عام

حب معلق بقلم اسما السيد

مي ما ردتش…

كانت بتبص لي… النظرة دي… نظرة حد انكشف… وانفتح سره… ومع ذلك… مش قادر يحكي.

 

قلت:

 

– مي…

– الراجل اللي كنتي معاه… مين ده؟

 

سقطت على الكرسي…

إيديها على وشها…

ودموعها نازلة بدون صوت.

 

وسارة…

سارة كانت واقفة بتترعش.

 

قلت لها:

 

– انتي عارفة حاجة يا سارة؟

– مين الراجل ده؟

 

سارة صرخت:

– سيبنا في حالنا يا مازن! سيبنا… ماما مش غلطانة!

 

مي قامت بسرعة، مسكت إيد بنتها:

 

– دخّلي أوضتك يا سارة… دخّلي حالًا.

 

سارة بدأت تعيط:

 

– بس يا ماما… هتعرفي تعملي إيه لو…

 

صرخت مي:

– ادخلي!

 

سارة جريت، والباب اتقفل بعنــ,,ـــــف.

 

مي مسحت دموعها… وقعدت قدامي…

وقالت بصوت متقطع:

 

– مازن…

– أنا عمري ما خنتك.

– ولا عمري هخونك.

 

رديت:

 

– طب مين الراجل ده؟

 

هزّت راسها:

 

– ماقدرش أقولك… مش دلوقت.

 

صرخت أنا:

 

– لأ… دلوقتي!

– دلوقتي يا مي مش بكرة!

– الراجل ده مين؟

– وبيجي ليه كل جمعة؟

– وليه بنتك خايفة منه؟

– وليه كل أسبوعكوا بتتغير يوم الجمعة؟

– وليه جارتنا قالت عليكي إنك بتهربي من حاجة؟

– وليه كنتي بتتقابلي معاه برّه؟

– مين…

– الراجل…

– ده؟!

 

مي وقفت، ومن الواضح إنها كانت بتنهار:

 

– لو قولتلك… مش هتصدق.

– ولو صدقت… مش هتستحمل.

 

أنا اتجننت:

 

– قولي يا مي!

– قولي قبل ما الدم يغلي أكتر!

 

وقفت…

وبصتلي نظرة مرعبة… خليت رجلي تتشل:

 

– ده…

– مش حد غريب.

– ده…

– جوزي الأول.

 

الهوى في صدري توقف.

 

كأن حد ضر*بني بمطرقة.

 

قلت بصوت مبحوح:

 

– جوزك… الأول؟

– اللي ميت؟

 

دموعها نزلت…

وقالت:

 

 

 

 

 

 

سكت…

سكوت طويل…

كنت سامع صوت قلبي بس…

وأنفاسي…

وارتباك البيت كله.

 

قلت بصوت واطي جدًا:

 

– “لسه موجود”… يعني إيه؟

 

مي جلست…

وبصت للأرض.

 

– اسمع يا مازن…

– يمكن تفتكرني مجنونة…

– بس اللي هقوله ده… الحقيقة.

 

سكتت شوية…

وبعدين بدأت:

 

1. البداية

 

– كنت متجوزة من “إيهاب”.

– جواز أهالينا… بس كنا بنحب بعض بجد.

– كنا عايشين في شقة صغيرة في المطرية…

– كان راجل طيب… بس عليه ديون… كتير.

– وكان في ناس بتطالبه، وكان بيخاف…

– وفي يوم…

– اختفى.

 

– إزاي؟

– خرج من البيت… وما رجعش.

– بعد كام يوم…

– لقّوا ج*ثته في مخزن مهجور.

– الشرطة قالت إنها “جريمة سر*قة”.

– بس…

– ده ماكانش السبب الحقيقي.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى