الاب .. .. اخوك حسام عمل حادثه والعربيه انقلبت بيه وراح على المستشفى وحالته خطيرة.
شريف… بزهول من الخبر اللى سمعه ومكنش مصدق قاله اهدى يا بابا خير انشاء الله .
وكل ده وكان باب الاوضه مفتوح وسمعت رهف كل اللى حصل أن حسام عمل حادثه كبيرة وجريت على حماها وهى بتعيط على الخبر اللى هى سمعته ده وحضنها الاب وقالها اهدى يا بنتى خير انشاء الله.
وراح الاب وبلغ الام اللى اتصدمت من الخبر الوحش ده وأنها ممكن تفقد ابنها حبيبها وغيروا هدومهم وفى ثوانى كانوا خدوا بعضهم ونزلوا وركبوا عربياتهم وراحوا على المستشفى اللى بلغوهم بيها.
يا ترى حسام هايحصله ايه ؟؟؟؟؟
ايه تواقعتكم؟؟؟
الحلقه 19
وجرى شريف على الاستقبال وسأل على حسام صفوان وبلغوه أنه فى اوضه العمليات وراح الجميع على اوضه العمليات وفضلت الام تدعى لابنها أنه يقوم بالسلامه ورهف كانت حالتها منهارة وعماله تدعيله ودموعها نازله على طول وشريف كان عمال يخبط أيده فى الحيطه من أعصابه وخوفه على اخوه الوحيد.
والاب …بيدعى ربنا أنه يقوم بالسلامه .
وبعد اكتر من تلت ساعات فى اوضه العمليات خرج الدكتور منها وبسرعه جريوا عليه كلهم.
شريف …. خير يا دكتور هو عامل ايه دلوقتي؟؟؟؟؟
الدكتور…. حضرتك مين.؟
شريف …. انا اخوه.
الدكتور … للاسف احنا عملنا اللى نقدر عليه لكن البقاء لله ربنا يصبركم.
وفى لحظات كان الكل فى زهول من كلام الدكتور وانهارت الام ورهف من خبر وفاه حسام ووقعت رهف على الأرض وجرى شريف وشالها وقعدها على الكراسى اللى اودام اوضه العمليات وخدتها الام فى حضنها وفضلت تعيط والاب منهار على فقدان ابنه الكبير ودراعه اليمين وشريف اللى مكنش مصدق كل اللى حصل ده وأنه ممكن يكون فقد اخوه الوحيد فى ثوانى كده.
وبعد اسبوع من وفاة حسام كان الحزن يعيش فى فيلا صفوان والكل حزين ولا يشعر بطعم الحياه
.
وفى الصباح كانت الشغاله جهزت الفطار زى كل يوم بس للاسف كان الكل بيتجمع لكن محدش كان بيعرف ياكل اى حاجه من كتر الحزن اللى بقى عايش جواهم ومعاهم من فقدان اغلى شىء عندهم .
ورهف كان بدأ وشها يدبل من كتر الحزن وما كانتش قادرة تصدق للحظه دى ان حسام مات وسابها لوحدها بعد أقل من شهرين من جوازهم.
ولسه يا دوبك هاتقوم من على السفرة والا حست أن الدنيا بتلف بيها ووقعت على الأرض.
الام… رهف الحقنى يا شريف .
الاب… الحق يا ابنى مرات اخوك
شريف جرى بسرعه وشال رهف وطلع بيها على اوضتها وجريت الام معاهم وجرى الاب واتصل بالدكتور فارس صديق حسام الله يرحمه.
بعد عشر دقائق كان وصل فارس اللى نزل استقبله شريف وطلعه على اوضه رهف اللى الام كانت معاها من ساعه ما داخت ووقعت .
ودخل فارس وقفل شريف الاوضه وفضل واقف برة هو وباباه وقام شريف بالكشف على رهف وشاف انها دبلانه وهزيله جدا وطبعا هو عارف السبب من ورا كده .
وطلب شويه تحاليل علشان تعملها واداها حقنه وكتب لها على شويه فيتامينات لحد ما التحاليل تظهر.
وخرج لشريف والاب وطمنهم انها هاتكون بخير بس لازم تعمل التحاليل المطلوبه.
وبدأت تفوق رهف وبلغوا مامتها اللى جت هى ورغد وعمر واطمنوا عليها وعلى صحتها.
وتانى يوم راحت مع شريف ومع ام حسام عند معمل التحاليل علشان تعمل التحاليل المطلوبه .
وبلغوهم أن التحاليل هاتطلع على بعد شويه .

