Uncategorized

كيف انسى2

33
دخلت سهي غرفتها لتجد آدم جالسا يعمل علي اللاب توب فقامت بفك حجابها و جلست هي الاخري تعبث باللاب توب الخاص بها قطع هذا الصمت صوت ادم وهو يقول لها:

آدم(وهو ينظر الي شاشه اللاب توب):هنفضل كده كتير

سهي(وهي تنظر الي اللاب توب الخاص بها):كده ازاي يعني

آدم(وهو يغلق اللاب توب):يعني مش عارفه ازاي

سهي(وهي لم ترفع عينها عن شاشه اللاب توب):لا مش عارفه

آدم(بصوت عال):اظن المفروض اني لما اكلمك تبصيلي انا مش بكلم في نفسي

سهي(وهي تقف امامه):عايز ايه يا آدم

آدم(وهو يقترب منها):عايزنا نرجع زي الاول

سهي(وقد ترقرقت العبرات في عينها):تفتكر الموضوع سهل اوي كده

آدم(بتنهيده):مش سهل بس انا مش طالب منك غير فرصه

سهي(بدموع و صوت عال):حضرتك تروح تتجوز عليا بعد شهرين من جوازنا و عابزني اسامحك و اديك فرصه كمان طب اديني سبب مقنع يخليك تعمل كده يمكن ساعتها اقدر اسامحك

آدم:خايف عليكي

سهي(بعصبيه و دموع):بردو بتقولي خايف عليا (ثم اكملت محاوله استفزازه وقد هدأت قليلاً)ايه هي المدام مش محفظاك غير الكلمتين دول ولا ايه

آدم(وهو يحاول السيطره علي اعصابه):انتي عارفه ان مش انا اللي تمشيه واحده ست

سهي(بابتسامه و استفزاز):مش باين يعني

آدم(وهو يمسك يد سهي بقوه):عايزه ايه يعني عايزه توصلي لايه باللي انتي بتعمليه ده؟

سهي(ببرائه):انا ابدا مش عايزه……..

اطبق آدم علي شفتيها بقوه بقوه قبل ان تكمل كلامها حاولت سهي مقاومته لكنها استكانت له في النهايه فقال لها:

آدم(وهو يضع راسه برأس سهي):متحاوليش تستفزيني تاني

سهي(وهي تبتعد عنه):فرح جيجي الاسبوع اللي جاي

آدم(بحزن):يا عيني عليك يا حازم

سهي:لا مهو ده كتب كتابها هي و حازم

آدم:ايه ده بجد طب كويس

سهي(وهي تنظر له):احنا رايحين علي فكره

آدم(وهو ينام علي السرير):لا مش رايحين

سهي:نعم لا طبعا رايحين انت مش عايز تروح براحتك بس انا لازم اروح

آدم(وهو يجلسها علي السرير):علي اساس ان انا قرطاس جوافه يعني و رأيك هو اللي هيمشي عليا (ثم تابع وهو ينظر الي بطنها)شوفتي يا كوكو مامي مش بتسمع كلام بابي ازاي

سهي(بابتسامه):هنروح يا آدم

آدم(بعند):لا مش هنروح

سهي(بعند هي الاخري):هنروح

آدم:لا مش هنروح و كلمه كمان هيبقي ليا تصرف تاني

سهي(وهي تقوم لتقف في مواجهته و هي تضع يدها في خصرها):هتعمل ايه ان شاء الله

آدم(وهو يجذبها اليه):تعالي اقولك
•••••••••••••••••••••••••••••••••
في صباح اليوم التالي استيقظت سهي لتجد آدم لا يزال نائما فقامت بايقاظه فقال لها بعد ان استيقظ:

آدم(بصوت نائم):صباح الخير

سهي(وهي تقبل خده):صباح الخير يا دومه

آدم(وهو ينظر لها بتفحص):ده ايه الرضا ده كله

سهي:يعني ولا كده عاجب و لا كده عاجب

آدم(وهو يقب.لها):لا كده عاجب اوي

سهي(وهي تبتعد عنه):طب انا هدخل اخد شاور و بعدين هنزل اوك؟

آدم(باستغراب):ايه ده رايحه فين؟

سهي(وهي تتوجه الي الدولاب):رايحه لجيجي

آدم(باستغراب اكبر):ايه ده اول مره تروحيلها يعني من ساعه ما اتجوزنا

سهي:آدم ركز انا رايحه لجيجي العياده

آدم(بنفس استغرابه):ليه بردو

سهي(وهي تنظر لها مبتسمه):انت نسيت ان انا حامل ولا ايه

آدم(ضاحكا):هههههه انا نسيت خالص

سهي(وهي تتوجه الي الحمام):ربنا يستر (ثم قالت و كأنها تذكرت شيئا)صحيح يا آدم فرح جيجي في القاهره

آدم:طويب ماشي اوك هنروح قب.لها بيوم كمان

سهي(وهي تقفز):هييه ميرسي يا دومتي يا روح قلبي

آدم:بس بس انتي بتتنططي يلا يا مصلحجيه عشان نلحق ننزل

سهي:ننزل فين؟

آدم:نروح لجيجي

سهي(بسعاده):انت هتيجي

آدم(وهو يقبل رأسها):اه يا روحي اومال عيزاني اسيبك تروحي كده

سهي:اممم طيب و نيڤين جايه كمان

اَدم:مفيش مشاكل بس انجزي

سهي(وهي تغلق الباب خلفها):حاضر اهو
•••••••••••••••••••••••••••••••••
نزلت سهي بصحبه آدم و توجها الي عياده جيهان التي ما ان راتهما حتي رحبت بهما ترحيبا كبيرا استأذن آدم بالبقاء خارجا بينما تبادل سهي و جيهان الحديث:

جيهان(بحماس):ها قوليلي عمل ايه لما عرف انك حامل

سهي(وهي تمط شفتيها):معرفش انا مقلتلوش اصلا

جيهان:نعم اومال هو جاي معاكي علي اساس ايه؟

سهي(بدون مقدمات):آدم اتجوز عليا

جيهان(بصوت عال):ايييييه؟

سهي(بابتسامه سخريه):زي ما بقولك كده اتجوز سالي

جيهان(بصدمه):مش دي بتاعت الوصيه

سهي:لأ دي واحده تانيه

جيهان:انا مش مصدقه احكيلي طيب انتي عملتي ايه

قصت سهي عليها ما حدث و عن معاملتها مع سالي و ما ان انتهت حتي قالت لها جيهان

جيهان:مش يمكن هي هددته بيكي

سهي(باستغراب):ازاي يعني

جيهان:يعني قالتله ان هو لو متجوزهاش هتأذيكي مثلا

سهي:ممكن بس فكك بقي من الكلام ده و اكشفي و خلينا نخلص

جيهان:صحيح انتي مش قلتي ان نيڤين هتيجي معاكي

سهي:اه بس احمد قال هيبقي يجيبها هو لما لقي آدم جي معايا

جيهان(وهي تكتب علي ورقه):طيب يا ستي بصي بقي انتي حامل في اسبوع كده و دي يا ستي شويه ادويه و فيتامينات عشان الحمل يثبت و يا ريت متتحركيش من مكانك خالص (ثم تابعت بخبث)و قولي لادم يخف شويه

سهي(بعدم فهم):يخف ايه

جيهان:اندهيله

دخل آدم لتقول له جيهان:

جيهان:(وهي تشير الي سهي)البت دي متتحركش من مكانها خالص و تاخد الفيتامينات و الادويه في مواعيدها (ثم تابعت بخبث)و خف عليها شويه

آدم:اه اه طيب ماشي هنمشي احنا بقي

جيهان(مودعه اياهم):مع السلامه
•••••••••••••••••••••••••••••••••

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى