الفصل ٩
الاء : شكلها ايام عنب
حياه بعصبيه : يا ربي انا جايه هنا ٤ شهور هستحمل ازاي اشوف الإنسان لا انا بطيقه ولا هو بيطقني
ملك بهدوء : اهدي بس مالك متعصبه ليه هما ولا يقدوة يعملوا حاجه
حياه : انا هخاف منهم ولا ايه ..انا بس بكره اسلوبه المستفز وانا مش عايزه اعمل مشاكل مع حد ولا اتعصب
ملك.: معاكي حق ولو كلمونا مش هنسكت بس نحاول نمسك نفسنا شويه علشان منأذيش نفسنا وبلاش نعمل مشاكل عاوزين الفتره دي تعدي بهدوء
الاء : كدا كدا احنا مش هنشوفهم احنا هنكون من ٥ الي ٥ في المخيم وهما في تدريباتهم بقولكم اهدوا كدا غلط علي اعصابكم وخدي شيكولاته يا حياه
حياه : اخدت الشيكولاته واكلتها لا تصبحوا علي خير الواحد متك.سر من الطريق
،،،،،،،،،،،,,,,,,,،،،،،،،،،،،،،،،،،،
علي جانب اخر
سلمي : الو
روان : ايوا بقولك عرفتك موضوع بمليون جنيه
سلمي بخبث : موضوع ايه
روان بخبث : بخصوص اللي انا قاعده معهم
سلمي : قولي وهديكي اللي انتي عايزاه
روان : شوفت حياه النهارده اول ما شافت الظباط دارت وشها وحستها اتضايقت ففضلت وراها واشوف مالها وانا داخله الاوضه سمعتهم بيتكلموا عن الظباط وشكلهم يعرفوهم وتقريبا مش عايزين الظباط.دول يشوفوهم شكلهم عاملين مصيبه كبيره اوي
سلمي بخبث : الله عليكي يا ريري افضلي وراهم واعرفيلي اكتر وما يبقاش اسمي سلمي ان ما فضحتهم وبقولك ايه اتقربي منهم واعملي نفسك بتكرهيني وحاولي تصاحبيهم
روان : ماشي سلام يلا دلوقت علشان محدش يلاحظ غيابي
سلمي قفلت الموبايل وقالت في نفسها بخبث عملالي فيها محترمه وانتي وراكي مصايب والله لافضحك
،،،،،،،،،،،،،،،،،،،،،،،،،,,,,,،،،،،،،،،،
تاني يوم
حياه وملك قاموا وصلوا حياه لبست بنطلون اسود علي شيميز ابيض اوفر سايز وطرحه مشجره اما ملك لبست بنطلون ابيض علي شميز بينك وطرحه مشجره
ملك بصوت يكاد يكون عالي جنب ودن الاء: الااااااااااااااء
الاء بفزع وزعر: ايه !!! مين اللي ما.ت ؟ فيه ايه !!!!
حياه بضحك : قولتلك هي هتصحي كدا مش يا لولو ومعرفش ايه
الاء بتحاول تستوعب هي فين والمكان دا : منكم لله حد يصحي حد كدا اليوم باظ خلاص
ملك : ما انا بقالي ساعه بنادي ودادي فيكي مش راضيه تصحي اللي يشوفك يقول ما نمتش وانتي نايمه ١١ ساعه يا مفتريه
الاء : انتي بتعدي عليا ولا ايه ……هي الساعه كام
حياه : الساعه ٥ الا ربع يا دوب تلبسي ويلا علشان متأخرناش
الاء : بذمتك انا باخركم دا هي نص ساعه ساعه بالكتير
حياه باستنكار : لا طبعا دا تأخير دا
الاء قامت واتوضت وصلت ولبست بنطلون جينز علي شميز ابيض وربطت شعرها
حياه صحت روان لأنها كانت نايمه
حياه : روان روان اصحي ! يلا هتتاخري
روان : وانتي مالك اتأخر ولا متاخرش
الاء : تصدقي انك واحده رخمه وعايزه تتربي
روان : وانتي واحده قليله الأدب
الاء بنرفزه : طب والله لامو.تك ومسكتها ضر.بتها بوكس في بطنها
روان : اااه
ملك : خلاص يا الاء بلاش مشاكل علي الصبح
حياه بصوت واطي : تستاهل
ونزلوا
روان صحت ولبست ونزلت
نزلوا تحت وهما ماشين حياه لمحت سيف وطارق وبعدت وشها بسرعه علشان ميشوفهاش ولكن سلمي شافتها …
تحت الدكاتره كلها واقفين في المخيم طارق دخل
حياه في نفسها اتنهدت الحمد لله انه مجاش
طارق : صباح الخير تقدروا دلوقتي تشوفوا شغلكم وتلفوا علي المرضي الظباط والجنود وانا هكون في المعسكر لو اي حد محتاج اي خدمه ومحدش ينسي الجهاز بتاعه في مكان
مشي طارق والدكاترة في المخيم بتشوف الجنود المصابين
توضيح (المخيم كان فيه جنود مصابين والدكاترة دول جم علشان كان فيه عجز في الدكاتره )
حياه استلمت الحالات وكشفت عليهم الساعه جات ٥ وقررت تروح السكن علشان الشفت بتاعها خلص
الاء: انا بقيلي حاله هبص عليها وامشي
حياه : طب انا هسبقك علشان ماخدتش الجرعه بتاعي وحاسس اني دايخه
ملك بغمزه : اكيد شيكولاته ماشي يا اختي روحي كلي الشيكولاته بتاعتك وانا هستني الاء
بعد فتره في السكن
روان شافت حياه وملك و الاء قاعدين وبيسمعوا فيلم كوميدي ويضحكوا
روان كانت قاعده وبتفكر ازاي تقرب منهم بعد اللي حصل الصبح وقررت تتنازل من كرامتها شويه وتعتزر
علشان الفلوس وسلمي : انا اسفه علي اللي حصل الصبح ممكن اسمع معاكم
الاء : للاسف الفيلم خلص واحنا هنام
روان بتحاول يتعاطفوا معاها وتنزل دموع مزيفه : طب سامحتوني انا الصبح ببقي مش في واعي وبقول كلام كتتير مكنش يصح يتقال دي عاده فيا من زمان
حياه بتعاطف ومرح : خلاص بطلي عياط ولا ناويه علي نكد نهار وليل
روان ضحكت وقالت باستغراب علي مسامحتها ليها : يعني خلاص بقيت صحبتكم
الاء : لا مليش صحاب غير ملك وحياه
روان زعلت : خلاص والله انا اسفه
ملك : خلاص بقي يا لولو ونفك الرابطه الثلاثيه ونخليها رباعيه بقي
الاء : موافقه بس بشرط
روان : وانا مواقفه علي اي حاجه
الاء : متساعديش سلمي لو حاولت تعمل حاجه وحشه لحد لينا
روان وهي بتبلع ريقها : م..مواقفه
قعدوا اتكلموا شويه ونزلوا وكملوا الفيلم سوا روان اول مره تحس ان عندها صحاب بجد بس قالت إنها مش هتكون سلمي وهي مصحباهم علشانها
حض.نوا بعضو ناموا
في اليوم التاني
كل واحد ذهب للمرضي
بعد فتره وكان فيه احد سكان القريه بيتخانق عند باب المخيم علشان ابوه تعبان
حياه سمعت دوشه طلعت تشوف فيه ايه : ايه الدوشه دي
احد الظباط : واحد من القريه تعبان وعايز يكشف بس الدكتور اللي بيتابع معاه مسافر الأسبوع دا
حياه : طب هاته وانا هكشف عليه
حياه : محتاج عمليه بسرعه وحالته بتسوء نادوا دكتور علي بسرعه يعمل العمليه
علي بيدخل بعد ما بيعرف اللي حصل ويعرف حالته : حياه اعملي انتي العمليه انا هعمل عمليه لمريض تاني حالته اتدهورت اكتر و مش هينفع استني
حياه بتوتر : بس دي .. عمليه صعبه
علي وهو يحاول يكسبها الثقه : انتي قدها وعملتي عمليات كتتير أصعب منها
في اوضه العمليات حياه عملت العميله التي دامت ٧ ساعات وتمت بالنجاح
حياه طالعه مرهقه شافت طارق
طارق : الف شكر يا دكتوره سمعت انك انقذتي حاله دكتور ربيع اللي هو اصلا كان بيقول حاله ميئوس منها وكنت جاي علشان لو حصل حاجه مش عارف كنا هنعمل ايه
حياه : حضرتك دا واجبي
طارق بيشبه: احنا اتقابلنا قبل كدا
حياه وهي عيونها بتلمع: لا معتقدش
طارق في نفسه ازاي انسي العيون دي واللمعه دي: اه افتكرت حضرتك كنتي عندي في المطعم يوم الافتتاح
حياه : اه افتكرت وياريت حضرتك تنسي اي حاجه حصلت قبل كدا بعتذر لحضرتك مضطره امشي
طارق : تمام يا دكتوره مع السلامه
اخدت شنطتها وروحت السكن لان الاء وملك روحوا من زمان
حياه وهي في الطريق للسكن وكانت عند البوابه لقت الجهاز بتاعها بيتهز و لونه أخضر افتكرت انه في حد مصاب وهي راجعه بسرعه للمخيم وقبل ما تدخل في حد شدها وضغط علي عرق في رقبتها واغمي عليها
يتبع ………….
يا تري مين اللي خطف حياه؟؟؟؟
ايه المستخبي لهم ؟؟؟؟؟؟؟
الفصل ١٠
،،،،،،،،،،،،،،،,,,،,,,,,,,،،،،،
في اليوم التاني
حياه كانت لابسه دريس ابيض وفيه ورد اخضر وطرحه نفس اللون اما ملك دريس بيبي بلو وطرحه بيضاء والاء كانت لابسه دريس بكم تلات اربع واصل لبعد الركبه بشويه و سايبه شعرها اما سلمي كانت لابسه بلوزه وبنطلون وسايبه شعرها وهكذا باقي الدكاتره
في المخيم حياه بتكشف علي جندي و اتي ميعاد استراحه الغداء ودي نفس فتره راحه الجنود اللي ساحه التدريب وموعد الغداء
حياه قاعده برا مع ملك والاء بياكلوا قاعد قصادهم سيف وطارق ومحمد وعصام
محمد : بس الدكاتره دول حكايه يا عم مكنتش اعرف انهم فيهم بنات
عصام وهو بيبص لحياه : انا اللي مفكر انها هتكون اسوء ايامي.. وكنت ندمان اني اخدت القرار دا بس بعد جيت حسيت ان القدر جبني علشان اكون في الجنه
طارق وهو يري نظرة عصام لحياه : هما بصراحه جامدين
هيثم وهو يواصل النظر لحياه : جامدين بس !!!!
سيف اتضايق منهم ولاحظ انه هيثم بينظر لحياه وقال بصوت عالي : مكفايه كلام فاضي بقي واحترموا نفسكم شويه
حياه وملك التفتوا للصوت : هو فيه ايه!!!
الاء : مشغوله بالأكل، سبكم .. كلوا كلوا وخلاص
بعد فتره وهما قاعدين محمد قام. ذهب ناحيه الدكاتره
محمد : السلام عليكم ازيكم يا دكاتره النهارده ان شاء الله هنبدأ في التمارين بعد شيفت كل جروب يجي الساحه بتاعه المعسكر علشان التدريب حد عنده اي اسئله
دكتوره : اللي مش حابب يتدرب يعمل ايه
محمد : اولا دا مش شئ اختياري دا علشان سلامتكم وانتو عارفين انكم في منطقه خطر
دكتور : طب ايه هي التمارين
محمد : هتشوف كمان شويه يا دكتور
,,,,,,,,,,,،،،،،،،،،،،،،
بعد فتره خلصوا الشيفت وغيروا ملابسهم علشان التمارين فجأه بيدخل سيف باطلالته التي تسحر القلوب
واحده من الدكاتره: يخربيت دا ظابط انا مش همشي من هنا الا وهو خاطبني
واحده اخري : عليه شويه عضلات
واحده اخري : يخربيت حلاوته يا جدعان وربنا لولا انه بيتكلم مصري كنت قولت دا تركي ولا اجنبي
سيف بلامبالاه وتكبر وهو يسمع همسهم : انا الرائد سيف المسئول عن تدريباتكم اللي هتكون لمده شهر او اكتر علي حسب المستوي اللي المفروض توصلوله وتعرفوا تتعملوا كويس في المواقف الصعبه اول تمرين معايا لازم تجروا ٥٠٠ متر استعدوا
جروا كانت الاء اول واحده توصل وبعدها حياه وبعدها ملك ثم باقي الدكاتره
الاء بتكلم حياه وبتقول بصوت واطي : منه لله احنا ناقصين مرمطه
حياه بقرف : واحد متخلف يا بنتي
سيف : انتو الاتنين ليكم لفتين زايده جري بعد التدريب
حياه : ليه ان شاء الله
سيف : طب انا كنت بكلم بقول ايه
الاء وحياه سكتوا لانهم مسمعوش
الاء : احنا في مدرسه ولا ايه ايه التهريج دا
سيف : دا اللي عندي
حياه : وان ما نفذناش اللي انت بتقول عليه هيحصل ايه يعني
سيف بنرفزه : اول حاجه تتكلموا بأدب ثانيا دي قواعد ولا تمشوا عليها ثالثا واخر شي كلمه كمان واخليهم ١٠ لفات او اكتب في السجل بتاعكم سلوك مشاغب وهتبقي علامه في السي في في اي مستشفي هتكونوا فيها ساعتها هتشوفوا ايه اللي هيحصل
حياه سكتت
سيف بصوت عالي تاني تمرين هو الملاكمه هتتعلموا الأول بعد كدا هتلاعبوة بعض حياه بتلعب ملاكمه وتتخيل سيف علي كيس الملاكمه وفي نفسها واحد متخلف دايما بيخرجني عن شعوري
بعد التمرين ما خلص سيف كان بيعمل الحركات والتمرين الأول وبعدين الدكاتره بيقلدوه
سيف : اخر تمرين هو بعض تمارين للدفاع عن النفس وعلمهم شويه تمارين
( سيف كان بيعمل الحركات علي عسكري )
عند ملك في حركه مش عارفه تعملها وعلي لاحظ
علي راحلها غلط اللي بتعمليه دا المفروض كدا
ملك : تمام شكرا مكنش فيه داعي
علي : انتي اختي يعني عادي
ملك حست بحزن شديد
سيف : فيه حاجه مهمه بالنسبه للبنات لو التمارين صعبه عليكم وحصل اي موقف ليكي ايد ربنا خلقهالك تحطها في عين اللي يزعلك ، ليكي ظوافر خربشي بيها لو مش عارفه تتصرفي بركبتك وتحت الحزام المهم تدافعي عن نفسك وبكدا نكون خلصنا تمارين النهارده نتقابل بكره ان شاءالله ويكون فيه تحسن اكتر وكان لسه همشي وبعض الدكاتره مشت
حياه بتاخد الشنطه علشان تمشي هي والاء
سلمي قربت من حياه وقالت : عملالي نفسك محترمه وانتي مدورها
حياه بعدم اكتراث: انتي بتكلميني انا
سلمي بخبث : متعمليش نفسك هبله انا شفتك امبارح وإنتي طالعه من اوضته بالليل يا تري كنتو بتعملوا ايه كنتي بتتكلمي تمارين برضو ولا ايه
حياه ضر.بتها بالقلم : انتي واحده قليله الأدب ومش محترمه واللي ذيك عار علي الدكاتره
سيف سمع صوت حياه بيبص وراها سلمي شافته عملت نفسها وقعت
سلمي: ااه اااه ااه الحقوني
سيف جري عليها : فيه ايه اللي حصل عملتيها ايه انطقي
سلمي بتسرع ودموع مزيفه : زقتني وضر.بتني علشان بقولها اني بعرف اتمرن احسن منها
حياه بحده : واحده مش محترمه وكدابه زيك هيكون ايه يعني
سيف بعصبيه : انتي اللي بني ادمه مش محترمه ومتربتيش ماشيه تشتمي وتضر.بي في الناس
حياه : اخرس انا متربيه احسن تربيه يمكن احسن منك مليون مره اذا كنت تعرف يعني ايه تربيه من أصله
سيف وهي يتوجع من كلمات حياه لأن مامته سابته واتوفت من وهو صغير وباباه دخله مدرسه داخليه : ضر.ب برجله علي كرسي جنب حياه كان جنبه حجر وقع علي رجل حياه
حياه : ااه وشدت رجلها
الاء جرت عليها ولسه هتتكلم حياه سكتتها
سيف بعصبيه شديده : عقابا ليكي هتجري ٢٠ لفه ولو وقفتي هتبدأي من اول وجديد
حياه بعناد : وان ما معملتش
سيف : يعني اعتبري انتي وعلي والاء وملك مش هتشتغلوا في اي مكان تاني وانا قادر واعملها
سلمي انبسطت انها هتتعاقب
حياه بقله حيله قررت تتحمل وتجري علشان متأذيش حد
سيف بيكلم الاء انتي ليكي لفتين هتجري معاها واما تخلصي امشي
الاء جرت لفتين وكانت عايزه تكمل مع حياه او تقف تستناها بس منع ان اي حد يكون موجود وهو اللي هيراقبها بنفسه
حياه بتجري مش قادره علشان رجلها ورمت من الحجر وخايفه توقف تبدأ من اول وجديد وسيف واقف بيراقبها


