
جالس أمامها صامت تماماً فبعد ذلك اليوم الذى سألته عن رساله حمزه وهو تهرب من الموضوع وغادر سريعاً وحين عاد فى اليوم التالى صباحاً رفضت أن تقابله والأن صامته لا تجيب على أسئلته طال صمته وهو يفكر كيف يتصرف هو يريد أن يخرجها من صمتها اعتدل فى جلسته وأجلى صوته ثم قال ما جعلها تنتبه إليه بكل حواسها
– أول مره حمزه جالى و حكالى كل إللى حصل وقد أيه هو تعبان مش قادر يبعد عنك ومش قادر يسامحك حاسس بنقلبه وروحه وتعذبه وكان بيطلع ده فيكى علشان يرتاح ومع ذلك كان بيتعب أكتر كان بيحس أنه ضعيف علشان بعد ما شاف خيانتك ليه لسه بيحبك ومش قادر يبعد عنك كنت بسمعه وأنا شايف نفسى فيه
قطبت جبينها بحيره وظهر القلق عليها ليكمل هو ما بدأه
– أنا كنت بحب بنت الجيران إللى كنت مربيها على أيدى كل حاجه كانت بتسألنى فيها أى حاجه عايزه تعرفها تسيب الدنيا كلها وتيجى تسألنى أنا اتعلقت بيها عشقت تفاصيلها ضحكة عينها روحها المرحه حركاتها الطفولية لما تزعل أو تضايق
وقف على قدميه وتحرك ليقف أمام النافذه ثم أخذ نفس عميق و أخرجه بهدوء ثم أكمل قائلاً
– أتقدمتلها و وافقت عليا وكنت سعيد وفرحان كل يوم بحس أننا بنقرب لبعض وفى يوم حسيت فيها حاجه اتغيرت ضحكه عينها اختفت روحها المرحه انطفت بقت عامله كل ما تشوفنى زى القطه المرعوبة بتتمسح فى رجلى لا بقت بتشاغبنى ولا تقف قدامى تعاندنى وبعدين توافق على كلامى بقت كل ما قولها حاجه تقولى حاضر لحد ما جه معاد الفرح
صمت يشعر قوى فى صدره حاد فى عينيه أثر الدموع الحبيسة لسنوات ظلت تنظر إليه تنتظر أن يكمل وهو لم يتأخر كثيراً
– بعد الفرح إللى كان عكس توقعاتى أنها مش هتبطل
صمت لثوانى يتذكر كل ما حدث وكأنه يرى ما حدث الأن
– شفتها وهو بيكلمها من شاشه الكمبيوتر بيأمرها وتقول كلام قذر وتعمل حاجات وفى الآخر يشتمها بألفاظ بشعه ويقفل وفيديو وراى فيديو بقيت عامل زى الثور الهايج محستش بنفسى غير وأنا داخل عليها وبشتمها وسبتها بعد ما كانت ما بتتحركش نهائى
لتشهق بصوت عالى وهى تقول
– ماتت
نظر إليها بعيون حمراء وبملامح حزينه مكسوره وقال
– سبتها مكانها وخرجت وبعد وقت معرفش قد أيه لقيتها فاجئه قدامى قاعده تحت رجلى وبتحكيلى كل إللى حصل وأنه إزاى ركب صورها على صور بنات أنها لو معملتش إللى يطلبه منها هينزل الصور دى إلى كل المواقع وبدء الأول بكلام عادى وبعد كده كلام فى الجنس وبدء يطلب منها تقول ألفاظ معينه وبعدين تفتح الكاميرا لحد موصلت للى أنا شوفته
صمت ليأخذ نفس عميق محمل الذكرى وأكمل قائلاً
– أنا لا كنت طايقها ولا سامعها ومقدرتش اعذرها ولا اسامحها فضلت لمدة ثلاث شهور بعاملها أسوء معامله أفظع وابشع كلام بسمعهولها بعاملها على أنها أقل من خدامه حرمتها من الأكل والشرب كنت بخليها تشتغل شغل يهد جبال ومخليهاش تنام كنت ساعات أءمرها تفضل واقفه طول الليل وممنوع تقعد أو تنام وساعات كنت بخليها تنظف الشقه من غير ما توقف لحظه تخلصها وترجع تنظفها تانى لحد فى يوم رجعت البيت ملقتهاش كنت زى المجنون خرجت أدور عليها فى كل حته ملقتهاش
لتقاطعه هى قائله
– وأهلها فين ؟
نظر إليها وقال
– هى أصلاً كانت يتيمه و مكنش ليها غير اخ واحد وبعد فرحنا بيومين سافر
هزت رأسها بنعم ليكمل هو
– رجعت البيت وأنا بستحلفلها لما ترجع بإيدى ….. ومر اليوم من غير ما أعرف عنها حاجه وتانى يوم الساعه سبعه الصبح الباب خبط كنت هائج زى المجنون وناوى اموتها لكن أول ما فتحت الباب لقيت ظابط ومعاه اتنين عساكر جاين ياخدونى كل إللى كان فى دماغى أنها راحت بلغت عنى أنى بضربها وبعذبها لكن الحقيقه لما عرفت أنها
صمت للحظه مع سقوط أول دمعات من عينيه وقال بألم
– انتحرت ….. رمت نفسها من فوق الجبل قررت تبعد عنى وعن ظلمى ليها وظلم الناس قررت تروح للى أحن عليها من العالم الظالم ده إللى بارد راجل استغل سازجتها وراجل قتل اداميتها
ولا هتقعد ثانيه هتغنى بصوت عالى وتملى الفرح جنان لكن كانت هاديه ساكته وكأنها من غير روح عينها ثابته لما وصلنا البيت وقبل ما أقول حرف واحد الباب خبط فتحت ملقتش حد كنت هدخل لكن لمحت على الأرض ظرف اخدته ودخلت ملقتهاش فى الصاله قعدت على أقرب كرسى وفتحت الظرف وياريتنى ما فتحته
– لقيت فيه أيه ؟
قالتها بصوت ضعيف مكتوم ليقول هو بصوت
