Uncategorized

كيف انسى2

32
في صباح اليوم التالي استيقظت سهي نظرت في ساعه يدها لتجدها قاربت علي الثالثه عصرا.

نزلت السلم و هي تشعر بدوار خفيف توجهت الي الصالون لتجد ليلي و آسر جالسين يتحدثان معا فقالت لهم سهي:

سهي(بارهاق):صباح الخير

ليلي و آسر:صباح النور

آسر(بمرح):ايه يا سو مبروك يا مزه

سهي(وهي تجلس علي احدي الكراسي):الله يبارك فيك يا آسر عقبالك (ثم استطردت سائله) اومال فين آدم؟

ليلي:نزل مع باباه راحوا الشركه

آسر:انا مش عارف ادم اتجوز سالي دي ازاي

سهي(بصوت خافت):عادي يعني

ليلي(ممازحه):يلاهوي علي جبروتك انتي يا بنتي علي قلبك مراوح

سهي(بابتسامه):ليه يعني عادي

آسر(بمرح):بس ايه يا جامده اللي انتي عملتيه ده جبتي البت مقص علي طول

سهي(بمرح):عشان تعرف ان انا مش اي حد بردو

آسر(بنفس مرحه):بقولك ايه بقي انا مليش دعوه لو خلفتوا ولد هتسموه آسر

احمد(مقاطعا):لا لا هيبقي اسمه احمد

آدم(وهو يدخل من باب القصر):ما شاء الله عليكو هتسموا ابني علي مزاجكو

سهي:و مين قالكو اني عايزه ولد اصلا

اسر:احسن برضو و اهو نجوزها ابن الواد احمد و يبقي زيتنا في دقيقنا

آدم(وهو يجلس بجانب سهي):ليه هو انا مستغني عن بنتي

احمد:و انت تتطول اصلا

سهي:صحيح نيڤين عامله ايه

آسر:شدي حيلك كده يا اختي و اطلعيلها اوضتها مهي قاعده فوق اهي

آدم:يا ابني ما تلم نفسك

سهي(وهي تنظر الي آدم قائله باستفزاز):صحيح يا آدم هي سالي جايه امتي

احمد:عنها ما جت

اسر:بتحبي النكد زي عنيكي هتلاقيها داخله عليكي دلوقتي

سالي(وهي تدخل من باب القصر و ورائها الخادمه تحمل حقيبتها):بونجور

انفجر اسر و سهي ضحكين الي ان قالت سالي:

سالي(بنرفزه):في ايه ايه اللي مضحكوا اوي كده

آسر(بين ضحكاته):ياريتني كنت افتركت ربع جنيه

سهي(وهي تمسك ببطنها):يخرببيتك يا آسر هامو.ت

احمد(محاولا غيظ سالي):معلش يا سوسو اصلهم مش بيعرفوا فرنساوي ف مش فاهمين لغتك

سالي:ce n’est pas possible (مش معقول)

سهي:non, il est possible chere (لا ممكن يا حبيبتي)

آدم(بذهول):ايه ده انتي بتعرفي فرنساوي

سهي:oui je parles francais tres bien (اه بتكلم فرنساوي كويس اوي)

آدم: bien (جيد)

سالي:مش كفايه كده و لا ايه

سهي(بذهول مصطنع):ايه ده يا آسر دي طلعت مصريه

آسر(باندهاش مصطنع):ماكنتش واخد بالي انا كمان

احمد(مخاطبا سالي):انا لو منك كنت طلعت علي اوضتي عدل

سالي(بغيظ):لا مش انا اللي استسلم سرعه كده
سهي(مخاطبه آدم):ايه يا عريس قاعد ساكت ليه ده الليله ليلتك

ادم(بصوت خافت وهو يميل علي اذنها):انتي اكتر واحده عارفه اني ولا عريس ولا زفت فياريت تبطلي استفزاز

سالي(بدلال):مش يلا بقي يا دومه

سهي(بصوت عال):يلا يا دومتها

ليلي(وهي تميل علي اذن سهي):جباره جباره يعني

سهي(بصوت خافت):عيب عليكي يا لولا و انا اللي كنت فاكراكي هتزعلي علي بنت اختك اتاريكي ولا طايقاها اصلا

ليلي(وهي توكزها بكوعها):بس يا بت

احمد(وهي يقف):انا هطلع اشوف نيڤين لحسن شكل قعدتكوا مطوله

سهي(وهي تقف هي الاخري):استني خدني معاك
سالي:يلا احنا يا كمان يا ادم

ادم:يلا ايه؟

سالي(من بين اسنانها):ايه يا ادم انت ناسي ان احنا عرسان جداد ولا ايه

ادم:عرسان مين؟

آسر(ضاحكا):هههههههه دي شكلها صدقت نفسها

سهي(متظاهره الجديه):عيب كده يا آسر دي زي مراة اخوك بردو مينفعش كده

احمد(وهو يصعد السلم):انا طالع بقي

سهي(وهي تصعد ورائه):استني هات ايدك مش هقدر اطلع كل ده انا

احمد(وهو يمد لها يده):طب يلا يلا بسرعه

صعدت سهي السلم وهي تتأبط يد احمد اللذان ما ان ابتعدا حتي قال لها احمد:

احمد:عمري ما شفت واحده بتعمل اللي انتي بتعمليه ده

سهي(باستغراب):بعمل ايه؟

احمد:يعني بتتظاهري انك قويه و تغلسي علي مراة جوزك التانيه و عادي كده يعني و الحركه بتاعت هات ايدك دي ده لو نيڤين عملتها كنت مو.تها

سهي(وقد ترقرقت العبرات في عينها):اخوك يا احمد مفيش واحده تستحمل ان جوزها يتجوز عليها و تفضل قاعده تتفرج كده يعني تخيل انت ان نيڤين و انت بتحبها كده تبقي مراة حد تاني

احمد(بشرود):فعلا احساس صعب اوي

سهي(بمرح):انت قلبتها نكد كده ليه خلينا نطلع نشوف نيڤين يلا

احمد:يلا يا ستي
•••••••••••••••••••••••••••••••••
صعد ادم مع سالي الي غرفتها رغما عنه و ما ان اقفلت سالي الباب حتي قالت له:

سالي(بعصبيه):ايه بقي اللي الست مراتك و اخواتك عملوه ده

ادم(ببرود):عملوا ايه؟

سالي(بنفس عصبيتها):يعني مش عارف

ادم(بنفس بروده):لا مش عارف

سالي(بغل):والله العظيم يا ادم لو مراتك دي فكرت تلعب معايا انا هوريها سالي اللي مش عاجباها دي ممكن تعمل ايه

ادم(وهو يمسكها من يدها بعنف):عارفه لو جيتي جنبها او حتي فكرتي تأذيها قولي علي نفسك يا رحمن يا رحيم

ثم خرج من الغرفه و قام بصفع الباب ورائه
•••••••••••••••••••••••••••••••••
دخلت سهي الي حجره نيڤين بصحبه احمد فقالت لها نيڤين:

نيڤين(بحبور):سهي وحشتيني اوي

سهي(وهي تحتضنها):و انتي كمان يا حبيبتي عامله ايه دلوقتي و النونو الصغنون ده عامل ايه

نيڤين:تعبانه اوي يا سهي صحيح نسيت اقولك مبروك ربنا يعينك بقي في الكام شهر دول انا في الرابع و تعبانه جدا

سهي:الله يبارك فيكي يا نينو صحيح هتروحي للدكتور امتي

نيڤين:كمان يومين ان شاء الله

سهي:خلاص تعالي معايا عند جيجي

احمد:يا ريت انا اصلا مش برتاح للدكتور اللي انتي بتروحيله ده

سهي:ايوه ايوه تعالي نروح لجيجي احسن

نيڤين:طيب خلاص طلاما انتو عايزين كده اوكي (ثم استطردت وهي تقول لسهي)صحيح يا سو انتي حامل في الشهر الكام؟

سهي(ضاحكه):هههههههه شهر ايه يا حاجه انا يمكن لسه مكملتش اسبوع

نيڤين(بمرح):مش عيب عليكي لما ابقي متجوزه بعدك و حملت قبلك

سهي:انتي ناسيه اني كنت باخد موانع و كمان كنت حامل و سقطت

نيڤين(بحزن):اه معلش يا حبيبتي

سهي:عادي عادي انا نازله بقي عشان متعبكيش اكتر من كده

نيڤين:طيب ماشي يا حبيبتي

سهي(وهي تغلق الباب خلفها):سلميلي علي مامتك يا نيڤين

نيفين:الله يسلمك

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى