Uncategorized

ملاك

طالما وخدها تسلية ليه مخدهاش على شقة الزمالك
وبعدين ليه يعني يخدها على المطعم بتاعه قدام كل الموظفين اكيد الموضوع فيه إن
صړخت بها داليا
مفيش وحدة تليق انها تكون مرات ادهم السيوفي غيري وبعدين الايام بنا وهنشوف وصدقوني قريب اوي هبعتلكم دعوى فرحنا
ثم هبت واقفة لتختفي عن نظرات المسميات صديقاتها
وما ان ذهبت انفجرن صديقتها بالضحك فهن يعرفن انها تكذب ولكن مهلا لينتظرن ويشاهدن
اعترافها بفشلها الذريع
كانت داليا تقود سيارتها بسرعة كبيرة
ثم اصطفت بسيارتها الفارهة جانبا
وامسكت هاتفها لتحدث جسوستها سالي
هو انا بديكي فلوس قد كده عشان افضل نايمة على وداني ده انا هوديكي فستين داهية
ليه يا داليا هانم انا كل حاجة بعرفها بقولهالك على طول سواء كانت تافه او مهمة مفيش حاجة حصلت وانا ما بلغتش حضرتك بيها و…..
قاطعتها داليا بصړاخ حاد
لما ادهم يكون مصاحب وحده وانا معرفش يبقى انتي مش عارفة تشوفي شغلك كويس
لو مصاحب وحدة من الشركة انا اول وحدة هعرف لو من برا الشركة هعرف منين ما اعتقدش
انها من الشركة لانه مانع الموظفين انهم يطلعو للدور ده
لأ لأ مش من الشركة لاني عرفت انها لسه صغيرة مش مخلصة جامعة لو عرفتي او سمعتي اي حاجة بلغيني فورا
جذبت داليا خصلات شعرها الاشقر القصيرة پعنف
مش هسيب وحدة تانية تاخدك مني يا ادهم لو وصلت اني اخلص عليها هخلص عليها بس انتا
و فلوسك ليا لازم افكر بسرعة والاقي حل قبل ما تيجي وحدة غيري وتاخده على الجاهز
هذا ماحدث به نفسها قبل ان تنطلق بسيارتها الى منزلها
عند ادهم كان ممسكا بهاتفه متردد يود ان يتصل بها
ويعتذر عن اسلوبه الفظ معها ولكن كبرياءه منعه وامنى نفسه انه سيحدثها ليلا ليسألها عن رأيها في الهاتف ابتسم
مساء في بيت ملاك
كانت تجلس على مكتبها الصغير تتابع دراستها فهي لم تكن يوما مقصرة في ذلك وصل الى سمعها صوت جدها وهبت ذاهبة اليه
مساء الجمال على احلى ابو علي
ابتسم لها جدها
مساء العسل عندي ليكي هدية هتعجبك اوي
عقدت ملاك حاجبيها
هديه ايه
واخذت تنظر الى جوانب جدها فلم تجد شئ
ضحك جدها عليها
هتلاقيها على طاولة السفرة
اسرعت ملاك لهناك واذ بها تجد هاتفا من احدث طراز
عادت لجدها وهي فاغرة فمها وجاحظه عيناها
ده ليا يا جدو بس ده غالي اوي جبت ثمنه منين
ده مش مني ده من مستر امجد هدية ليكي عشان
اديته فكرة للمشروع وعجبت المستثمرين
انا هروح اشغله واحط الخط بتاعي فيه
ثم ذهبت مسرعة لغرفتها ولكنها عندما فتحته ازدادت دهشتها من جماله
ادمعت عيناها بفرح وما ان فتحته حتى وجدت صورة لها خلفية للهاتف وهي

—

تبتسم تذكرت هذه الصورة فهذه في مكتب امجد شغلت الهاتف وكانت تعبث به حتى جاءتها رسالة من ادهم
ها عجبك الموبايل
شهقت ملاك وردت عليه برسالة مماثلة
هو الموبايل منك مش من مستر امجد
لأ مني
انا قلت لامجد يقول لجدك الي قاله عشان اضمن انه
يوصلك ها عجبك
قبل ان تجيب كان يتصل بها
ردت عليه بصوتها الناعم
مرسي على الموبايل
عفوا بس يارب يكون عاجبك
ده تحفة يجنن يا ادهم بس ليه ده بالذات وعرفت اني بحب الذهبي منين
ده بالذات عشان امبارح واحنا فالمطعم قولتيلي موبايك حلو وعرفت منين انك بتحبي اللون الذهبي اسف مش هقدر اقول عشان دي مصادري الخاصة مينفعش اكشف عنها
بس ده غالي اوي انتا عارف سعره كام ده
ضحك ادهم عليها فيبدو انها لا تعلم حجم ثروته
لأ مش عارف سعره كام
كدة يجي بتاع خمسة و عشرين الف جنيه
لو كان بمليون جنيه هجيبلك اي حاجة عاجباكي ثم اكمل ها عليكي جامعة بكرة
عندي جامعة بس
بس ايه قولي مش اتفقنا مش هتخبي حاجة عليا بعد كده
اصل خاېفة اقابل جاسر
اولا اسمه ميجيش على لسانك لا هو ولا اي راجل تاني وثانيا هو اصلا قدامه شهرين لحد ما يعرف يقف على رجليه من الي اتعمل فيه ماتخفيش
ربنا يخليك ليا
قالتها بخجل وصوت خاڤت
اجابها ادهم بخبث
كده حاف
اجابته ببراء غير مصطنعة
قلي عاوزني اعملك ايه وانا اعمل
اكمل ادهم بخبث
الي انا عاوزه مينفعش الا لما نتجوز بس تقدري تديني تصبيرة كده اسلك نفسي بيها
عقدت حاجبيها بدهشة
تصبيرة ازاي مش فاهمة
استشف ادهم من الحديث معها انها خام اكثر من اللازم ويجب ان يعلمها كل شئ وما اجمل تعليم هذه الاشياء بالنسبه له وخاصة لهذه الصغيرة اكمل قائلا
لما نتقابل هبقى اقلك التصبيرة ازاي ودلوقتي روحي نامي عندك جامعة الصبح واي حاجة تحصل بلغيني بيها فورا اتفقنا
تصبح على خير
بعد يومين
ذهبت ملاك الى جامعتها
ارتدت جاكيت ابيض وبنطال جينز ازرق وبوت رياضي اسود
انهت محاضراتها واتجهت للخارج فاليوم ستذهب للشركة لرؤية ادهم وبعد قرابة النصف ساعة
دلفت ملاك للشركة وصعدت للطابق الاخير كادت ان تتوجه لادهم ولكن تذكرت وجود سكرتيرته سالي المتعجرفة نظرت في ساعة يدها فوجدت انه اقترب موعد استراحة الغداء اذا ستذهب لمها ثم لادهم
دخلت لمكتب مها فوجدتها مندمجة بعملها ولم تنتبه لدخول ملاك تقدمت منها بهدوء حتى لا
تشعر بها
ثم قالت بصوت عالي
مها
شهقت مها ووضعت يدها على قلبها
ېخرب بيتك خضتيني منك لله يا ملاك يا بنت عم حسن اشوف فيكي يوم
ضحكت ملاك حتى ادمعت عيناها فمظهر مها وهي مذعورة مضحك جدا
بعد ان هدأت مها
ايه الي جابك يا قردة
القردة جاية تتطمن عليكي
ضيقت مها عيناها بمعنى عدم التصديق
جاية تتطمني عليا ولا على سي ادهم بتاعك
لأ جاية عشان سي ادهم بتاعي
ها اي اخباركم مع بعض
قالت ملاك بابتسامة حالمة
زي السمنة على العسل مكنتش اعرف اني بحبه اوي كده
الله يسهلو وبتتكلموا

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى