سيصبح أحد رجال الاعمال ويبزغ نجمه فى لحظات ما كان صدق ذلك، الصدمة التى أساء رد الفعل عليها.. وها هو يدفع الثمن.
❈-❈-❈
بعد مرور يومين
بمنزل شعبان
دلفت هانم الى غرفة هند نظرت لها بتقييم لذاك الزي الفضفاض التى ترتديه كذالك لا تضع أي مساحيق تجميل على وجهها،إستهزات بها سائله:
رايحه فين دلوقتي.

ردت هند وهي تقوم بوضع حجاب رأسها قائله:
رايحه الشغل.

تهكمت هانم سائله:
وهتشتغلي فين بقى.

ردت هند:
هشتغل فى مصنع عماد.

تفاجئت هانم بذلك لكن قبل أن تستفسر دخلت إبنتها الاخري للغرفه قائله:
سمعتوا الكلام اللى داير فى البلد،قال إيه الراجل اللى إسمه “ناجي”صاحب دكان الموبيلات كان بياخد فلوس من الناس يوظفها،وهرب بعد ما جمع من أهل البلد اكتر من خمسه مليون جنيه،هى البلد دي فيها الملايين ده كلها منين.

صُدمت هانم من ذلك وسألتها بتاكيد:
جبتي الكلام الأهبل ده منين.

ردت إبنتها:
البلد كلها بتقول كده،وفعلًا هرب بالفلووو…

لم تستطيع هانم الاستماع الى بقية حديث إبنتها وقالت جملة
“شقى عمري”ثم وقعت فى الحال مغشيًا عليها.
❈-❈-❈
ظهرًا
بوقت الراحه
تبسمت سميرة لـ عِفت التى دخلت عليها قائله:
ما تجي نروح نتغدا فى الكافيه.

تبسمت سميرة لها بموافقة، خرجن من مركز التجميل، بنفس الوقت سمعن رنين هاتف فداء.

نظرت لها سميرة قائله:
واضح إنى هرجع إتغدا هنا فى البيوتي.

تبسمت عفت لها، لكن لمحت سيارة زوج سميرة…جذبتها قائله:
لاء هنتغدا سوا،يلا بينا…لم تنتبه سميرة لسيارة عماد،وذهبت الى ذاك الكافيه،تبسمت حين دخلن ورات ذاك الذى وقف لهن،نظرت عفت لها مُبتسمة بمكر قائله:
لقينا اللى يدفع لينا الحساب.

ضحكت سميرة قائله:
مفترية يا عفت كده هيطفش.

ضحكت عفت قائله:
لاء متقلقيش،أختك مسيطرة.

تبسمت لها سميرة،رحب حازم بهن،وجلسن،لكن ما هى الا لحظات الا ودلف عماد خلفهن شعت عينيه نيرانً حين تفاجئ بـ سميرة تجلس مع حازم وحدهما،والأخري غير موجوده،إقترل من طاولتهم بغضب،وسحب مقعدًا قائلًا بهدوء عكسي:
تسمحولى أشاركم الغدا.

إرتبكت سميرة من جلوس عماد التى لو خلع نظارته لاحترق حازم تفوه سائلًا:
مكنتش أعرف إنك تعرفي حازم الفيومي.

قبل ان تتحدث سميرة كانت قد عادت عفت وردت هي قائله:
مستر حازم الفيومي يبقى شريك فى البيوتي الجديد اللى هنشتريه إحنا التلاته… انا وهو وسميرة.

ذُهلت سميرة وصمتت بعد ان وجه عماد نظره لها، بينما أستهزأ قائلًا:
هو مستر حازم يفهم فى شغل الكوافيرات.

ردت عفت:
هو هيدخل معانا ممول، ده مشروع كسبان ميه فى الميه.

تهكم عماد قائلًا بتعسف:
أه طبعا مشروع مؤكد نجاحه، بس للآسف سميرة مش هتدخل فى المشروع الناجح ده مع مستر حازم،أنا همول لها المشروع بدون إحتياج لممول غريب.
❈-❈-❈
ليلًا
دلفت السكرتيرة الى غرفة المكتب، لوهله ذُهلت من ذاك المنظر وسعُلت بشدة بسبب ذاك الدخان الكثيف الذى يحاوط وجه كل من
عماد، وهاني، اللذان يجلس كل منهما عكس الآخر، على مقعد يضجع عليه بظهره وقدمي كل منهما مُمدة على مقعد آخر، يخلعون معاطفهم، حتى رابطات العُنق مفكوكه، بمنظرهم العشوائى جدًا
حين سعلت نظر لها الإثنين وهما مازالا بنفس الوضع، تحدثت بحرج :
بقينا الساعه تمانيه المسا و..

أومأ لها عماد بتفهم:
تمام تقدري تمشي.

تنهدت براحه وفرت من الغرفه كي تستنشق هواءًا نظيفًا
بينما ظلا هكذا لبعض الوقت لا يتحدثان فقط يُنفثان سيجارة خلف أخري، الى أن سعل هاني ، أنزل قدميه على الارض وإعتدل جالسًا حتى هدأ السُعال نظر نحو عماد قائلًا:
هي الساعه كام دلوقتي.

نفث عماد دخان السيجارة قائلًا:
معرفش.

نظر هانى نحو تلك الساعه الموضوعه فوق الحائط قائلًا:
الساعه حداشر ونص قربنا على نص الليل، هنروح فين دلوقتي.

أجابه عماد بنفس الطريقه السابقة:
معرفش.

زفر هاني نفسه سائلًا:
إحنا هنبات فين.

بنفس الكلمه والوضعيه أجابه:
معرفش.

غضب هاني قائلًا:
إيه معرفش، معرفش دي، إنت علقت زي شريط الكاسيت بتاع زمان.

تنهد عماد قائلًا:
معرفش.

ألقى هاني عليه القداحه بعد أن أشعل سيجارة ونفث دخانها قائلًا:
طب أنت إتبطرت وتستاهل جزائك ده،وسبق حذرتك،أنا ليه حالي كده.

تهكم عماد وهو يلتقط القداحه وأشعل سيجارة هو الآخر نفث دخانها قائلًا:
طب أنا بقى إتبطرت،إنت إيه اللى عملته خلاك قارفني وخانقني،وإتعميت بسبب دخان السجاير.

تنهد هانى بضجر قائلًا بندم:
أنا جالي فتاء فى عقلي وإتهورت.
“يتبع”

الشرارة الثانية والثلاثون “الخاتمة ١”
#وإحترق_العشــ,,ـق
❈-❈-❈
بعد مرور عِدة أيام
بمقر الشركه
نزع عماد تلك النظارة عن عينيه وضعها فوق المكتب وإتكئ عليه يفرك عينيه يشعر بحرــ,,ـقان، تنهد بسقم نفسي يشعر بالسأم من العمل، سمع طرقًا على باب المكتب سمح بالدخول
دلفت السكرتيرة قائله!
بشمهندس الإيميل ده وصل من عميل سعودي، كمان، الآنسه چالا الفيومي إتصلت وبتقول إنها بتتصل على حضرتك موبايلك مُغلق بتقول إن التصميمات إنتهت وهتجيبها بنفسها النهارده.

زفر عماد نفسه وهو يأخذ منها ذاك الإيميل،ثم قال:
تمام، بلغي هاني بيه بميعاد الآنسه چالا هو معاه التفاصيل، ومتحوليش ليا إتصالات.

أومأت برأسها ثم خرجت، وضع عماد الورقه فوق المكتب، وأخرج سيجارًا أشعله ونفث الدخان بضجر وهو يتذكر قبل أيام
بذاك المقهي الذى ذهب إليه خلف سميرة
[عودة بالزمن]
تفاجئ حازم بقول عِفت عن أي شراكة تتحدث، لكن ظل صامتًا وإستغرب من قول عماد أنه سيكون الممول لـ زوجته
من زوجته”سميرة”!
الآن فهم لما إختفت صورها من تسجيلات الحفل، كذالك لماذا جائت ليلة إعلان الشراكه، لكن فى المرتان لما لم تظهر جواره كزوجة، هنالك لغز، نظرة عين عماد له من أسفل النظارة يشعر بها حارقه،
حتى ملامح سميرة تبدوا مُرتبكة، تنهد عماد وتعمد سائلًا:
بس إنت تعرف سميرة مراتى منين يا حازم؟.

نُطق عماد لإسم وكنية سميرة بصيغة التملُك علم أنه يتعمد ذلك قصدًا منه، بينما همست سميرة لـ عِفت قائله:
إيه الهبل اللئ قولتيه ده، بيوتى إيه وشراكة إيه كمان، أنا حاسه إن عماد بدأ يتعصب ربنا يستر.

همست عفت ببسمه قائله:
ما يتعصب براحته، وبعدين إحنا إتفقنا على إيه خلينا نشعوط أبو غمازات شويه.

وكزتها سميرة بغِيره هامسه:
إتلمي متنسيش أنه جوزي.

أخفت عِفت بسمتها ثم تعمدت القول:
إحنا إتعرفنا على حازم صدفه جمعت بينا فى أكتر من مكان وقربت بينا ولما أقترحت أنا وسميرة على حازم أنه يدخل معانا شريك، هو رحب بكده، عشان الصداقه اللى جمعتنا سوا ونعتبر فى غدا عمل .

-صداقه، وغدا عمل
قالها عماد بحنق ثم أكمل:
أي صداقة مش فاهم، وبعدين أنا قولت خلاص سميرة مش محتاجه شريك ولا ممول
وبعدين حازم ميفهمش فى شعل البيوتى،ولا هي ماشيه عكس،أخته تمسك إدارة مصنع باباه وهو يمول بيوتي.

شعر حازم بالضيق من قول عماد،لكن نظرت له عِفت نظرة فهم مغزاها أن يهدأ ولا يُجادل،فتعمد إثارة غِيرة عماد كما فعل وإستقل من شآنه عنوه قائلًا:
وفيها إيه راجل الاعمال الناجح هو اللى يدور عالمشروع الناجح وأعتقد مشروع بيوتى مؤكد نجاحه من قبل يبدأ.

ماذا لو خلع عماد النظارة وأحرــ,,ـق ذاك الاحمق بلهيب عينيه،لكن لم يعُد يتحمل،نهض واقفًا وجذب يد سميرة لتنهض قائلًا:
كان بودي نشاركم غدا العمل،بس أنا وعدت يمنى بنتنا إننا نتغدا معاها فى الڤيلا بس يظهر سميرة نسيت يلا بينا يا حبيبتي.

كادت سميرة تعترض لكن جذبها عماد من يدها بقوة، نظرت لـ عِفت التى تبسمت وغمزت لها بمرح أن تذهب معه.

بينما حازم نظر لـ عِفت قائلًا:
أول مره أعرف إن سميرة تبقى مرات عماد الجيار، مش فاهم أي حاجة.

إبتسمت عِفت قائله:
أعتقد فضول المعرفه مش هيفيدك لآن الآمر ميخصكش،الا لو كنت…

توقفت عن إسترسال حديثها مما جعل حازم يسأل:
إلا لو كنت إيه؟

إسترسلت عِفت حديثها:
الا لو كنت بتكن مشاعر لـ سميرة فـ…

قاطعها حازم:
مش هنكر إنى كنت بكن مشاعر لـ سميرة ومكنتش عارف إيه هي المشاعر دي بس مع الوقت إكتشفت إن كان فضول، أو يمكن قدر بيجذبني لشئ تاني.

-وإيه هو الشئ التاني ده.

هكذا سألته عِفت أجابها:
مش هكدب متأكد إنك واخدة عني فكرة إني شخص مُستهتر، وحاولتي تثيري غيرة عماد، لكن فى الحقيقة أنا من النوعيه اللى مش بحب أفكر كتير فى شئ مش هيفيدنى.

تسألت بعدم فهم:
قصدك إيه.

تبسم مُجيبًا:
مش هنكر يمكن كنت مُعجب بـ سميرة لما شوفتها فى الحفله شوفت حُزن على وشها شدني،بس مع الوقت لقيت نفسي بتجذب لشئ تاني بعيد عنها،حسيت إن اللى كان شاغلني بها فضول مش أكتر ومع الوقت زال.

فهمت قصده سائله بفضول:
وإيه الشئ التاني اللى شدك،ومش يمكن يكون هو كمان فضول وينتهي مع الوقت.

تنهد بحيره قائلًا:
مش عارف،بس متأكد أنه مش فضول،لأنها مشاعر يمكن بحسها لاول مره،ولها زهوة مختلفه.

لمعت عينيها ببسمه قائله:
واضح إنك شخص هوائي.

ضحك قائلًا:
فعلا كنت كده.. “هوائى”، مش بشغل نفسي بشئ، بس فى الفترة الأخيرة بقيت بالعكس بركز فى كل حاجه فى حياتي،وقررت يبقى عندى هدف اوصله بعيد عن إسم وجدي الفيومي.

تبسمت بفضول:
وإيه هدفك بقى.

تبسم قائلًا:
أول شئ يكون عندي مكانه خاصه بيا أنا كنت شريك من الباطن مع صديق فى الجامعه عندنا مكتب محاسبه وله سمعه كويسه وقررت أعلن إني شريك فى المكتب ده.

تفاجئت مُبتسمه تقول:
وليه كنت شغال معاه من الباطن.

تبسم قائلًا:
كنا لسه متخرجين وانا عشان إسم والدى مكنتش عاوز يتقال إن المكتب شغال بالوسايط،مش هنكر إنى برضوا إستخدمت نفوذ المصنع وكنت برشد بعض العملاء للمكتب،بس كنا واخدين عهد إننا نوصل بشرف،والحمد لله المكتب تقريبًا بقي شركة محاسبه وقريب هنعلن عنها فى العلن وأنا شريك فيها…كده مش ناقص غير شريكة حياتي اللى تفهمني،أنا فعلًا أبان شخص مش قد مسؤوليه ويمكن مش بحب المسئوليات الكبيرة او الفشخره زى ما بنقول بحب أعيش فى هدوء حتى لو فى الظل…وأنا واثق من نجاحي،عكس چالا أختي،بتحب تبان إنها شخصيه قويه وليها مكانه،أنا عارف مكانتي كويس عشان كده مش بركز معاها،متأكد إنها عارفه إنى أقدر اخد او حتى انافسها على مكانتها عشان كده دايمًا واخده صف بابا وبتظهر قدامه إنها افضل من يشيل المسئولية،وانا مريح دماغي منها هى حره حابه شهره وسيط تاخدهم،أنا ليا زيي زيها وأكتر وبتعب اكتر منها وهى بكده،بس حابه الوجاهه انا مش حاببها،كمان فى حاجه هتحصل قريب ومتاكد منها هتخلي مكانة چالا ترجع لورا وأنا اللى هبقى قدام.

تبسمت عِفت له تُخفي إعجابها به سائله:
وإيه هي الحاجه دي.

تبسم قائلًا:
شراكة عماد،أنا إتفاجئت بأن سميرة تبقى مرات عماد،بس إفتكرت حاجه يوم إعلان الشراكه،سميرة ظهرت وبعدهت مشيت وعماد إختفى بعدها ومرجعش تاني للخفله،أكيد راح ورا سميرة،چالا يمكن عندها الشراكه اهم من مشاعرها،هى معندهاش مشاعر أساسا،ماشيه بمبدأ البزنيس،المنفعه والمصلحه،واللى لاحظته عماد مغرم،أو حتى مُيم بـ سميرة،والإشاعه اللى طلعت من فتره كده لها تأثير على علاقتهم،وبالتأكيد عماد مش هيخسر مراته وبنته عشان شراكه،أكيد سميرة هيبقى عندها حزازيه من تعامل عماد مع چالا
وقتها أنا اللى هظهر فى الصوره.

بينما عماد
خرج من المطعم يجذب يد سميرة يقبــ,,ـض عليها بقوة الى وصلا الى تلك الغرفه الخاصه بمركز التجميل، دخل وأغلق الباب خلفه بقوه، جذبت سميرة يده من قبــ,,ـضة يده، تركها وخلع نظارته، ظهرت نظرة عيناة التى لوهله أربكت سميرة وتوترت، شعرت أنه مُتعصب للغايه لكن لم تُبالي، وقالت بهجوم:
إيه طريقتك دي يا عماد إزاي تسحبني بالشكل ده.

نفخ نفسه قائلًا:
سميرة بلاش تعصبيني كفايه إستفزاز.

كتمت بسمتها وإدعت البرود قائله:
بستفزك فى إيه، كل الحكايه قدامي مشروع كويس و….

تنرفز عماد وجذبها من عضديها عليه قائلًا:
مشروع إيه بيوتي تاني تمام أنا همولك البيوتي التاني.

بإستفزاز عن قصد قالت سميرة برفض:
لاء شكرًا مش محتاجه منك، أ….

ضغط عماد قويًا على عضديها قائلًا بغضب:
مش محتاجه إيه، سميرة، أنا ماسك أعصابي بالعافيه، مش عاوز أعمل حاجه تضرنا إحنا الإثنين.

كادت سميرة أن تُزيد من إثارة غيظه لكن شعرت بدوخه طفيفه أغمضت عينيها وإقتربت برأسها تستند على صدره، شعرت بخفقات قلب عماد الثائرة، وضعت يديها فوق صدرهُ، هدأ غيظه وفك قبــ,,ـضة يديه عن عضديها وضمها بين يديه بحنان، إستكانت بين يديه وصدره للحظات حتى زالت تلك الدوخه،بينما عماد شعر بهدوء حين ضمها لكن سُرعان ما عادت ترفع وجهها تنظر له،تأمل ملامحها تلاقت عيناهم،رغم ضعف بصره لكن هو يراها بذاك النابض،تبسم لها،لوهله هى الأخرى تبسمت،لكن سُرعان بمجرد أن زالت الدوخه،إنتفضت تبتعد عنه بعمد منها لعدم إحكام يديه إبتعدت عنه وقالت:
إنت إيه اللى جابك هنا دلوقتي،إيه جاي تاخديني نروح الأوتيل ولا الڤيلا اللى هتتجوز فيها قولتلك….

قاطعها يجذبها مره أخرى يقبــ,,ـض على عضديها
يكز على أسنانه قائلًا:
سميرة كفايه، وإنسي الكلام الفارغ اللى كنتِ هتقوليه، الڤيلا خلاص هاني خدها وعايش فيها هو ومراته هي فى الأصل كانت بتاعته، وإعملي حسابك أرجع المسا تكوني فى الڤيلا.

أنهي قوله وجذبها من عُنقها قبلها قُبلة غيظ ثم غادر مُسرعًا بغضب.

وضعت سميرة يدها فوق شفاها التى شعرت بآلم فيها بسبب قُبلة عماد الجامدة، رغم ذلك تبسمت بتشفي.
[عودة]
عاد عماد يُزفر نفسه يشعر بإشتياق لـ سميرة، حاول نفض ذلك عن راسه وإنشغل بالعمل لساعات،
فى المساء دلفت السكرتيرة

لم تستغرب من جلوس عماد مُتكئًا على المكتب، قبل أن تتحدث
إعتدل عماد جالسًا يتنهد بسأم قائلًا:
تمام تقدري تمشي، وانا هكمل الشغل اللى معايا.

فرت من أمامه تبتسم، خرجت الى خارج المكتب قامت بإتصال قائله:
والله شكله يا سميرة يصعب عليكِ، أنا بقول كفايه كده بقى، ده مش البشمهندس اللر كان كتلة نشاط، كمان مستر هاني والله الإتنين صعبوا عليا جامد.

تبسمت سميرة لها قائله:
تمام تسلمي ومتشكرة لخدماتك بجد أثبتِ إنك إنسانه محترمه، مبسوطة إنى إتعرفت عليكِ..

بعد قليل
دخل هاني الى المكتب دون طرق الباب نظر له عماد تنهد بضجر قائلًا:
تصدق بقيت لما ببص فى وشك بحس إنى متشرد مش لاقى مكان أتاوى فيه، إيه اللى جابك هنا دلوقتي.

رغم بؤس هاني لكن ضحك قائلًا:
نفس إحساسي والله لما بشوفك، بس هروح فين، بجيلك عشان احس إن مش لوحدي اللى بائس… كمان أنا زهقت من چالا اللى إنت حولتها عليا، دي شخصية سمجه أوي إزاي بتتحملها، كمان سألتني عنك قولت لها إنك مشغول، شكلها كانت عاوزة تسلم عليك.

نظر له عماد بسخط، قائلًا:
أنا لا عاوز أشوفها ولا أسمع أسمها، بفكر بعد كده نتعامل مع باباها او أخوها… ولا اقولك
تصدق انا بفكر نُفض الشراكه اللى بينا وننسي بعض إنت من يوم من نزلت وإستقريت فى مصر والنحس صابني.

ضحك هاني قائلًا:
تصدق ممكن اللى انا فيه يكون بسبب لعنة هيلدا.

نظر له عماد بتهكم قائلًا:
طب لعنة هيلدا تصيبك أنا مالى، تصدق أنا قرفت من الوضع اللى إحنا فيه ده، كل ليلة نروح إننا هنبات فى الاوتيل، وفى اخر الليل كل واحد باخده الشوق يروح لمراته أنا بقول بلاش نروح الاوتيل ونقصر وكل واحد يروح بيته كده كده هرجع الاقى سميرة نايمه وإنت كمان، بلاش مشاوير عالفاضي.

أوما هاني موافقًا يقول:
أنا كمان بقول كده، انا شاكك إنهم عاملين لينا سحر إننا منقدرش نبعد عنهم، كمان بفكر أحيب هديه واصالح فتااااء، يمكن تفرد وشها او شعرها.

تبسم عماد قائلًا:
أنا كمان بفكر أشتري هدية لـ يمنى،يمنى هي مفتاح سميرة وهتفرح بالهديه أكتر منها.

أومأ الإثنين لبعض بإبتسامه، ونهضا كل منهم بداخلهم أمل وإشتياق
❈-❈-❈
بمنزل عماد
كانت سميرة ساهرة تشعر بالقلق بسب تأخر الوقت وعدم عودة عماد، فكرت بالإتصال عليه، لكن تراجعت أكثر من مرة، الى أن تآكل قلبها من القلق وقررت أن تتنحي وتهاتفه، لكن قبل ان تفعل ذلك سمعت صوت دخول سيارته الى الڤيلا، نظرت من خلف ستائر الشُرفه شفق قلبها عليه وهى تراه يترجل من السيارة يبدوا مُرهقًا، لكن سرعان ما تنبهت قبل ان يرفع راسه ويراها، تركت الستائر وتوجهت نحو الفراش خلعت ذاك المئزر الذى كان فوق تلك المنامه العاريه التى ترتديها أسفله وسريعًا تمددت على الفراش غير مُغطاة تدعي النوم.
بينما عماد ترجل من السياره يشعر بإرهاق، رفع رأسه نحو شُرفة الغرفه لوهله ود ان يرا سميره واقفه بإنتظاره، لكن واهم هي لا تهتم بأمر عودته، زفر نفسه ودخل الى الفيلا صاعدًا الى الغرفه التى تجمعه مع سميرة التى
سُرعان ما سمعت صوت فتح باب الغرفه،تنفست بهدوء،حين أضاء عماد ضوء الغرفه ونظر نحو الفراش،رأي سميرة نائمه كما توقع،تنهد ببؤس،غزا قلبه إشتياق وهو يراها بذلك الرداء العاري،كآنها تتعمد اللعب على أوتار قلبه بتلك الملابس التى كلما عاد متاخرًا يجدها نائمه بها،تذكر سابقًا حين كان يتسلل الى غرفة نومها بالشقه كانت نادرًا ما تنام بتلك الملابس،ربما لأنها كانت تنام جوار يمنى…تنهد يكبت إشتياقه،وذهب نحو حمام الغرفه،وضع رأسه أسفل صنبور المياة البارده يهدئ مشاعره،ثم خرج للغرفه مره أخري
بينما سميرة قبل لحظة كانت تتنهد تسحب نفسًا عميقًا بسبب تمثيلها النوم كبتت انفاسها،لحظه اغمضت عينيها حين سمعت صوت مقبــ,,ـض باب الحمام،بينما عماد خرج بمنشفه صغيره يُجفف خصلات شعره ينظر نحو سميرة، ألقى المنشفه وبدل ثيابه وخفض إضاءة الغرفه وإنضم الى سميرة بالفراش… ينظر نحوها، جذب دثار الفراش وضعه عليهما الإثنين، سُرعان ما غاض فى النوم بعُمق، نظرت له سميرة شعرت بالإشفاق على ملامح وجهه التى يبدوا عليها الإرهاق بوضوح، قررت ربما آن آوان الخطوة التاليه، عليها إخباره بحملها وبذلك القرار التى إتخذته بشآنه.
❈-❈-❈
بـ ڤيلا هانى
كانت فداء تشعر بالقلق لكن تحاول السيطرة على قلبها تتجاهل ذلك بمشاهدة أحد الافلام الرومانسيه التى إندمجت معها، لكن كانت بين الحين والآخر تنظر الى ساعة بالحائط، فكرت بالإتصال عليه لكن عدلت عن الفكره، وهى تشاهد ذاك الفيلم لكن تنهدت براحه حين سمعت صوت سيارته وعادت تشاهد التلفاز، وهى تجلس فوق الفراش بتلك المنامه الشبه عاريه، تتناول بعض المُقرمشات، تنتظر دخول هاني…
بالفعل دقائق ودخل الى الغرفه لوهله وقف مُتصنمًا من هيئتها على الفراش، بتلك المنامه الشبه عاريه، كذالك شعرها المُصفف يُعطيها إثارة،أغمض عينيه حاول كبت تلك المشاعر،ذهب نحو الحمام نزع ثيابه ونزل تحت صنبور المياة الباردة، إرتجف جسده لوهله، ثم تحمل برودة المياة، خرج بعد دقائق، كانت مازالت فداء مُستيقظه تدعي مشاهدة ذلك الفيلم الرتيب بالنسبه لها، لكن هانى مازال رؤيتها تُثير مشاعره،حاول مشاغبتها عن قصد منه،توقف أمام شاشة التلفاز،لم تهتم فداء،وقالت:
ده فيلم ممل وانا كبس عليا النوم.

قالت هذا وتمددت على الفراش تتثائب،تضايق هاني من ذلك التجاهل منها،وذهب نحو الفراش تمدد جوارها،لم يستطيع النوم،نهض جالسًا بضيق قائلًا بغضب طفولى:
دي مش عيشه مكنتش غلطه كلمه وقولتها.

تثائبت فداء ببرود وهى تُعطيه ظهرها قائله:
مش جاي على مزاجي نتخانق آجله لبكره تصبح على خير.

شعر بغضب شاور عقلها ماذا لو خنقها الآن، ربما يُشفي غليله وتهدأ مشاعره، لكن تبسم بمكر وفكر، وتمدد جوارها إقترب منها وتلاحم بها، إستدارت له وكانت ستعترض، لكن لم يُعطي لها فرصه حين إقتنص شفاها بقبله… حاولت الإعتراض لكن سُرعان ما بادلته القُبلات الى أن ترك شفاها ليتنفسا، وضع يديه على كتفها العاري وقبله، لكن قبل بداية مطاف العشــ,,ـق قالت له بتمنع:
متفكرش إنى سامحتك، عشان أسامحك ليا شروط وأولها أنك تبطل شُرب سجاير.

هاودها قائلًا:
تمام هبطل شُرب سجاير وهشرب اللبن الصبح كمان.

تبسمت له ولمعت عينيها بصفاء… سُرعان ما ضمها يُقبلها مره أخري يحتويها يُطفي ذلك الإشتعال،بإشتعال غرامي مُتناغم.
❈-❈-❈
بعد مرور يومين

إنتهي عماد من هندمة ثيابه، ونظر لإنعكاس سميرة التى مازالت تنهض جالسه على الفراش تتمطئ بذراعيها، تبسم بتلقائيه قائلًا:
صباح الخير.

بينما سميرة تثائبت قائله:
صباح النور، عماد فى موضوع كنت عاوزه أقولك عليه.

إبتسم عماد وإقترب من الفراش جلس على طرفه ينظر ببسمه لـ سميرة ثم قبل إحد وجنتيها سائلّا:
صباح الورد والياسميم، إيه هو الموضوع اللى صحاكِ من النوم بدري على عكس الأيام اللى فاتت،كنت برجع بالليل الاقكي نايمة وبتصحي بعد ما أنا أخرج من أوضة النوم.

فهمت تلميحه، هى فعلًا تتعمد تمثيل النوم حين يعود ليلًا وانها مازالت غافيه الى أن يغادر صباحً، تغاضت عن ذلك قائله:
أنا حامل.

تفتحت ملامحه وإنشرح قلبه، لكن سُرعان ما إحتقنت ملامحه وتجهمت وتباينت من إستفسار ثم غضب سائلًا :
قولتي إيه يا سميرة؟.

إزدردت ريقها وحاولت الثبات وأعادت قولها بتبرير:
بفكر أجهضه،انزل الجنين، أنا مش قد مسؤولية طفل تاني دلوقتي، هيحتاج رعايه وأنا وقتي….

-وقتك إيه، إنتِ أكيد مش فى وعيك.

إبتلعت لعابها وحاولت إخفاء بسمتها وتعمدت إظهار الإصرار قائله:
أنا مكنتش بفكر أخلف تانى بعد يمنى، قصدي يعني بالسرعه دى،كمان مش قد مسؤولية وإحتياجات طفل تانى .

نظر لها وهو يُضيق عينيه بغضب قائلًا:
فين السرعه دي يمنى عدت سنتين، يعني مبقتش صغيرة، مسؤولية إيه اللى هتتحمليها، ماما ومامتك فى الڤيلا يعني…

قاطعته وهى مازالت تتلاعب بالإصرار الكاذب:
بس انا…

قبل أن تُكمل إصرارها جذبها من طوق منامتها قائلًا بأمر:
مفيش إعتراض وإعملى حسابك الحمل ده هيكمل لو وصل الامر إنى أحبسك هنا فى الأوضة وأحبس نفسى معاكِ.

كادت سميرة أن تعترض مره أخري لكن نظرة عماد لجمتها، لحسن الحظ جاؤه إتصال هاتفي، جذب الهاتف وقام بالرد بعصبيه قائلًا:
تمام إتصل عالمهندس المسؤول عن الصيانه، وأنا ساعه بالكتير هكون فى المصنع.

أغلق الهاتف ونظر نحو سميرة نظرة جامدة تحذيريه ثم غادر، بينما خرج من الغرفه تركت سميرة العنان لضحكتها تشعر بإرتياح كذالك إنشراح من رد فعل عماد التى أفسدت مزاجه… كيف صدق انها قد تفعل ذلك، يبدوا ان العصبيه أفسدت عقله، فإن كانت تريد الإجهاض لما كانت أخبرته، هى تتلاعب به.

فى الظهيرة
على غير العادة
عاود عماد الى الڤيلا، تبسم حين قابلته حسنيه ببسمه سائله:
بقالك كام يوم مكنتش بتجي عالغدا، إبن حلال أنا وعايده اللى طبخنا النهارده… وكنا مستنين سميرة على ما ترجع من عند الدكتورة هى وفداء…زمانهم قربوا يوصلوا

-دكتورة
همس لها عماد ولم يُفكر سوا بقول سميرة صباحً عن رغبتها فى الإجهاض، سُرعان ما تبرجل عقله قائلًا:
إزاي تسيبها تروح للدكتورة يا ماما، أكيد راحت عشان تجهض الجنين.

ذُهلت حسنيه سائله:
أي جنين.

أجابها بغضب:
سميرة حامل وعاوزة تجهض الجنين، ومستحيل ده يحصل، أكيد إنتِ عارفه مكان عيادة الدكتورة، قولى لى عنوانها لازم امنع سميرة.

إستغربت حسنيه إندفاع عماد، وقالت له:
ما انا عارفه إن سميرة حامل، أه اعرف مكان عيادة الدكتورة، سبق وروحت معاها قبل كده

تنهد قائلًا:
تمام ياماما هاتي العنوان بسرعه، لازم ألحق سميرة قبل ما تنفذ كلامها.

-تنفذ أى كلام، انا مش فاهمه حاجه سميرة راحت للدكتوره عشان…

قاطعها عماد قائلًا:
عشان تجهض الجنين من فضلك ياماما هاتى عنوان الدكتوره بسرعه.

مازال عقل حسنيه غير مستوعب، لكن بسبب الحاح عماد اعطته العنوان، غادر مُسرعًا، بينما حسنيه لوهله فكرت ثم إنفجرت ضاحكه، بالتاكيد سميرة تتلاعب بمشاعر ذلك الأحمق ويستحق ذلك.
“يتبع”

الشرارة الثالثه والثلاثون  “الخاتمه الأخيرة”
#وإحترق_العشــ,,ـق
❈-❈-❈
بعيادة الطبيبة النسائيه.
إنتهت للتو من فحص فداء، جلست تدون لها بعض المقويات ومُكملات الغذاء من أجل صحة الجنين، تبسمت لها فداء، بينما نهضت الطبيبه قائله:
خلينا نطمن على الجنين يا سميرة، آخر متابعه مكنتيش عجباني، قولتلك بلاش عصبيه عشان صحة الجنين.

تبسمت سميرة لها، وتمددت على ذلك الفراش تنظر نحو تلك الشاشه تتأمل حركة جنينها، تبسمت بإنشراح،

بينما بسرعة جنونيه وصل عماد الى تلك العيادة، دخل بهوجاء حين لم يرا سميرة بين تلك النساء المنتظرات أدوارهن ، أيقن أنها بالداخل توجه مباشرة الى غرفة الكشف لم يُبالي بمنع المسؤوله عن تنظيم العيادة،
لكن توقف حين دخل ووجد فداء تجلس على احد المقاعد، وقفت تنظر له بذهول، لم يُبالى بها وذهب نحو ذلك الفراش المُمدة عليه سميرة، تضايقت الطبيبه من هوجاء عماد وقالت بغضب:
إنت مين وإزاي تقتحم أوضة الكشف بالشكل الوقح ده، إتفضل برة.

بينما سميرة لوهله خجلت من نظر عماد لها  لكن تبسمت بتشفي على ملامحه كذالك من توبيخ الطبيبه له،تنحنحت قائله:
ده جوزي.

نظرت له الطبيبه بعصبيه قائله:
ولو كان ممكن يدخل بطريقه أفضل من كده.

تبسمت فداء وشعرت بالخجل قائله:
هستناكم بره.

بينما سميرة تداركت الأمر قائله:
معليشي يا دكتورة،أصل جوزي كان قلقان عليا شويه،وعشان كده دخل بالشكل ده.

نظرت له الطبيبه قائله:
ولو،كان المفروض حتى يخبط عالباب،دي قلة ذوق عالعموم أنا هتغاضي عن ذلك بس عشان خاطرك.

تبسمت سميرة،بينما عماد حرك شفاه  للطبيبه بسخط،عيناه مُركزه على تلك الشاشة التى نظرت سميرة نحوها يرا حركة ذاك الجنين،سُرعان ما تبسم منشرح القلب،تغاضت الطبيبه عن وقاحته،وقالت لـ سميرة:
هسمعك نبض الجنين.

أومأت سميرة ببسمه، بينما أخترقت تلك النبضات فؤاد عماد، سميرة تلاعبت به فلقد نبض الجنين بداخلها وهذا معناه أنها حامل من عِدة أشهر، وــ,,ـفات وقت الإجهاض، تلك النبضات إنبسط قلبه وهو يعود بالنظر لوجه سميرة التى مازالت مُمددة على الفراش عينيها على تلك الشاشه تشعر بسعادة غامرة، إزدات حين شعرت بيد عماد تُمسك يدها،تركت النظر للشاشه ونظرت ليد عماد التى تحتضن يدها،بينما نظر للشاشه ثم لها مُبتسمًا  ، شعور مُمتع وله مذاق خاص، رغم أن هذا الحمل الثاني لـ سميرة لكن لم يشعر بتلك المشاعر وقت حملها بـ يمنى، كانت معظم تلك الفترة بعيدة تعيش بالبلدة عدا الفترة الأخيرة قبل الولادة، عادت سميرة بنظرها لـ عماد مُبتسمه، لحظات مثل وقت مُستقطع،من كل شئ عقلها معًا فقط، تنحنحت الطبيبه قائله بتطمنين ثم خباثه تُثير غضب عماد ردًا على فظاظته :
تمام كده يا سميرة الحمد لله حال الجنين أفضل المره دي عن متابعة الشهر اللى فات، محتاجه بس شوية فيتامينات وكمان تغذية، وكمان ممنوع العلاقة الزوجية الفترة الجايه.

إنتبه عماد لحديث الطبيبه جيدًا لكن سُرعان ما شعر بالغيظ منها ولم يُبالي قولها وساعد ،  سميرةنهضت تُهندم ثيابها تبتسم على قول الطبيبه، التى ذهبت وجلست خلف مكتبها تدون وبعض الأدويه، عادت قولها:
زي ما قولت أهم حاجة التغذيه وممنوع، ممنوع العلاقه الفترة دى.

تبسمت سميرة بينما عماد لم يهتم وأخذ وىقة الأدوية من الطبيبه وسبق سميرة، بينما الطبيبه غمزت لها ببسمه فهمتها سميرة.

بعد قليل بـ ڤيلا عماد

❈-❈-❈
بمنزل والد عماد
❈-❈-❈
بمنزل هاني
كان ينظر الى تلك الصور الشُعاعيه
❈-❈-❈
بعد مرور عِدة شهور هادئه
بمركز التجميل
❈-❈-❈
شمشمت بأنفها مثل القطه وإقتربت من هاني قائله:
إيه الريحه دي إنت رجعت تاني تشرب سجاير، طبعًا إنت ضعيف قدام رغباتك.

نظر لها بحُنق قائلًا:
اللى يسمعك يقول إني مدــ,,ـمن.

وضعت يديها حول خصرها قائله:
ايوه إنت مدــ,,ـمن وكداب كمان.

شعر بغضب وجذبها من طوق منامتها قائلًا:
أوعي لكلامك شويه، إيه كداب دى، أنا عمري ما كدبت عليكِ، وقولتلك إنى بحاول أقلع عن السجاير، وفعلًا بطلت شُرب سجاير طول ما انا هنا فى الڤيلا.

تنفست بغضب وجزت على أسنانها قائله:
أهو إعتراف، إنت وعدتني تقلع نهائى، وعشان بقى خلفت وعدتك انا مخنوقه وريحة السجاير اللى معبقة هدومك دى خنقاني شوفلك أوضه تانيه نام فيها، أنا مش هضر نفسي انا واللى فى بطني عشان حضرتك ضعيف قدام رغباتك.

صقك اسنانه بغضب لكن سُرعان ما تخابث وجذبها لصدره وضمها وغمز  قائلًا:
أنا فعلًا ضعيف قدام رغباتي، هو الحمل مخليكي حلوه كده ليه، بيقولوا الستات بتحلو فى الحمل، بس إنتِ بقى…

وكزته بكتفه قائله:
بطل وقاحه وإنسي، لا حلوه ولا وحشه أنا مُرهقه.

-مُرهقه من إيه، طبعًا من الدوران طول اليوم زي النحله الطنانه فى الشوارع.

نظرت له بغضب قائله:
أنا مش نحله، أنا كنت مع سميرة بنساعد عِفت  عشان خلاص فرحها قرب ولو سمحت إبعد عني إنت خانقني بإيديك، كمان بريحة السجاير، لاء وكمان البرفان بتاعك ده ريحته مزنخه ياريت تبطله هو كمان.

نظر لها بسُحق قائلًا:
انا مش عارف إيه الحمل اللى مزود عندك حاسة الشم ده، وإنتِ بتلفي فى الشوارع مكنش فيه روايح.

لعقت لسانها بشفتيها بإشتهاء قائله:
لاء الشوارع اللى كنا فيها ريحتها تشهي، كنا قدام محل بسكويت مملح وإشتريت منه، وبصراحه طعمه يجنن ميكس Sweet and sour (حلو وحادق)، وجبت لك معايا، أفتكرتك رغم إنك خانقني.

ضحك قائلًا:.
لاء أنا ماليش فى العك بتاعك
“سويت آند ساور”  آخر مره أكلت من كومبوت الأناناس الماسخ كان هيجيلى تسمُم بسبب إنتهاء فترة صلاحيته بره التلاجه كان حامض”فاسد” وكلته غصب عشان مسدش نفسك،بس انا مش لاقي صحتي، إنتِ نفسك بتروح لحاجات غريبه طالما كان ليكِ نفس له كُلي اللى إشتريته صحه وهنا، انا رايح أخد شاور ومش هستحمي لا بصابون ولا شامبو، مايه بس، ولا المايه كمان بقى ليها ريحة تخنتقك، لآنى بصراحه قربت أتخنق منك إنتِ واللى فى بطنك اللى كاره كل الروايح الطبيعيه، وبقول ياااارب هون من عندك.

❈-❈-❈
بزفاف عفت وحازم

يحمل طفلته وجواره زوجته الحامل
إنتهت أمالها

❈-❈-❈
بعد مرور عِدة شهور أخري
بالمشفى
هاني وهو متعلق بإبنه وفرحة إنصاف

❈-❈-❈
إختل توازن تلك الصغيرة فسقطت بتلك الحُفرة التى شاركت بحفرها فى حديقة المنزل مع ذاك الصغير، تآلمت فقط فى البدايه لكن حين نظرت الى ثيابها التى تلوثت بالطين صاحت تبكي، تلوم رفيقها انه هو السبب بسقوطها بتلك الحفرة، بينما هو يضحك عليها ولم يُبالي بها وتركها وذهب نحو والده الذى ناداه، بذلك الوقت كان يترجل هانى من سيارته ورأي الموقف كاملًا بداخله ضحك على فتاته الصغيرة الشرــ,,ـسة ذات الثلاث أعوام التى تحاول الخروج من تلك الحفرة الصغيرة ، ذهب نحوها وأخرجها من الحفرة حاول تهدئتها دون أن يحملها، ألقت اللوم على غيرها تشاور على ذاك الطفل الذى وقف أمام عماد قائله:
محمود يا بابي هو اللى زقني فى الحُفرة، شوف فستاني، مامي هتزعق لى.

أخفي ضحكه يعلم ان طفلته كاذبه هو رأي أنها هى من إنزلقت من نفسها، جذب يدها بمرح قائلًا:
تعالي يا قلب بابي، ده يومه مش فايت لاهو ولا باباه، طالع جلف زيه، يزق بنوته رقيقه زيك كده فى الحفره، ده معندوش دم.

أومأت الصغيرة بتوافق له، وذهبت معه الى أن توقف أمام عماد الذى تبسم لتلك الصغيرة التى وقفت أمامه تشكو له قائله:
شايف يا أونكل عماد بلعب مع محمود زقني بالحفرة.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى