عام

طفلتي الهاربه ندى احمد

ال 9
ندى_احمد
قدر بخوف : انت هتعمل ايه
احمد و هو بيق*لع الحزام : ولا حاجة يا حبيبتى بس انتى عارفة لازم تتعقبى علشان تحرمى تعملى كده
قدر : معملتش حاجة يا احمد أنا اسفة سيبنى فى حالى
احمد ضر*بها بالحزام لحد ما قدر بدأت تنز*ف و فقدت الوعى
احمد سابها و نزل
عند ادهم فضل يدور على بيت قدر و لكن بدون فايدة

عند قدر قامت بعد ساعات و هى مش قادرة تقوم من كتر الضر*ب و اتسندت لحد الحمام و هى تحت الدش بتعيط و هى بتسترجع كل حاجة. و أنها مخترتش اللى هى فيه و عملت كده علشان تبعد ادهم عن المشاكل و استحملت العذا*ب اللى هى فيه علشانه لان عارفة أن احمد ممكن ياذ*ى ادهم و كان نفسها تكون فى حلم و أن كل ده مش حقيقى و حسيت أن دموعها اكتر من ماية الدش و شايفة د*مها مختلط مع الماء و غمضت عينيها و تخيلت لو كانت لسه مع ادهم سمعت صوت الباب اتفتح و كان احمد
قدر لبست بسرعة و هى خرجت من الشاور شافت احمد قاعد على كرسى فى اوضتهم و شكله مش فى وعيه اوى و كان سكرا*ن
احمد قام يطوح و غير متزن فى مشيته
قدر بخوف منه
احمد : اعمليلى قهوة
قدر رحت على المطبخ
لقيت احمد جاى وراها و يغرس رأسه فى رقبتها
و قدر غمضت عينيها من الخوف من الجاى و هى قرفانة من ريحة احمد و بدأت ترعش و هى نفسها يبعد
احمد لف وش قدر له و بص لها و كان فى جرح فى شفايفها جيه يحط أيده عليه قدر بعدت عنه و راحت كأنها بتجيب السكر
احمد : قدر أنا آسف
قدر باستهزاء  : آسف …. اسف على ايه بالضبط
احمد : انى اتعصبت يوم فرحنا بس انتى عارفة انى عصبى و انتى لازم متعنديش معايا
قدر : بجد انت مصدق نفسك انت شكلك نسيت أنت جر*تنى فى الشارع يوم فرحى و كل لحظة خلتنى اتذ*ل
احمد اتغير ملامح وشه من الطيبة للشر تانى
احمد : لاء شكلك نسيتى انك هربتى يا فا*جر*ة و لو فاكرة انى غفرت ليكى على عملتك و بتاسفلك يبقى هبلة و لسه متعرفنيش
قدر : أنا فعلا معرفكش و عايزة أطلق فى هدوء
احمد ضحك بسخرية : بصى يا قدرى انتى قدرك انى ابقى جوزك محدش بيهرب من قدره يا حلوة
و جيه يقرب منها قدر سحبت سك*ينة و الارض اتملت د*م
يتبع …..
يا ترى كان د*م مين ؟؟؟
يتبع
ال 10
ندا احمد
قدر : أنا فعلا معرفكش و عايزة أطلق فى هدوء
احمد ضحك بسخرية : بصى يا قدرى انتى قدرك انى ابقى جوزك محدش بيهرب من قدره يا حلوة
و جيه يقرب منها قدر سحبت سك*ينة و الارض اتملت د*م
احمد جرى على قدر اللى غرقانة فى د*مها
احمد شال قدر و راحوا المستشفى
الدكتور : احنا محتاجين كيسين دم بسرعة و مش لاقين فصيلة د*مها فى بنك الد*م عندنا محتاجين متبرع بسرعة
‏احمد ببرود : اتصرف ازاى مش فاهم مش هلاقى دلوقتى
‏الدكتور سابه و مشى
‏احمد روح عادى و قال بكرة الصبح يعدى يشوف قدر فاقت ولا لسه
‏بعد ساعات فى المستشفى قدر فاقت و لقيت فراس قدامها
‏قدر بتعب  : أنا فين ايه اللى حصل
‏فراس : قولتلك مترجعيش ليه تعملى فى نفسك كده اهو سابك مرمية فى المستشفى و روح بيته ينام لولا أنا كنت قلقان عليكى و مروحتش كان زمانك روحتى فيها
‏قدر : انت ايه خلاك تساعدنى طول الفترة ديه
‏فراس بابتسامة مك*سورة هعرفك فى الوقت المناسب دلوقتى لازم ترتاحى دلوقتى
‏قدر نامت و الصبح لقيت نفسها فى بيت لوحدها  قامت تدور فى البيت كله مفيش حد و لقيت ورقة و موبيل على السفرة كانوا من فراس
‏قدر قرأت الورقة و عرفت أن فراس نقلها بيت بعيد عن احمد و أنه بيمشى فى إجراءات الطلاق
‏قدر فرحت أنه اخيرا ممكن تبعد عن احمد و بيبقى نفسها ادهم يظهر تانى
‏عند ادهم كان قاعد فى بيته بيفكر يا ترى قدر بيحصل فيها ايه دلوقتى
‏و بيقطع تفكيره خبط الباب بقوة و كان احمد
‏احمد : فين قدر
‏ادهم و هو مش فاهم : قدر …. هى مش رجعتلك
‏احمد : انت هتستعبطنى يلا ولا ايه لاء ده أنت متعرفنيش
ادهم : أنا معرفش مكان قدر و اطلع بره احسن ما تخرج منها بس مش على رجلك
احمد خرج لما حس أن فعلا قدر مش مع ادهم
ادهم نزل يدور على قدر لما عرفت انها هربت تانى

و جاله اتصال من فراس أنه عايز يقابله
ادهم راح المكان اللى قاله عليه فراس
ادهم :  خير … انت اصلا ايه اللى جابك القاهرة
فراس : انت عرفت أن قدر هربت تانى من احمد
ادهم : عرفت بس أنا مش فاهم هى بتعمل كده ليه …ليه اصلا رجعتله
فراس : مش مهم دلوقتى المهم ندور عليها
ادهم : طيب فين احنا المفروض ندور فين و ازاى
فراس : معرفش بس هنحاول قدر ملهاش غيرنا
ادهم بص باستغراب لفراس أنه اصلا ميعرفش قدر ليه مهتم كده
ادهم : انت فى القاهرة بقالك اد ايه
فراس : لسه جاى الصبح
ادهم حس أن فراس غريب و أنه مش بيقول الحقيقة
ادهم : أنا مضطر اقوم لازم اروح اقدم على إجازة
فراس : و انا كمان محتاج اعمل كام حاجة لابويا هنا
و قام كلا منهم و لكن ادهم مشى ورا فراس و وقف عند صيدليه
ادهم فضوله خلا يدخل و يعرف فراس اشترى ايه و عرف أنه اشترى حبوب منع الحمل و مهدئ و منوم
زاد الشك عند ادهم اكتر و فضل ماشى وراه لحد ما وصل بيت و لكن البيت كان عليه حراسة مشددة و مش اى حد يقدر يدخل البيت
يتبع ….
يا ترى فراس ناوى على ايه و هل أحمد سكت كده على اختفاء قدر

ال 11
ندى_احمد
ادهم فضوله خلا يدخل و يعرف فراس اشترى ايه و عرف أنه اشترى حبوب منع الحمل و مهدئ و منوم
زاد الشك عند ادهم اكتر و فضل ماشى وراه لحد ما وصل بيت و لكن البيت كان عليه حراسة مشددة و مش اى حد يقدر يدخل البيت
فراس دخل البيت لقدر
قدر : فراس أنا عايزة اقابل ادهم
الرواية حصري ل مدونه دار الروايه المصريه
فراس بكدب : أنا بحاول اوصله بس أنا سمعت أنه سافر
قدر : طيب مينفعش نوصل لرقمه و أكلمه
فراس : هحاول يا قدر اوصل لرقمه
قدر : هو أنا هفضل هنا لحد امتى
فراس : لحد ما تطلقى
قدر : فراس ممكن تقولى ليه بتعمل معايا كل ده
فراس : قدر قولتلك هتعرفى فى الوقت المناسب و طلع فراس من جيبه الأدوية اللى جابها
فراس : بصى ده حبوب منع الحمل و مهدئ و منوم علشان لو حصل اى حاجة و احمد عرف يوصلك يكونوا معاكى احتياطى
قدر : هو احمد ممكن يوصلى
فراس : لاء أنا بقولك احتياطى مش اكتر
قدر : ماشى
فراس : قدر متحاوليش تمشى أو تطلعى بره ارجوكى مش عايز تبوظى كل اللى بعمله لو حد عرف انك هنا هيكون ده حاجة ضدك مش فى صالحك
قدر : حاضر
طفلتى الهاربة بقلم ندى احمد
قدر من جواها بدأت مترتحش لفراس و أنه مخبى حاجة
و مشى فراس و نبه أن محدش يدخل لقدر
ادهم فضل يلف حوالين البيت لحد ما وصل لضهر البيت و مكنش فى غير حارس واحد عرف ادهم يضر*به و طلع البيت
لحد ما لقى قدر جوا البيت نايمة
ادهم فضل يصحى فى قدر من بعيد  : قدر …. قدر …قددددددر قومى
قدر بخضة : فى ايه. …. ادهم انت ازاى هنا
ادهم : قومى يلا معايا انتى ازاى هنا
قدر : فراس جابنى من المستشفى و بيساعدنى
ادهم : يعنى هو مش خط*فك و جاية بمزاجك و انا اللى قاعد خايف عليكى و انتى اصلا هربتى و سيبتينى علشان تهربى مع فراس
الرواية حصري ل مدونه دار الروايه المصريه
قدر : لاء مش زى ما انت فاهم أنا هربت منك علشان خايفة عليك
ادهم : والله شايفانى عيل مش قادر احميكى يا قدر
قدر : لاء يا ادهم أنا كنت بحاول اوصلك و اعرفك ايه اللى حصل بس فراس قالى انك سافرت
ادهم : قومى انتى هنا مش فى امان فراس بيلعب عليا أنا و انتى
قدر : أنا حسيت أنه فى حاجة مخبيها
ادهم اخد قدر و مشيوا من البيت منغير ما يشعر بيهم الحراس
ادهم ودى قدر بيته
ادهم : قدر انهاردة مش هرجع غير بورقة طلاقك من احمد و ده وعد منى
قدر : ادهم أنا خايفة عليك احمد مش سهل
احمد : قدر اسمعى الكلام بس و انهاردة هتطلقى
باب الشقة خبط و كان احمد
ادهم فتح الباب
احمد دخل عليهم
احمد باستهزاء  : و ياترى هتطلقها ازاى يا ادهم
يتبع ….
يا ترى قدر هتطلق انهاردة و فراس ليه بيعمل كل ده

بارت 12

احمد : قدر اسمعى الكلام بس و انهاردة هتطلقى
باب الشقة خبط و كان احمد
ادهم فتح الباب
احمد دخل عليهم
احمد باستهزاء  : و ياترى هتطلقها ازاى يا ادهم
ادهم : ايه ده كويس كنت جايلك
احمد : وفرت عليك المشوار بس أنا جاى اخد مراتى و امشى
ادهم : لاء ما هى قدر هتطلق منك و دلوقتى
احمد ضحك باستهزاء : عارف حلو النمرة اللى بتعملها ديه يا ادهم بس عايز افهمك انك بتلعب مع الشخص الغلط
ادهم : تقصد علشان تاجر سلا*ح يعنى طيب ده اصلا اللى خلانى هعرف أطلقها منك……. بص يا احمد أنا دلوقتى عرفت انك داخل فى صفقة العمر و حاطط فيها كل فلوسك بس لحظك السيئ وقعت أنا فى طريقك و عرفت معاد و مكان التسليم فى حد مستنى منى مكالمة أقوله يبلغ ولا لاء و ده متوقف على انت هطلق ولا لاء و خلى بالك مفيش وقت كلها نص ساعة و الراجل هيتصل لو مردتش هيبلغ على كل حاجة
الرواية حصري ل مدونه دار الروايه المصريه
احمد : و انا ايه يضمنلى لما أطلق متغدرش عايز ضمان
ادهم : مفيش اى ضمان الضمان الوحيد تطلقها و وقتها تروح لحالك
احمد : موافق و راحوا كلهم على اقرب مأذون
و فعلا قدر اتطلقت و هى مش مصدقة لحد ما خرجت من عند المأذون
طفلتى الهاربة بقلم ندى احمد
احمد : قدر لو كنتى فاكرة أن حياتك معايا كانت الجح*يم فالجح*يم اللى بجد بدأ من دلوقتى
ادهم : روح شوف حالك يا استاذ احمد يلا
احمد بيبص على ادهم : مش هينفعك
ادهم اخد قدر و مشيوا
قدر فى العربية مع ادهم
ادهم : مبروك يا ست البنات
قدر : شكرا اوى يا ادهم
ادهم : مفيش بينا الكلام ده يا قدر دلوقتى انتى هترجعى على بيتى و انا هتصرف اليومين دول
قدر : لاء أنا هروح ابيع حلقى الدهب و اجر شقة لحد ما القى شغل
ادهم : حلق مين ده
قدر : ده حلق ماما الله يرحمها اخر حاجة ادتهانى قبل ما تم*وت
ادهم : طيب ينفع تسمعى الكلام و تحتفظى بحلق ماما
قدر : ادهم …
ادهم : مش هعيد كلامى قولت
و راحوا على البيت و لسه بيفتح باب الشقة لقى حد وقفه

شروق خطيبة ادهم : ادهم انت فين كل ده
ادهم ارتبك و وقف مش عارف يقول ايه و نظرة قدر المصدومة
يتبع ….

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى