Uncategorized

صعيدي علمني الادب جبل 4

روح: ايه ؟!
يونس: زي ماقولت انتي كابنت اقولك ازاي اني بحبك
روح ركنت علي الكنبه وبصت للسما …
يونس: سرحتي في ايه ؟!
روح: مش لازم تقولها هيا اكيد حاسه بيك اصل الحب مابيتخباش
يونس: يعني تفتكري انها عارفه
روح: اكيد عارفه …
يونس: وتفتكري ردها هايبقي ايه
روح: لأ دي بتختلف بقا من حد للتاني ..
يونس: تفتكري ان انا اتحب
روح: وماتتحبش ليه موجود قدامك اللي بيحبك
يونس: مين؟!
روح: كريمه مثلا بتحبك وشارياك
يونس: اه كريمه بس ؟!
روح : قوم ارتاح يا نمر وماتفكرش في حاجه ..
طلعت روح وسابته قاعد..
يونس: معقول مش حاسه ؟!
…………………
في بيت كرم…
كرم: اتدبست فيها وانت كملت يا بوي وانت عارف اني بحب روح
ابو كرم: ياواد روح دي مش من توبك والعمده رحب انك تتجوز كريمه وماله بت مال وجمال ونسب ..
كرم: انا سكت هناك عشانك لكن انت تصلح كل اللي حوصل انا مش ممكن اتجوز كريمه يا بوي
ابو كرم: عايز تحرجني مع الراچل والله لاتبقي ولدي ولا اعرفك..
………………….
في الصباح..
صحت روح علي صوت زغاريط…
قامت خدت شاور ولبست بلوزه وبنطلون ورفعت شعرها وطلعت…
شافت صفيه …
روح: هوا في ايه ؟!
صفيه: النهارده خطوبه الست كريمه
روح بحزن: بجد .
صفيه: ايوه…
دخلت روح اوضتها تاني..
روح بحزن : بالسرعه دي اقولك امبارح بتحبك تخطبها النهارده ومش بعيد بكره تجيب عيال بس انا ايه اللي مضايقني يعني ليه زعلت انا مازعلتش انا عادي وهاروح اباركله كمان..
طلعت روح من اوضتها وراحت خبطت علي اوضته.
فتح الباب..
روح: صباح الخير يا نمر
يونس: صباح النور ادخلي..
دخلت روح …
روح: عامل ايه النهارده يا عريس
يونس: الحمد لله بس ايه عريس دي؟!
روح: ايه مش عريس ولا ايه الف مبروك بس مش شايف انك استعجلت شويه يعني امبارح اقولك كريمه بتحبك النهارده تخطبها ؟!
يونس بابتسامه : كريمه اه هوا في زي كريمه في رقتها
روح: كريمه؟!
يونس: وجمالها
روح: كريمه؟!
يونس: وبساطتها وطيبتها
روح: كريمه؟!
يونس: مالك عماله تعيدي في كريمه ليه موافقاني الرأي طبعا صح ..
روح: طبعا يا بني انت بتقول ايه ربنا يهنيكم ونشوف عيالكم قريب ..
طلعت روح من اوضه يونس وهيا بتجز علي سنانها
يونس بتفكير: حسيت انها غيرانه معقوله…
روح بتفكير وهيا ماشيه: بساطتها ورقتها وطيبتها دا انت مضحوك عليك بالتلاته ..
خبطت فيها…
كريمه بعصبيه: مش تحاسبي يابت انتي
روح بضحك: تعااااالي تعااالي شوف رقتها مبروك يا كويمه ياحبيبتي
كريمه مشت وسابتها بعصبيه ودخلت اوضتها ورزعت الباب …
روح بتفكير: مالها دي المفروض تبقي فرحانه وتقعد تغيظ فيا انا عرفاها ليه متعصبه ومش مبسوطه ؟!
كريمه بعصبيه : بقا اكده ياعمي امبارح فاتحه والنهارده خطوبه وانت ماعرفش دا انت طلعت واعر قوي مش هايتم لو علي جتتي .
………………….

أقرأ أيضاً: رواية غسان ونور كاملــة الجزء الثاني 1

أقرأ أيضاً: رواية غسان ونور كاملــة الجزء الثاني 2

في بيت كرم..
كرم بعصبيه: امبارح يبقي قري فاتحه والنهارده خطوبه وبكره جواز بقا حرام عليك يا بوي حلني
ابو كرم: عايز تحرجني مع العمده مش كان كلام رجاله ولا كان كلام حريم ده
كرم: يابوي..
ابو كرم: ولا كلمه انا عارف مصلحتك فين ومع مين
…………………….
روح: بدر باشا اللي ساعه مابيجي هنا بينسي بنته
بدر كان قاعد بيقرأ جورنال …
بدر: انساك دا كلام انساك يا سلام اهو ده اللي مش ممكن ابدا ولا افكر فيه ابدا ابدا .
روح: الله عليك يا بابا لما بيبقي مزاجك عالي
بدر: كريمه خطوبتها النهارده عقبالك..
روح: اه لايقين علي بعض هوا عصبي ومجنون وهيا زيه هايبقي النمر والنمره
بدر: نمر ايه ومين اللي عصبي ومجنون ده طيب جدا وهادي ورزين جدا !
روح: هادي مين يا بابا ده كلامه كله بالمسدس ؟!
بدر: مسدس مين انت بتتكلمي عن مين
روح: النمر يا بابا
بدر: يونس؟!
روح: ايوه
بدر: ههههه بس يونس مش العريس
روح بفرحه: بجد
بدر: ايوه مبسوطه كده ليه
روح: ها وانا اتبسط ليه عادي بس مين العريس
بدر: كرم ..
روح: كرم مين ؟!
بدر: كرم انت تعرفي كام واحد اسمه كرم
روح بصدمه: صاحب مصطفي ؟!
بدر: ايوه
روح: ابن ام كرم
بدر: وابن ابو كرم هههه
روح: ازاي ده ؟!
بدر: ايه اللي ازاي اجي هوا وابوه وطلبوا ايدها
روح: يمكن بس حرام ده كرم كيوت جدا وطيب وكريمه هاتطلع عينه
……………………
في ارض زراعيه
مصطفي : اديني جيت يا كرم علي ملي وشي عاوز ايه
كرم: فكر معايا يا مصطفي انا مابحبش كريمه انا اتدبست
مصطفي: عيل انت اياك عشان تتدبس
كرم: اللي حوصل لازم تساعدني ارجوك انا هامــ,,ـــــوت
……………………
خالد: هستأذنك يا عمي اخد روح دقيقه
بدر: اتفضل …
خالد شد روح معاه ..
روح: ايه يا بني رايحين فين ؟!
خالد: مفاجأة
روح: مفاجأه ايه؟!
خالد: هتبقي مفاجأه لو قلتلك يعني …
طلعت روح وخالد بره البيت ..
خالد : يلا غمضي عنيكي …
روح: ما تخافش مش عارفه افتحهم من الشمس اساسا
خالد: طب غمضي يا لمضه
روح غمضت عنيها …
خالد: فتحي
روح : صوت مين ده …بتفتح عنيها…يااااسمين …
حــ,,ـــــضنتها وفضلت تتنطط …
..مش ياسمين بس !
روح بصدمه : انت !..

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى