عام

سيف وحياه 2

الفصل ١٣

في اليوم التاليملك رجعت تاني المخيم وجدت رنا مع علي ولكن علي سابها ومشيت ولم تعطي له أي اهتمامعلي  ذهب ليها المكتب :  ملك عامله ايه انتي بقيتي كويسهملك : ايوا  الحمد للهعلي : لو احتاجتي حاجه انا موجودملك : تمام وذهبت وسابته****،،*******طارق كان بيطمن علي سيف وهو خارج وجد الاءقاعده وقدامها اكل كتتير اوي وشبسيطارق : ماشاء الله ايه الاكل دا كله انت بتاكلي دا كله !!!؟ وبعدين جبتي الشبسي دا منينالاء : خمسه في عينك يا عم متقول بالهنا والشفا ،انا جايباه معاياطارق : طب ممكن ادوق حاجهالاء : وايه المقابل

طارق : طلعتي مصلحجيه !!! اطلبي اللي انتي عايزاه

الاء : مش عايزه اتدرب النهارده

طارق : دي حاجه مش في أيدي لازم كله يتدرب انتي مش شايفه الوضع كل شويه هجوم والله اعلم ايه اللي ممكن يحصل

الاء : خلاص يا عم مفيش اكل

طارق قام باحراج  : يا عم !!!  انا همشي بكرامتي احسن وكان هيمشي

الاء بهزار  : يا حضره الظابط تعالي كل يا جدع بهزر معاك ايه مبتهزرش يا فوزي

طارق بصدمه : فوزي !!!

الاء : اقعد كل بس متقلش

طارق قعد معاها وكل معاها : تصدقي اني مكلتش الاكل دا بقالي سنين

الاء بهزار : يلا اي خدمات بس متتعودتش علي دا كتتير لان مش جايبه كتتير

طارق : خلاص سبيني اكل وابقي اديكي تمنهم

الاء : لا انت هضحك عليا وبعدين مفيش اي سوبر ماركت هنا اجيب منه

طارق : لا فيه واحد في القريه اللي جنبنا

الاء : احلف!!!

طارق وهو بياكل شبسي : ايوا والله

الاء: طب المسافه كبيره

طارق : هي نص ساعه بالعربيه

الاء : طب ما توديني وتكسب فيا ثواب

طارق : اوديكي فين انتي هبله وبعدين انا ما ينفعش اخرج

الاء بخبث  ودموع مزيفه: خلاص براحتك كدا أنا همو.ت من الجوع لاني مش باكل الفول والحلاوة اللي بتنزلوه دا وخلاص انت كلت كل اللي فاضل

طارق زعل من جواه لما شاف دموعها ومش عارف ليه : ماشي هخدك بس بشرط

الاء بفرحه : بجد !!اي حاجه انا موافقه

طارق بفرح لفرحتها دي : اولا هاكل معاكي من الاكل دا

الاء لسه هتعترض ثانيا هنروح بالليل لاني دلوقتي ورايا تدريب مكان سيف

الاء : موافقه هستناك هنا في الساحه

طارق :  علي طول كدا !! مجنونه دي ولا ايه وقال ماشي  يلا سلام

في التدريب

طارق لفتت نظره الاء وقد ايه هي رشيقه ومع ذلك بتاكل كتتير اوي

علي بيفكر في ملك ومشغول بيها ودايما نظره عليها

رنا بتقرب منه : مالك

علي : مفيش

رنا لاحظت نظراته لملك : لسه بتحبها

علي : انتي مالك

رنا : كنت عايزه اساعدك بس

علي : تساعديني ازاي

رنا هقولك وقربت منه تقوله علي الخطه ………….

علي : من رايك هتنجح

رنا : جرب مش هتخسر حاجه

خلصوا التدريب ولكن حياه قررت تزور سيف قبل ما تروح السكن

حياه خبطت دخلت لسيف ملقتش حد ولكن سمعت صوت في الحمام فعرفت انه جوا انتظرت بره لحد ما خرج سيف وكان مش عارف يلبس التيشيرت بتاعه ومش عارف  علشان كتفه ،  اتفاجأ بحياه

سيف : خير يا دكتوره فيه حاجه

حياه وقفت مبلمه ومصدومه من منظر عضلاته سيف يا دكتوره حياه

حياه : هي دي حقيقية

سيف ضحك : تحبي تتأكدي

حياه رجعت لوعيها وقالت استغفر الله العظيم واتوترت واتحرجت من نفسها  وكانت هتخرج من كتر الاحراج

سيف : كنت عايزه حاجه

حياه : ك…كنت …كنت عايزه اغير علي الجرح قبل ما الشيفت بتاعي يخلص

سيف : بس لسه دكتوره مغير عليه دلوقت

حياه بتعجب وغيره لتكون سلمي : دكتوره مين

سيف مستمتع بغيرتها: دكتوره كدا شعرها اصفر وعينها زرقاء

حياه باندفاع : ما شاء الله وركزت كمان مع عنيها

سيف : مركزتش ولا حاجه ما هما باينين يعني

حياه بزعل : تمام انا ماشيه طالما مش محتاج حاجه

سيف : دكتوره حياه

حياه : نعم

سيف : ممكن تساعديني بس البس التيشيرت علشان الجرح

حياه كانت مكسوفه ومش عارفه تعمل ايه ولكن قررت انها تساعده لأنها دكتورته ودا واجبها

حياه قربت منه وساعدته يلبس التيشيرت وهو كان في عالم تاني سرحان في لمعه عيونها وازاي هما كدا

يسحروا اي حد يدقق فيهم

حياه لاحظت نظرته ليها وكانت خلصت  : احمم … كدا تمام في حاجه تانيه

سيف : ممكن اسألك سؤال

حياه بعدت عنه : اتفضل

سيف : هو انا ضايقتك بحاجه ولا عملت ليكي حاجه اصل فجأه بتهاجميني وانا مش فاهم ليه حتي بعد ما بقتش نتشاكل مع بعض ايه اللي رجع المشاكل تاني

حياه وافتكرت سلمي : وحضرتك مش عارف ليه

سيف : هو لو عارف هسألك

حياه كانت لسه هتقوله انه غلط وحرام  اللي بيعمله مع سلمي وممكن لو هو معجب بيها يتجوزها  : اصل …اصل ….

فجأه حد بيخبط علي الباب ويدخل طارق فحياه مش بتكمل كلامها وبتستأذن وبتخرج

سيف : خير يا طارق فيه حاجه

طارق : لا انت كويس

سيف : كويس الحمد لله يا صاحبي

طارق : انا هروح مشوار كدا ساعه وهاجي وقولت لمحمد يفضل جنبك لو احتاجت حاجه

سيف : رايح فين

طارق :رايح مع دكتوره الاء محتاجه تشتري شويه حاجات من السوبر ماركت اللي في القريه

سيف  بغمزه : شكلك نويت ولا ايه

طارق  بتوتر لا يعرف سببه : نويت علي ايه يا عم دي مجنونه بس اهو علشان احنا المسئولين عنهم بس وواجبنا ننفذ طلباتهم  وهما في حمايتنا

سيف بخبث  : طلباتهم برضو  عليا انا الكلام دا

طارق : انا ماشي يا عم شكلك فاضي … عايز حاجه

سيف ضحك : سلام يا طروقه

في الساحه كانت الاء واقفه مستنيه طارق

الاء : ايه يا حضره الظابط المواعيد دي ينفع كدا

طارق : فيه ايه يا بنتي هو انا بلعب معاكي انا ليا شغلي وبعدين انتي تحمدي ربك اني سايب كل دا وماشي معاكي فتسكتي خالص

الاء : ايه يا عم قفشت كدا ليه  ..فك كدا امال العربيه فين

طارق بصدمه : عم !! انتي ختي عليا خالص استني يا هبله انتي العربيه هنا

بعد فتره في العربيه

الاء : ما تشغلنا حاجه كدا انتي طلعت كيئب اوي يا حضره الظابط

طارق : وايه لازمه حضره الظابط بعد كئيب دي

الاء : شغلت اغنيه واندمجت معاها وبتبص لمنظر السماء وقت الغروب والشمس حمراء ومع رمال  الصحراء  كان شكلها يجنن طارق ضحك علي منظرها

وقال بضحك  : انت دخلتي طب ازاي الله يكون في عون اللي بتكشفي عليه زمانه بيقرأ الفاتحه قبل ما ياخد الدواء

الاء :  هههه رخم امال اختاروني اجي هنا ازاي بذكاءك دا

طارق : مجنونه

الاء : مستفز

بعد حوالي نص ساعه طارق وقف قدام محل صغير  في قريه صغيره وتقريبا مفيش ناس

الاء باستغراب : انت وقفت ليه فين السوبر ماركت

طارق بضحك علي استغرابها : هو دا السوبر ماركت!!!!

الاء : ودا انا هلاقي فيه ايه ان شاء الله بس معاه حق مهو محدش عايش هنا هيبيع لمين

ودخلوا وتقريبا الاء اشترت المحل كله

طارق : نهار اسوود انتي هتشتري دا كله !!!!!

الاء : ايوا علشان يقضينا كلنا لفتره كبيره وبعدين انت مش قولت هتاكل وطلعت الكريدت تدفع بيها

طارق : انتي هبله يا ماما كريدت ايه اللي هتدفعي بيه هنا مش معاكي كاش

الاء  بتمثيل : الله علي الرجوله دا بدل ما تقول ادفع انا

طارق : ليه ان شاء الله حد قالك اني قاعد علي بنك علشان ادفع لكل دا انتي خلصتي المحل

الاء : محدش طلب منك تدفع  انا هدفع بس فعلا مش معايا فلوس

طارق : اهو انا اللي هدفه يا فقر أمري الي الله حسابك كلم يا حج

: كله ١٩٠٠ يا بيه

طارق : نهار اسود  ١٩٠٠

في شويه شبسي  ليه ان شاءالله  يا ريتني ما كنت جيت

: مهو يا بيه الاستاذه اخدت المحل كله

طارق: بص علي الحاجات وقال :  معاك حق والله يا حج

الاء : متخفش هردهملك بس حاسب انت بس

طارق : كله بيقول كدا يا ختي ودفع واخد معاها

الحاجات ونقلها العربيه ومكنش فيه مكان في شنطه العربيه وحط في الكرسي اللي ورا : ليه الحاجات دي كلها هتكلي فيها سنه

الاء : ملكش دعوه و هحولك الفلوس ما تقلقش

طارق : مش عايزهم يا اختي اعتبريهم صدقه

الاء :  لا طبعا والله ما ينفع ، لسه هتركب سمعت حد بيصوت بصوت عالي الحقونا

الاء : فيه ايه ؟ ايه الصوت دا !!!

طارق : مش عارف ادخلي في العربيه وانا هشوف متخرجيش من العربيه

الاء : لا استني خدني معاك علشان لو محتاجين دكتوره ولا حاجه

طارق: طب تعالي بس امشي قريب مني

ولكن وجدوا ……

يتبع ………

ايه تري شافوا ايه ؟؟؟وايه اللي هيحصل ؟؟ وايه اللي هيحصل بين علي وملك ؟؟؟

الفصل ١٤

الاء : لسه هتركب سمعت حد بيصوت بصوت عالي الحقوناالاء : فيه ايهطارق : مش عارف ادخلي في العربيه وانا هشوف متخرجيش من العربيهالاء : لا استني خدني معاك علشان لو محتاجين دكتوره ولا حاجهطارق: طب تعالي بس امشي قريب منيطارق وجد حد ماشي : هو فيه ايه لو سمحتالرجل : دة زوجه الاستاذ راضي بتولد والدايه بتاعه القريه مش هنا ومش عارفين هيولدوها ازايطارق بيوجه كلامه لالاء : هتعرفي تساعديهاالاء بتوتر ظاهر : هو طبعا مش تخصصي بس هحاول ان شاء اللهطارق : متقلقيش ان شاء الله هتعرفيوالراجل وصلهم للمكانطارق لراضي : اذيك يا استاذ راضي دي دكتوره الاء هتساعد زوجه حضرتك

الاء : لو سمحت ممكن تخرجوا  وبقيت هي و٢ ستات وطلبت منهم الأدوات اللي هتستعملهم

بعد مرور بعض الوقت ولدت وجابت بنوته وخرجت

بفرحه وعدم تصديق : الف مبروك المدام جابت بنوته قمر

راضي : يا ما انت كريم يا رب الف حمد وشكر ليك يا رب الف شكر ليكي يا دكتوره

طارق بفرحه وفخر : مبروك

الاء مازحه بغرور : دي أقل حاجه عندي

ضحك طارق وقال : اصل كان فيه واحده هنا مش قادره تتحرك من التوتر

الاء  قالت بمرح : هو انت متعرفش ؟؟

طارق باستغراب : اعرف ايه ؟؟

الاء : دي كانت صاحبتي ومشيت من نص ساعه كدا

طارق : انا بردو كنت بشبه  عليها مش معقول الشبه سبحان الله

انفجر ضاحكين و دخلوا شافو البنوته وقررت والدتها تسميها الاء فرحت الاء جدا وقالت لطارق يجيب

كارتونه شبسي وشيكولاته ليهم وبالفعل  جاب ووزع عليهم ومشيوا

حل الليل  وطارق والاء راجعين لقوا ناس واقفه في الطريق  وحاطين خشب سادد الطريق

الاء : فيه ايه مين دول

طارق : شكلهم قطاع طرق

شخص  واقف بسلاح :  انزل هات كل اللي معاك بالذوق

طارق: مهما يحصل اوعي تنزلي فاهمه واول ما انزل اقفلي الباب عليكي

الاء  بخوف : حاضر

نزل طارق : مش معايا غير المحفظه ورماها لهم

الشخص بخبث وهو ينظر للعربيه  :  مش معاك غيرها اومأ له طارق واردف مكملا  بس الحلوه اللي معاك دي تلزمنا وهنعديك سليم

طارق اتعصب والغضب بان عليه ومسكه لف ايده وك.سرها الشخص بيتأوه في الارض من الوجع ومسك التاني وض.ربه بوكس وفضل يضر.ب فيه لحد ما وقع   الأشخاص اللي جنبه طلعوا سلاحهم ووجهوه نحو طارق ولكن طارق  مسك السلاح بتاعه  ومسك حد

منهم وحط امسدس علي دماغه : قسما بالله لامو.ته دلوقتي لو منزلتش سلاحكم

نزلوا سلاحهم

طارق : هاتو المحفظه  واحد ادهاله وقال خلاص يا باشا احنا اسفين سيبه واحنا نمشي سابه طارق وهو مشيوا وهو راجع للعربيه في واحد منهم رجع وكان هيض.ب طارق

الاء نزلت مسرعه حااااسب وراك بسرعه لف طارق وض.رب الشخص بالمسدس في دراعه  قبل ما يضر.به ولفت انتباه الأشخاص الآخرين وركب بسرعه العربيه واثناء ما بيسوق ضر.بوا عليه نا.ر في العربيه ولكن الرصاصه جات في كوتش العربيه  ولكن فضل  طارق بيسوق لحد العربيه وقفت وكان بعد عنهم

طارق بيخبط علي العربيه : وشك فقر انا بروح واجي في أقل من نص ساعه

الاء : وانا مالي كنت انا قولتلهم يطلعوا علينا ولا قولت للست دي تولد

طارق : بس اسكتي ياريتني ما سمعت كلامك  واخد الموبايل ونزل من العربيه رن علي محمد

محمد : ايوا يا بوب.

طارق : محمد ابعتلي عربيه بسرعه علي طريق القريه

محمد : خير ايه اللي حصل

طارق : اما اجي هحيلك بس بسرعه وانا هبعتلك اللوكيشن احتياطي

محمد : ماشي مسافه السكه وقفل

طارق رجع لالاء لقاها فتحت شبسي وبتاكل منه

الاء : تاكل ؟

طارق  بنرفزه : انتي ما بتحسيش ولا مجنونه لا اكيد انتي مجنونه محدش هيعمل كدا في الموقف دا الا اذا كان مجنون

الاء : اهدي بس متترفزش كدا غلط علي الأعصاب

طارق: انتي مستفزه

الاء : طب والله لانت واكل

******؟؟***************

عند سيف قاعد بيتدرب وبتفكر الماضي

فلاش باك

سيف كان عنده ١٠ سنين راجع من المدرسه ويوصل الفله

سيف : ماما ! بابا ! انتو فين ويدخل يجد انه مامته سايحه في د.مها وجنبها عمو فؤاد (صديق ابوه وكان مساعده لان باباه وزير الداخليه وكلن بيعتبره عمه )  واخد رصاصه في كتفه وباباه واقف مصدوم وماسك مسدس فجأه الشرطه بتيجي وبياخدوة باباه وفؤاد بيهرب  وبتيجي الداده تغطي وشه وتاخده وتمشي …..

باك

دكتور  حسام : سيف باشا  !سيف باشا

سيف بيرجع للواقع : نعم فيه حاجه

دكتور حسام : كدا غلط مينفعش التدريب الكتير  دا الجرح محتاج الراحه علشان يخف

سيف  بيومأ له وبيقوم وبيرجع الاوضه وبينام

********،****************

عند طارق

محمد بيجي بالعربيه بيلاقي طارق والاء قاعدين علي العربيه وبياكلوا

محمد : وانا اللي متسربع علي اجيلك وفي الاخر حضرتك قاعد مع مزه وبيتاكلوا تحت النجوم ولا هاممكم

الاء : ما تحترم نفسك يا استاذ شايفنا بنعمل ايه لولا انك قليل الادب كنت قولتلك تعالي كل بس خساره فيك

محمد. تصدقي انا غلطان اني جيت

طارق : شوف انا بعد اللي حصل النهارده دا مش طايقها بس تستاهل ……يلا يا دكتوره اتفضلي الاء نزلت وركبت

طارق : تعالي هات معايا الحاجات اللي في الشنطه

محمد  بصدمه :  هو لسه في حاجات تاني انتو اشتريتوا المحل ولا ايه

طارق : والله وانت الصادق اشتريت المحل كله

محمد بغمزه : وانت يا بطه اشترتلها  المحل كله

طارق : يا اخي اتنيل !! هي اللي شرياه وانا اللي دافع

الاء : يلا انتو غبتوا كدا ليه

محمد : يلا لا تاكلنا

وركبوا ووصلوا السكن ووصلوا الاء بالحاجات  و شكرتهم

طارق : فرصه سعيده يارب ما تتكرر

الاء : بارد

طارق : مستفزه

دخلت والاء وهي شايله حاجات

حياه : ايه كل الحاجات دي

الاء : تعالوا شيلوا معايا لسه في حاجات بره

ملك : نهارك اسود لسه فيه كمان انتي ناويه تقيمي هنا لبقيه حياتك ولا ايه

الاء : علشان ناكل براحتنا يلا يلا وسعوا

حياه : هبله وربنا

الاء : صحيح حياه معاكي ١٩٠٠ جنيه

حياه :  ايوة معايا  خير ليه

الاء : اصل طارق هو اللي دفع تمن الحاجات دي ولازم اديهمله وانا مكنش معايا كاش

ملك : انتي هبله يا بت شاريه شويه تسالي ب١٩٠٠ ليه

الاء : ها معاكي ولا لا

حياه ادت ليها الفلوس ونامو   وانتهي اليوم

*****؟*؟؟؟؟؟؟؟؟*****؟؟*؟؟؟؟؟****

في الصباح

حياه في المخيم شافت سيف

حياه : تقدر دلوقتي تخرج بس بلاش التمارين المجهده وبلاش تضغط كتتير علي دراعك وكتفك وامشي علي الادويه دي لمده ٣ ايام بس

سيف : تمام وبتخرج حياه وبتمر علي باقي المرضي

وقت البريك

الاء : طارق باشا

طارق : افندم محتاجه حاجه تاني

الاء: الفلوس بتاعه امبارح وانا اسفه ان كنت سببت ليك مشاكل

طارق حس انها زعلت  : لا ولايهمك واعتبري اني دفعت الفلوس دي لصاحب المحل مش ليكي

الاء : لا والله ما ينفع .. وسابت ليه الفلوس ومشيت

طارق : استني !! طب هتيلي حاجه طيب  يعني بعد دا كله ومكلش حاجه

***،،،،،****************

وقت التدريب سيف بيدخل والدكاترة بيسلموا عليه

سلمي بدلع  : سيف !الف سلامه بقيت كويس

سيف بحده: اسمي سيف باشا ياريت منشلش الالقاب بعد كدا

حياه انبسطت من رده عليها وهو لاحظ دا ولكن تجاهل

ملك بتحس ان رنا بتبص ليها نظرات غريبه ولكن بتجاهلها  وبعد انتهاء التدريب سيف بيمشي

علي في وسط الكل : رنا تقبلي تتجوزيني

رنا : طبعا موافقه

حياه بصدمه  : ايه !!! وبتبص لملك لقتها واقفه مصدومه

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى