كريمه: انا……
شاكر: علي خيره الله ..
كريمه: يا عمي ؟!!
كرم بصدمه وتفكير: جاه الحزين يفرح مالقلوش مطرح
كريمه وقفت ومش عارفه تتكلم ..
يونس بابتسامه: صبرت ونولت يا ولد عمي
كرم بسخريه: عقبالك
يونس: جمع ووفق
شاكر: روحي انتي يا كريمه دلوك
كريمه مشت وهيا متعصبه..
كريمه بتفكير: بقا اكده يا عمي بتزيحني وتفضي السكه لروح وانت عارف ومتأكد اني بحب يونس ولدك ويستحيل اتجوز غيره ..يونس مش هايبقي لغيري يا عمي ولو اخر يوم في حياتي …
…………………….
في اوضه روح…
خالد: وبعدين ؟!
روح:ايه وبعدين بعد اللي بحكي فيه بقاله ساعه
خالد: يعني انتي لسه بتحبي يوسف
روح: انت مش بتفهم يلا بقولك مشكلتي اني ماعتش عارفه اثق في حد ماعتش بتطمن لحد تقولي بتحبي يوسف يوسف ايه يوسف خلاص صفحه وانتهت
خالد: يعني عشان خدتي خازوق من 4 رجاله يبقي كل الرجاله وحشين ؟!
روح: خازوق كتر خيرك تصدق انا غلطانه اني بكلمك اساسا
خالد: انت لاقيه حد غيري تكلميه ارضي ياختي بالنعمه احسن تزول من وشك ..
روح: بره ..بره
خالد: كده اتبطري اوي
روح قامت وكانت هاتزقه لفها ومسك دراعها ورا ضهرها بهزار..
روح بضحك: اه اه ايدي يا حيوان انت ماعندكش اخوات بنات عايز تقضي علي مستقبلي اااه حرام عليك
الباب اتفتح مره واحده وبوكس في وش خالد وقع علي الارض ..
يونس بعصبيه: قاعده انتي وهوا لوحديكم طبيعي الشيطان تالتكم عايزاه يعمل ايه يعني ؟!
لف يونس ولسه هايكمل ضــ,,ـــــرب في خالد. ..
روح وقفت قصاده …
يونس: عدي من وشي لما اربيه
روح: تربيه ليه ماعملش حاجه هوا؟!
يونس: وصويتك وهتدمرلي مستقبلي وماعندكش اخوات بنات ده ايه ؟!
خالد: ههههههه هوا انت علطول ايدك سابقاك كده وشي باظ يخربيتك مش هاتخاف عليها اكتر مني يا روك
يونس بعصبيه: ماسمعش حسك واصل وتخاف عليها بتاع ايه انت ؟
خالد: يمكن عشان اخوها مثلا ؟!
يونس: بلاش حديت ماسخ …
قرب عليه…
روح: اهدي يا نمر قلتلك مافيش حاجه من اللي في دماغك دي ..
جرجره وراه وطلعه من اوضه روح
خالد: ماتخلنيش اتهور عليك يا قطه
يونس: لاه اتهور ووريني
روح قومت خالد من علي الارض وبصت ليونس بعصبيه ومشت ..
……………………..
في اوضه كريمه .
كريمه بعصبيه: جوزك دبسني في كرم وهوا خابر اني بحب يونس عايز يخلص مني ويخلي الجو لبنت اخوه
صفاء: مارفضتيهوش ليه؟!
كريمه: هوا اداني فرصه انا مالحقتش اتكلم يستحيل اتجوز كرم ده..
……………………….
في اوضه خالد ..
خالد: ااااه …
روح : معلش …
كان وش خالد وارم من ضــ,,ـــــربه يونس وروح بتحطله تلج..
خالد بضحك: بس شكله واقع اوي
روح : مين ؟!
خالد: يونس يا ختي الولا من ساعه ماجيت وانا حاسس انه مش طايقني وكل اما اقرب منك الاقيه موجود ويضــ,,ـــــربني شكله بيحبك يا جامد
روح : بيحبني لأ يا بني !
خالد: انا راجل وعارف بيغير عليكي مني والنبي فهميه ان اخوكي بقا لانه ايده تقيله اوي وعايز ارجع سليم
روح بضحك: ههههه حاضر شاطر تعمل جامد عليا بس
خالد: انا جامد علي اي حد تحبي تشوفي
روح : هاتعمل ايه يا مجنون ..
طاااااخ …الباب اترزع…
خالد: يلا الخد التاني لسه ماورمش يلا …
يونس كان رايح يضــ,,ـــــربه
روح: يونس في ايه انت اتجننت ؟!
يونس: كان هايعمل ايه ده
روح: كان هايرشني بالميه وقلتلك خالد اخويا
يونس : بلا اخويا بلا زفت …
طلع يونس وهوا متعصب ..
خالد: حلوه اللعبه دي طب استني كده …..ماتجيبي بوسه
روح: خلصت نام بقا
خالد: غريبه يعني ماجاش المره دي ..
روح: تصبح علي خير يادودي
خالد: دودي دي اللي بتخليني اضــ,,ـــــرب اسمي خالد
روح: ههههههه مش دودي يا كوتش اللي بتخليك تتضــ,,ـــــرب تصبح علي خير…
خالد بضحك: وانتي من اهله
طلعت روح من اوضه خالد وعدت علي اوضه يونس ماكانش في اوضته سمعت صوت الچيتار ..
روح بتفكير: هوا مضايق ليه وانا مالي طب هاسيبه …
روح نزلت وراحت الجنينه الخلفيه وقعدت جمبه من غير صوت وهوا مغمض عينه…
فضلت تبصله …
يونس: عاوزه ايه ؟!
روح: ايه ده انت عرفت ازاي ؟!
يونس: حسيت ..
روح: حسيت بيا ولا بأي حد عادي؟!
يونس فضل يعزف من غير ما يرد عليها..
روح: ممكن اعرف ايه اللي مضايقك ؟!
يونس وقف عزف وبصلها…
يونس: ازاي اقول لبنت اني بحبها ؟!
Uncategorized