قال : احم مفيش حاجه كنت نازل بس بصبح العروسة.
نزل صابر، و جت مراته سميحة و قالت: وقفة عندك تعملي ايه.
كانت تبص لي بطريقة تخوف و قولت: مفيش حاجه كنت نازلة أشوف ماما.
ض*ربتني على كتفي و قالت: طيب يا محروسة افهمي الكلمتين دول، أنا هنا مرات الكبير يعني كل حاجة تتم بامري، و جوزي اوعي المحك تقفي معه فاهمة.
هزت راسي بنعم و أنا خائفة منها و نزلت سميحة و أنا وراءها.
افتكرت دلوقتي كلمة سليم لما قالي، أنتِ هتكوني فاكهة البيت،و محدش زيك.
اخوات سليم صابر الكبير و رفاعي التاني ، أسماء.
سميحة مرات صابر و أسماء و حتي نادية مرات رفاعي، جمالهم عادي جدا بشرة سمراء و ملامح حادة جدا تخوف ،أنا بخاف منهم
يمكن علشان كده سميحة هي غيرانة على جوزها مني لاني احلي منها.
أنا بشرة بيضه و عيون زرقاء، و جسد ممشوق ،على قدر عالي من الجمال و الأناقة و ملتزمة بالزي الشرعي.
وصلت المطبخ
كانت حم\اتي و اسماء و نادية موجودين.
قولت بابتسامة: صباح الخير.
الكل بص لي بقر_ف من غير رد
قالت حم\اتي: لسه بدري يا محروسة
ردت عليها: بس الساعة لسه ٨
أسماء بصوت عالي: أنا كنت عندك الساعة سبعة، ساعة كاملة على ما تحني و تنزلي.
سميحة بسخرية: على ما تحط الاحمر و الاخضر علشان تبقي حلوة.
ضحكت نادية بصوت عالي وقالت: و ياريت نفع، دي وشها يقط/ع الخميرة من البيت.
مش عارفه أنا عملت ايه لكل ده ،بقيت وافقة قدمهم زي العيلة الصغيرة، و لساني عاجز عن الكلام.
قالت حم\اتي بصوت عالي: تفضلي وافقة عندك.
سألت بصوت ضعيف: أعمل ايه.
قبل ما تتكلم حم\اتي ،قالت سميحة، أخرجي الزبالة دي برة.
بصيت مكان ما تشاور و قولت : بس دي تقيلة مش أقدر اشيلها.
نادية بعصبية: ليه يا اختي ،امشي يابت نفذي كلام سميحة.
بصيت لحم\اتي و قولت برجاء: لو سمحتي يا ماما اطلبي مني اي حاجه بس دي لا.
مردتش عليا، و قالت سميحة بأمر: يلا و عدي ليلتك.
قولت بصوت عالي: دي زبالتكم انتوا ،اشيلها ليه.
كل واحدة سببت اللي في أيدها و بصيت لي بشر.
و أنا براجع للورا ، سمعت صوت حماي من برة: مش هنفطر النهاردة منك ليه ، و ابعتي العروسة الجديدة تصحي جوزها.
جريت من المطبخ على فوق بخوف.
و طلعت صحيت سليم و قولته على اللي حصل.
انصدمت من ردة فعله، لأن قالي : معلش.
و دخل الحمام ،و أنا قاعدة السرير بعيط و مش عارفة أعمل ايه.
لقيت التلفيون يرن، كانت ماما، مسحت دموعي و حاولت أتكلم بهدوء: صباح الخير يا ماما
ماما بلهفة: صباح الورد يا قلبي ، غريبة صاحية بدري ليه،انا بتصل و أنا مكسوفة ،بس قلبي وج\\عني و عايزة اطمئن عليكِ.
قولت بدموع: كويسة بس وحشتوني اوي
ماما مش مستغربة أني بعيط ده طبيعى لاي واحدة تجوز و تكون بعدت عن بيت اهلها.
اتكلمت معها شوية و قفلت ، و خرج سليم وقفت قدمه و قولت: بجد تعدي الموضوع عادي.
مشي من قدمي و قال: ايوه يا نغم عادي و علشان نرتاح هنا أسمع الكلام
سألت بعصبية: كلام مين بقا ،امك و لا مرات أخوك ،و لا أخوك اللي بص عليا بطريقة مش كويسة.
قال بهدوء : اقفلي الموضوع يا نغم و يلا ننزل نفطر.
قعدت السرير و قولت :مش عايزة.
قعد على الأرض و مسك أيدي بحب و قال: حقك عليا ،بس يلا نفطر و اوعدك نفطر و نطلع هنا على طول.
قولت بحزن: مش عايزة أقعد معاهم ،بعد الفطار نطلع هنا
أبتسم و قال : حاضر
نزلت و أنا ماسكة في أيده بحب و سعادة
بص أبوه و قال بكل \: ايه المسخرة دي سيب ايدي مراتك
بصيت لسيلم بذهول و صدمة نفذ الامر في وقته.
و راح قعد في مكانه ، و أنا وقفة زي مانا.
قال صابر: اقعدي جنب جوزك يا حلوة مش قولتك مبيفهمش.
استنت سليم يرد بس كان يأكل و هو ساكت.
و سألت نفسي هو عادي أخوه كده يقول عليه كده و مفيش اعتراض من سليم.
لفت علشان اطلع الاوضة، قالت حم\اتي: على فين.
قولت بحزن : مليش نفس.
ردت بعصبية: حد جاب سيرة الاكل،ادخلي اغسلي المواعين يا محروسة.
بصيت لسيلم علشان ينفذ وعده أني أطلع بعد الفطار اوضتي، بس مفيش منه رد..
بصيت لحم\اتي وقولت: زي ما قولت الصبح زبالتكم نضفوها انتوا.
و طلعت اوضتي.
استنت ساعة اتنين تلاتة ،سليم يطلع مطلعش
أنا حاسة أني انفجر من ال\ لازم أسأله ليه كان ساكت.
سمعت خبط الباب، قومت فتحت كانت حم\اتي و أسماء و سميحة و نادية.
زقتني اسماء و دخلوا و قفلوا الباب
قالت حم\اتي بقنا احنا ننظف الزبالة، يلا يا علموها الادب.
لقيتهم بيقربوا مني مسكوني ،وقعت على الأرض
و هما يض*ربوا فيا بكل غ_ل و ح_قد.
و للحديث بقية
رايكم
لو عجبتكم لايك و كومنت علشان اكمل
التفاعل أمانة لو وصلت لهنا
#الفصل_الاول
#نغم
#بقلم_منال_كريم
.
كنت واقعة على الأرض و حم\اتي و أسماء و سميحة و نادية، ماس*كين فيا خناق و مد ايدهم عليا بدون رحمة ،و مش عارفه ايه السبب لكل ده.
سليم لما سمع صوت صرخـ ـتي، طلع بسرعة و استغربت ردة فعله لما زقهم عني بع_نف، و صرخ فيهم: ابعدوا عنها يا مجانـ ـين، ابعدوا يا زبا_لة.
بعدهم عني، و ساعدني أقف و لف أيده على كتفي و قال بصوت عالي: اطلعوا برة، اطلعوا برة، طبعا زعلانين علشان هي أحلي و أحسن منكم.
محدش أتحرك من مكانه و كانوا مصدومين من كلام سليم..
صرخ فيهم: برة، برة.
خرجوا و هما ينف_جروا من الغ_يظ من سليم.
و أنا كنت منهارة من العياط في ح*ضنه و في نفس الوقت مستغربة أنه عمل كده، لسه من شوية يطلب مني أسكت علشان نعرف نعيش معهم.
خدني و أنا لسه في ح*ضنه ،قاعدنا على السرير و قال بحنان: حقك عليا يا قلبي ،الهي تنشل أيدهم اللي ترفعت عليكِ، أحنا ملناش قاعدة هنا ، يلا نسافر القاهرة دلوقتي.
بصت بسعادة و قولت : بجد يا سليم.
رد بابتسامة: بجد يا قلب سليم، ارتاحي و أنا أحضر الشنطة.
قاطع كلامنا، خبط الباب,قام سليم يشوف مين، كان أبوه
قال بجمود: خير يا أبوي
قال بهدوء: خير يا أبني، جاي أعتذر عن اللي حصل من الحريم ل مراتك.
قال بعصبية: مش عايز منكم أعتذر, أحنا نسيب البلد دلوقتي.
بص حماي بصدمة و قال بغ_ضب: اتجنت إياك ، علشان تسيب بلدك علشان واحدة ست.
رد بعصب_ية: الواحدة دي مراتي و كانت هت_مو*ت بسبب نسوان ملهاش حكم..
سمعت ض*ربة القلم على خد سليم ، قومت من مكاني بخوف…
قال حماي بصوت عالي: مش بقول اتجنت، النسوان اللي ملهاش حكم دي أمك و أختك و حريم أخواتك …
و كمل بأمر و تهد_يد: عارف لو فكرت تسيب البلد، أمشي في البلد كلها و أقول إن مراتك من غير الختم، و علشان كده خدتها و هر_بت، و شوف بقا لما الكلام ده يطول البشوات أهل المحروسة، يخسروا سمعتهم و فلوسهم يا جوز المحروسة.